ذنبي أني احببتك
الكاتبة: نور
لاتنسون تعلقون وتصوتون بين الفقرات
جنى
انهزمت ما اعرف وين كعدت على الرصيف تعبانه من الركض حطيت اديه على راسي
ـ وين اروح هسه سويت اني يربي
باوعت اجت سياره ركضت عليه صرت كدامه اوكفه وكفت السياره ركضت من جهة السائق فتح الجامعه مصدوم بشكلي
ـ بنيتي شطلعج بهل ليل
ـ عمو فدوه ساعدني
ـ بنيتي ما اريد مشاكل
ـ لا الله يخليك احسبي بنتك
اتفف واستغفر
ـ وين تريدن
ـ بغداد
باوعلي بصدمه
ـ ترى احنا بالبصره شي وديني بغداد
ـ لااا عمو دخيلك شكد ما تريد انطيك
ـ الطريق بعيد راح اوصلج لكراج ياخذوج
ـ اي اي
صعدت وياه وانطلقنا واني خايفه لا فهد يلحكني او يسجنوني يشتكي عليه الافكار اجت براسي بين ما افكر حجه الرجال
ـ وصلنا
رفعت راسي واصلين للكراج اطيته الكره واشوف السياره لحد مشفت واحد يكول رحت صعدت وحطيت راسي على الجامه ما اكدر ارجع لمحافظة خوالي لان راح يندلني فهد بغداد احسن مكان مستحيل يلكاني انطلقت السياره نمت وما ادري بروحي كعدتني المره الي يمي وصلنا دنيا نهار اطيت الكروه ونزلت ما اعرف وين اروح شفت محل يبيع لفات اشتريت لفه واكلت وشربت جاي كلت احسن مكان اروح بي الكاظم (ع) واصدك اجرت ورحت للكاظم طبيت التفتيش خلصنا وطبيت زرت كعدت اكبال واشكي
ـ دخيلك يا امامي ما اعرف وين اروح وادري السويته غلط بس شسوي تعبت اريد حقي تاخذه من كل واحد اذاني ودمرو حياتي اني يتيمة وجايه انخيك لا تردني بجيت واذكرت كلشي مر بيه كملت رحت صليت وكعدت مدري شكد نمت اجن ذني يشتغلن بالامام كومني ممنوع عدلت روحي ونمت طلعت صايره دنيا مغرب معرف وين اروح شفت مره تبيع كاعده بالكاع رحت كعدت يمها وحاطه يدي على خدي وصافنه بالناس صار الليل مادري بيش الساعه المهم شفت المره كامت تلم بسطيته هي مره جبيره باوعت عليه وحجت
ـ يومه مو زين تبقين وحدج هيج وكت اشكال والوان الشارع بي وانتِ بنيه صغيره وحلوه
ـ لا خاله عادي
ـ شبيج يمه وين اهلج
دنكت وسكتت
ـ كومي وياي يمه ما يصير اخليج وحدج
ـ لا خاله ما اريد ازعجج
ـ كومي يمه كومي
وصدك كمت وياها رحنا مشي لمكان شويه بعيد الصراحه اني تعبت دخلت بدرابين خفت خاف شو راح سويلي بس هي مبينه وجه متعوب مع ذلك وجه نوراني وكفت كبال بيت كلش صغير وتعبان حيل دكت الباب مرتين طلع ولد يطلع عمره 12
