مطاردة الماضى

الفصل ٥

- لماذا نحب أشخاص لا يحبونا ، و أشخاص يحبونا و لا نحبهم ؟!

- اللهم صلى وسلم وبارك على سيدنا محمد وعلى اله وصحبه اجمعين ❤️..

- بسم الله نبدا ❤️...

-------------------------------

- بعد انتهاء العمل تعود إلى المنزل ، لتدفع الباب لتفاجئ بحسام يجلس فى الصالون مع والدتها و بحوزته القطه .

- لتقول بهدوء : السلام عليكم .
- و عليكم السلام ورحمه الله وبركاته .
- لتقول والدتها بأستياء : رميتى استاذه سكر عليه .
- ليسارع حسام : لا ابدا يا خالتى ، و بعدين سكر جميله اوى .
- لتشاور بكفها ب براءه : شوفتى أن انتى ظلمانى .
- لتنهض من مكانها : طيب يا غلبانه ،
لتنظر إلى حسام بحنان : تشرب ايه يا حبيبى .
- ليرد بابتسامة : اى حاجه من ايدك حلوه .
- ماشى يا حبيبى .
- لتتجه للداخل لتصنع المشروب .
- لتجلس سهيله على الكرسى المقابل للكرسى الذى يجلس عليه حسام ، تمسك بسكر و تداعبها : ايه سكر عملت معاك ايه انهارده .
- ليرد بابتسامة : ديه جميله خالص و هاديه مش زى صحبتها .
- لتنظر له سريعا بعد ما كان نظرها على القطه : قصدك ايه يعنى .
- ليرفع يده بأستسلام : مش قصدى حاجه خالص .
لترد باعتذار : انا عارفه انى بتقل عليك ...
ليقاطعها : بتقولى ايه بس مفيش الكلام ده ما بنا احنا عيله واحده ،
- ليكمل بمرح ليرفع عنها اى حرج : و بعدين تقلى عليا ملكيش دعوه .
- لتبتسم له بامتنان .
- لتخرج والدتها من المطبخ تحمل المشروبات و يجلسون قليلاً ، ليغادر حسام إلى عمله ..
----

- تجلس فى غرفتها تقرأ روايه و مندمجه مع الاحداث ليرن هاتفها برقم جدتها ،
- لترد بمرح : قلبى يا ناس .
- لتسمع ضحكات على الطرف الآخر : يا بكاشه .
: وحشتيني يا فطوم والله .
: لو كنت وحشتك صحيح كنتى سألتى .
: ما انتى عارفه يا فطوم الشغل .
- لترد عليها بجديه مصطنعة : بت انتى مش هاتكلى عقلى بكلمتين انتى بكرة تركبى و تيجى .
- لترد بذهول : ازاى بس يا تيته بكره و بعدين احمد عندو شغل مسافر فيه من الصبح و ممكن يقعد يومين ، وانا عندى شغل .
- لتصر على قرارها بعند : مليش دعوه انتى وحشانى تتصرفى و تبقى قدامى بكره سامعه ،
لتكمل بتفكير : اقولك تعالى انتى و امك و لما احمد يخلص شغل يجي براحته .
- لتقول بأستسلام فهى تعلم جدتها جيداً : ماشى يا تيته هشوف ماما و الشغل و ربنا يقدم اللى فيه الخير .
- ماشى يا حبيبتى سلميلى على امك عقبال ما تيجى بكره , لتكمل بتحذير : هااا.
- ماشى يا فطوم سلميلى على خالى و على اللى عندك .
- لتقول بحب : الله يسلمك يا حبيبتى ، سلام .

- لتخرج من غرفتها إلى الصاله لتجد والدتها تشاهد التلفاز لتجلس بجانبها .
: ماما .
- لتجيب و مازال تركيزها على التلفاز : نعم .
- لتضع يدها على و جهها تديره إليها : يا ماما .
- لترد ماجده بنفاذ صبر : نعم نعم خير .
- لتقول بتوضيح : تيته اتصلت بيا و عاوزانا نركب بكره عشان نروحلها .
- لتنظر لها بأستغراب : بكره ازاى طب ، و شغلك و هنروح لوحدنا ازاى و اخوكى مسافر .
- لتهز كتفها : مش عارفه بس هيا مصره و انتى عارفه تيتا لما تقول حاجه لازم تحصل .
- لتفكر لبعض الوقت : طب و انتى ينفع تاخدى اجازه .
- لتمط شفتيها : ممكن اكلم صاحب المكتبه و اخد اجازه ، اصلا من ساعة ما اشتغلت و انا مخدتش اجازه و سلمى تشيل بدالى الشغل محلوله .
- ماجده : طب شغلك و حلناها ، طب و السفر لوحدنا مينفعش نسافر من السويس للصعيد لوحدنا .
- لتكمل بلهفه بعدما اتيتها فكره : و لا اقولك احنا نقول لخالتك تيجى معانا هى و حسام و نروح للعربيه بتاعته ايه رأيك .
- لتحرك رأسها بجهل : والله مش عارفه لو ده هيريحك تمام كلميها عقبال ما اكلمهم فى الشغل .

