ذنبي اني احببتك
البارت الثالث
الكاتبة: نور
لا تنسون تعلقون بين الاسطر
ــــــــــــــــــــــــــــــــــ
زينب
انصدمت واني سمعت اسم منو تحب لا مستحيل احاول استوعب
ـ جنى انتِ كل وعقلچ تحبين اخوي حسن
ـ اي احبه حب طفولتي حسن من زمان احبه انتِ بعدچ صغيره ماتعرفين شنو حب
ـ لا لا اعرف بس حسن اخوي واعرفه تفكيره نفس تفكير عمامي
ـ شبيج زينب يعني فوك ما شجعيني لا احبه ترى حسن مو نفس ما انتو شفوا اكو فد شي بداخله واني راحح اصحهه واطلعه
ـ والله ماعرف شكلچ
عفته وكمت نزلت من الدرج شافتني امي
ـ ام زينب: هاا وين موليييه
ـ راح ارجع للبيت تعبت
ـ الي يسمع يكول انتِ تشتغلين امشييي وليي روحه بلا رده
ضليت اباعله بحزن ليش هيج تحجي وياي عفته ومشيت جنت امشي بالبستان و شفت المكان الوكعت بي ابتسمت لا ارادي واني اذكر الولد الي حجه وياي مدري ليش فكرت بي ضليت امشي وافكر رجعت للبيت صار ليل رحت اريد انام واجت ملامح الولد نفسه الي بالي
مرت ثلاث ايام روتين عادي امي تروح البيت جدي اساعدهم لان خطار والولد دائما افكر بي ما راح عن بالي يمكن لان اول مره احط عيني و اصفن بشخص
كاعدين بليل ملتمين اني واهلي اني وامي نلف كبه حجه ابوي
ـ ابو زينب: اليوم رحت خطبت اسراء بنت اختي خديجه من ابوها وافق يطيني ياها الوالد زين نروح نخطبها رسمي
باوعنا كلنا مصدومين حجت امي
ـ ام زينب: ياا تحجي صدك المن خطبتها
ـ ابو زينب: خطبتها لاحمد
باوعت لاحمد كان يشرب بالجاي غص
ـ احمد: ياباا تحجييي صدككك منو يكولل انييي اريدهااا
ـ ابو زينب: لك حيوان لا تعلي صوتك عليه
ـ احمد: يابه اني ماريده شنو
ـ سكت لك حيوان اني خطبته وبكيفي ماكو قرار من بعدي
ـ احمد : بس يابا
ـ ابو زينب: كافييي
ضاج احمد اخذ مبايله و مشه اباوع لعلي وحسن خانسين يخافون توكع بيهم ضليت اضحك بگلبي كملنا لف صعدت سبحت اباوع اكو دم ضليت ارجف واخاف شنو هذا كمت ابجي ماعرف شنو هذا واخاف اسولف لواحد ما جنت اعرف هاي الشهريه واخاف لا امي تدري غسلت ونمت وضليت ارجف وابچي اخاف اسولف صار الصبح كعدت اباوع لكيت نفسي فايضه ضليت ارجف لا ياربي شنو هذا اوفف رحت بساع شلت فراشي وغسلته بدون محد يدري وغسلت ملابسي وسبحت خفت لسه ابين نزلت اشتغل صار وقت الغده حسيت بالم مو طبيعي بطني صعدت اركض وجهي صار اصفر كمت اتقيى شويه مددت وحسيت بجسمي حار وبردت سمعت صوت امي اصيح
ـ ام زينب: ولجججج وييييننن وليتي تعاييي صبييي غده
اصيح واصيح واني ماكدر اشيل روحي شويه وحسيت الباب انكسر من اثر ادفعه اجت باوعتي بخزره ودفرتني بطني متتت حسيت روحي طلعت
ـ لجججج مكموعهه صاليي شكد اصيح ليش ماتنزلين
بالكوه احجي
ـ يمه والله بطني
ـ شبيه بطنج
ـ مادري يمه تقيت و جسمي كله يوجعني وكمت ابجي حطت يدها على راسي
ـ يااا لچ مصخنه كومي اسبحي حتى تروح الصخونه
ـ ماكدر اكوم
اتفففت وكومتني گوه من رفعتني شافت الدم فكت حلكهه
ـ لجججج مصخمه شنو هذا
ـ بجيت يوم من البارحه ووو سولفتله كلشي
ضربت گصته وكالت
