ذنبي أني احببتك
البارت التاسع
الكاتبة: نور
لاتنسون تعلقون بين الاسطر
جنى
ـ ماما احجي منو مات
ـ عمتج
ـ الله يرحمه
ـ كومي بدلي حضري ملابس لان نبقه للسبعه
ـ يومم بيه حيل واني يمتى علاقتي قويه بيهم شو بس المناسبات والاحزان نلتقي
ـ كومي يوم لا تعاندين
ـ اوففف
رحت احضر ملابس صحيح ضجت عليه عمتي عايشه بغداد و ماعدها بس ثلاث بنات وحده مزوجه وذنيج بعدهن طلعنا شفت حسن يحجي ويه ابن عمي مصطفى هوا الي راح يوصلنا ما اهتميت اجاهلته وصعدت بالسياره اجه مصطفى صعد ويمه حسن واني وامي وره طريق كم ساعه وصلنا ردت انزل شفت جادر وزلم وباب بيتهم مفتوح نزلت امي قبلي ومصطفى ردت انزل وحجه حسن
ـ حبيبي بعده زعلان مني
ـ ششوف انتَ تتهمني وتريدني اسكت
ـ حبيبي شبيج جنت عصبي وانتِ قابل سكتي
ـ كافي اسكت
ـ هسه وكته تموت لازم نجل الخطوبه للاربعين
ضحكت بكلبي و اشوفه شلون فاير
ـ دربالج على روحج وسامحيني
ـ افكر عود
نزلت لكيت امي بالباب تنتظر طبينا باب البيت وما اسمع غير امي
ـ يبوووووو يبووووووو احو احو راحتتتت الغاليه وطبت بالصاله
والنسوان اليمه كامن يدكن ويلطمن
ضليت فاكه حلكي ذوله شبيهم شويه كعدنا اجن بنات عمتي سلمت عليهن
كملو غده جاي نغسل اماعين سمعت واحد كال
ـ شلونج جنى
باوعت منو هذا؟
ـ عفواً بس منو انتَ
ـ اني ابن عمج
ـ اهاا اهلا وسهلا خويه
انوب راح يحجي ويه بنت عمتي الثانيه اشوف شلون يواسي بيه شكيت بينهم شي
دزوني على جدر موجود بالخلفي رحت اجيبه وسمعت
ـ احم احم
لا يالله هذا شيسوي اهنا
ابتسم
ـ ياهلا شلونج شنو هاي الصدفه
ـ انتَ شسوي اهنا
ـ غير زوجة عمي اتوفت و لازم اعزيهم
ـ لا مستحيلللل
ـ شبيج بابا
ـ اوففف شكد حظ فكر
ـ وانتِ شسوين اهنا
ـ الي توفت عمتي
عقچ حواجبه بس اني اعرف ولد مقداد عنده بس بنيه وجبيره
ـ اني مو بت مقداد عمي اني ابوي متوفي
ـ اهاا انتِ بنت اخو مقداد المرحوم سمعت عنج عايشه ويه خوالج
ـ اي صح اوكف اني شعندي اخذ وانطي وياك اروح احسلي