- لتكلم ماجده اختها هبه و تقترح عليها السفر لتوافق الاخيره و يتفقو على السفر فى السادسه صباحا .
- تمشى فى الغرفة و تقول بتبرير : يا بنتى هسافر لجدتى ......... ايوه كلمت استاذ وائل اه ......... لا مش هطول انشاء الله اسبوع بالكتير ........ لتكمل بضحك : ماشى هجبلك فطير و مش حااضر ياله سلام ....
- ليدق الباب : تعالى يا ماما .
- لتدلف و تقول بتساؤل : هاا عملتى ايه .
- اه يا ماما خدت اسبوع .
- طب كويس انا كلمت خالتك و وافقت و كلما ابنها و هنروح كلنا إنشاء الله .
- طب هنمشى امتى .
- على ٦ ص كده ، الحقى نامى عشان نجهز حجاتنا .
- تمام ، تصبحى على خير .
- و انتى من أهله .

- لتخرج والدتها من الغرفه ، لتنهض و تصلى فرضها و تقراء الورد اليومى ، تتمدد على الفراش لتنام بعض ساعات قبل السفر .
- ها هى تقف فى نفس المنزل و أمامها نفس الرجل و يقول لها الجمله المعتاده ( انتى السبب - مش هسيبك) .
- لتنهض بفزع و تصرخ عاليا و تمسك دماغها بألم لأول مره تحس بهذا الالم الشديد ، يأتيها على هيئة صداع و لكن هذه المره كان أشد .
- ليضئ نور الغرفة و والدتها تهرول ناحيتها : مالك يا بنتى فى ايه .
- لتعطيها كأس الماء : طب اشربى اعوذ بالله من الشيطان الرجيم اشربى يا ماما بسم الله .
- لتتجرع الماء كلها كأنها لم تشرب من زمن ، لتأخذها ماجده فى أحضانها و تمسد على رأسها و تقراء ما تيسر من القران لتقول لها بعدما انتهت : نفس الكابوس .
- لتؤمى برأسها و الصداع مازال يمسك رأسها لتقول بعد فتره مربته على ذراع والدتها : انا كويسه يا ماما متقلقيش .
- لتنظر لها بتردد : متأكده بقيت احسن .
- لترد بابتسامة مرهقه قليلا : صدقينى ، انا كويسه الحمد لله ، روحى نامى شويه ياله .
- لتقول برفض : لا خلينى معاكى .
- يا حبيبتى انا كويسه صدقينى وانا كمان هنام ياله بقى ارتاحى شويه .
- لتقبل جبينها : ماشى لو فيه اى حاجه نادى عليا .
لتؤمى رأسها بابتسامه : حاضر .
- لتغلق الباب خلفها لتستلقى على الفراش تلقى بذراعيها بجانبها بأهمال و تنظر للسقف بشرود : يا رب دلنى على الطريق الصح ، يا رب انا مش عارفه ايه اللى بيحصلى ده ، لتكمل ببكاء : يا رب انا تعبت بحاول أبين انى كويسه و مفيش فيا حاجه بس انا تعبانه .
لتقول بدعاء : يا حى يا قيوم برحمتك استغيث اصلح لى شأنى كله و لا تاكلنى طرفة عين اللهم امين .
- لتسمع اذان الفجر يصدح فى الارجاء ليطبطب الله على جرحها ، لتتذكر الايه القرانيه .
- قال تعالى ( وَلَقَدْ خَلَقْنَا الْإِنْسَانَ وَنَعْلَمُ مَا تُوَسْوِسُ بِهِ نَفْسُهُ وَنَحْنُ أَقْرَبُ إِلَيْهِ مِنْ حَبْلِ الْوَرِيدِ )

- لتقوم لصلاة الفجر و تدعى لنفسها بصلاح الحال ،
لتنظر إلى الساعة لتاجدها الخامسه ص لتوقظ والدتها و يوضبا اشيائهما و طعام سكر بالطبع و يتجهزو و يبدو الرحله الذى سوف توضح الكثيررر ......

--------

- تتوقعو ايه اللى هيحصل ؟

- فضلاً تفاعل و تعليق .

- دمتم سالمين ❤️.

- " ما كان من نصيبك ، لن يذهب لغيرك " .....