ـ كوميي كوميي صرتي مره تعاي اشرحلج سولفتلي كلشي واني فاكه حلكي وجابت الاحتياجات
رحت ارتاح مرت ايام و قررو اهلي يروحون يخطبون اسراء راحت امي وعمتي مرت عمي جابر الجبير و بيبي ام محسن و تقى بنت عمتي خوله مرت عز الدين ابن عمي جابر
وافقوا وراحت مشية زلم وهم نسوان طبعاً اني مرحت امي مقبلت بيوم الخطوبه واخيرا راح اروح كعدت بدلت لبست فستان طويل وردانه طويل شفاف شعري سويته شده عاليه ومكياج امي متقبل احط بس مرطبات لبست بشت فوك الفستان جان مفتوح والشال سديته عدل جان فستان زيتوني وشال زيتوني
طبعا عمتي خديجه عايشه ويه عياله طبيت وسلمت صارت الحفله وضلو يركصن النسوان حجت وحده
- ياا لجججج غيررر انتِ اختت العريييس غير اسوين هوسه
ابتسمت ودنكت راسي مارديت
ردت عليه عمه ام جنى
ـ خيه البت تستحي ما شوفيه شلون صارت
ردت وضلن يحجن عفتهن ورحت للمطبخ شفت باب خارجي ليوره البيت طلعت شفت بستان جنت لابسه البشت مفتوح والشال مو عدل شعري طالع منه
كعدت يم النخله لان دخت طبعي ما تحمل التجمعات لان ما شارك حديث جان اسمع واحد يكول
ـ لك هلا شوفوا منو منورنا
باوعت شفت هذا نفس الولد عيوني لمعن لا ارادي و تعلقت بعيونه
ضحك وحجه
ـ شسوين اهنا
ـ حجيت بصوت ناصي هاا مو اخوي العريس وجنت العب بالبشت ومدنكه
ـ انتِ اخت احمد العريس ماتوقعتج انتِ اخته اصلن ماتوقعت انتِ بتهم ماكو شبه بينكم
ـ أي صح كله هيج اكول
جان واكف وحاط ايده على النخله
ـ اي نحله ليش ما جنتي كاعده جوه شعجب طلعتي
باوعت بصدمه من كلمت نحله ضحك وحط يده بشعره
ـ شبيج تباعين ترى صدك عيونچ عسلي يعني نحله
ـ شنو يعني مافهمت
ضحك ومال راسه
ـ مدري حسيتچ هيج
ماكدرت ارد عليه ابتسمت وطبيت جوه باوعت وراي قبل ماطب لوح بيده الي ابتسمت لا ارادي وحطيت يدي على حلكي دخلت وشفتهم مكملين حتى العقد طلعنا ورجعنا للبيت سبحت ومددت بفراشي ضليت اضحك مثل الخبله وحاطه ايدي على حلكي
ـ الله شكد حلو وصوته حلو ياربي اخخ گلبي مدري شبي من اذكره يگوم يدك بسرعه معقوله اكون انعجبت بي ضليت افكر بي ونمت
مرت ايام عادي بس ذاك الولد ماراح من بالي بيوم اجت اسراء ضلينا نسولف ونضحك جانت مركزه وياي وتباوعلي طول اليوم بعدين حجت
ـ اكلج زنوبه كومي اريد عدل شالي بغرفتج
كمت وياها طبينا للغرفه وسدته كعدت على الفراش واشرت بسدها
ـ تعاي حبيبتي اريد احجي وياج
رحت كعدت يمه
ـ باعي زنوبه ابن عمي شايفج بالخطوبه ونعجب بيج ويريد يتواصل وياچ
فكيت حلگي مصدومه
ـ شنو يتواصل وياي
ـ اي شبيج يكول حاجي وياه ونعجبت بيه
ـ منو هو
ـ موسى ابن عمي وصفتلي ملامحه
الصدمه احتلت وجهي والإبتسامة شكت حلكي
ـ يعني هو هم معجب بيه
ـ اي مبين حتى انتِ معجبه بي
دنكت
ـ المهم حسابه عندي علمود اتراسلي
ـ ها لا ماكدر مبايل ماعندي خلي يجي يخطبني
ـ لا لج شبيج خلي تتعرفون احلى
جنت رافضه هشي لحد ما هيه قنعتني
رحت جبت مبايل امي بالبسكوت سوتي برنامج اسمه انستا وخفته و سوتلي حساب وطتني حسابه راسلته و
