[ Unicode ]
-----------------
" အမေ "
ကျောက်ရုပ်တစ်ရုပ်လိုခပ်တောင့်တောင့်လေးဖြစ်သွားတဲ့အပြင် ပြုံးနေတဲ့အမေ့မျက်နှာလေးကပါရုတ်ချည်းဆိုသလိုဇဝေဇဝါဖြစ်ပြီးငေးငိုင်ကျသွားသည် ။ တုံတုံချိချိနဲ့ကားနားသို့လျှောက်လာတဲ့အမေ့ရဲ့ခြေလှမ်းများလည်းရပ်တန့်သွားကာ မျက်လုံးတွေကိုအားထည့်ပြီးမျက်မှောင်ကျုံ့ထားရင်းစူးစိုက်ကြည့်လေ၏ ။
" အမေ ... ကျွန်တော်ပါ "
သိသိသာသာအဖျားခတ်တုန်ယင်သွားတဲ့အသံလှိုင်းကို အမေကောင်းကောင်းကြားလိုက်ရမှာပါ ။ မယုံကြည်နိုင်စွာအံ့သြဘနန်းဖြစ်သွားသောအမေ့အမူအယာက သက်ဆိုင်ရဲ့အသံကိုမှတ်မိနေမှန်းသက်သေပြပေးခဲ့သည် ။
ထို့နောက် သူ့မြေးရဲ့လက်ဖျားတွေကိုကျစ်ကျစ်ပါအောင်ဆုပ်ကိုင်လိုက်ရင်းအတည်ပြုသလိုမော့ကြည့်တော့ ပြုံးနေတဲ့ပီတိမျက်နှာနဲ့သားတည်ကခေါင်းတဆက်ဆက်ညိတ်ကာ
" အမေကြီးတွေ့ချင်နေတဲ့သူလေ "
" ဒါ ဒါဆို "
စကားသံဆက်ထွက်မလာတော့ပဲ မျက်ရည်အဝိုင်းသားနဲ့ကျွန်တော့်ကိုလှမ်းကြည့်ပြီးနောက် တုန်ယင်နေတဲ့လက်အစုံဖြင့်အနားတိုးလာသည် ။
လက်မောင်း ၊ ပခုံးနဲ့ရင်ဘတ်တွေကိုအစုန်အဆန်ထိတွေ့ကိုင်တွယ်ရင်း အိပ်မက်ဟုတ်မဟုတ်စမ်းစစ်နေသည့်မိခင် ။ ဦးသက်ဆိုင်သူရဲ့နှလုံးသားတစ်ခုလုံးလှိုက်ဖိုနွေးထွေးသွားရုံတင်မကပဲ စိတ်လှုပ်ရှားမှုကြောင့်တဒိတ်ဒိတ်အခုန်မြန်လျှက် ။ ငိုချင်စိတ်ကိုနိူးဆွပေးနေတဲ့ခံစားချက်က လည်ချောင်းထဲမှာတစ်ဆို့နေပါတော့သည် ။
" သားလား .. တကယ်ပဲ သားသက်ပါနော် "
" ဟုတ်ပါတယ် အမေ ... ကျွန်တော်ပါပဲ "
" အမလေး ! အမေ့သားအစစ်ပဲ .. ဝမ်းသာလိုက်တာသားရယ် ဝမ်းသာလိုက်တာ ... အမေအရမ်းသတိရနေခဲ့တာ ... နောက်ဆုံးတော့ အမေ့သားနဲ့အမေပြန်တွေ့ရပြီ .. အမေပျော်လိုက်တာကွယ် "
" ကျွန်တော်လည်းအမေ့ကိုလွမ်းနေတာပါ "
" မင်းနှယ့် နေနိုင်လိုက်တာ .. အမေ့ကိုပါစိတ်နာသွားတာလားဟင် ... အမေ့ကိုပါမုန်းနေပြီပေါ့ ... အမေ့ဆီကိုအခုမှပဲပြန်လာတော့တယ်နော် "
YOU ARE READING
ဝေး ( ongoing ) ေဝး
Romance[ Unicode ] ----------------- အလွမ်းရယ်မပြယ် အချစ်ကဘယ်ဆီဝယ် ဆုံမှတ်တွေလွဲဖယ် ကျီစယ်တဲ့ကြမ္မာငယ် ချစ်ပါလျှက်ဝေးစေတယ် [ Zawgyi ] ---------------- အလြမ္းရယ္မျပယ္ အခ်စ္ကဘယ္ဆီဝယ္ ဆံုမွတ္ေတြလြဲဖယ္ က်ီစယ္တဲ႕ႀကမၼာငယ္ ခ်စ္ပါလွ်က္ေဝးေစတယ္ Moon ( Owncreation...
