ذنبي أني احببتك
البارت الرابع عشر
الكاتبة: نور
لاتنسون تعلقون بين الفقرات
زينب
شوفني المبايل ياريته ما شوفني دازله محادثة البارحه بينه وبيني وكاصه مخلي من كايله ماحب سلام كاصه ما مكمله ومن كلت احبك بس قبل وهم كاصه
نزلت راسي وبچيت بعدين رفعتة
ـ سلام اسمعني
ـ شسمع ولجججج تخونيننن بيههه ما تحببببينييي شكدددد شفت نذاااله بس مثلججج مشفتتتت ولجججج ما غزرررتتت بيجججج احجييييي
كام يكسر الاغراض ويحجي بعصبيه اول مره أشوف سلام هيج كل ميتقرب مني يريد يضربني يوخر ويضرب الاغراض ضرب بيده بجامة الكنتور يده تنزف ركضت عليهه
ـ سلام يدك بس خلي اشوفه فدوه
سحب يده مني وباوع لعيوني
ـ هذا الجرح مو نفس الجرح الي سويتي بگلبي رتج ضماد لجروحي تعالجيهن بس كبرتيهن شكد حبيتج واكول طفله سلام كلشي اسوي سامحه بعده صغيره والله من دزلي ياهن اتعاركت وياه كتله حتى هاي قبل متعرفك بس من دزلي محادثج انتِ وياه البارحه كسرتي هذا
اشر على گلبه وسكت بعدين رجع كمل واني بس دموعي يديرن
ـ ردة اسمع وافهم منج بس لا خليچ انتِ وياه لهنا ومات حب سلام الزينب و ندفن شسوين سوي بعد اني ما اهتم
ـ سلام فدوه بس اسمعني
راد يطلع حچيت
ـ سلام اذا طلعت وما سمعتني صدكن ما اسامحك طول عمري لان تهمتني باطل
ـ وهذا اريده اني
عافني وطلع كعدة بلكاع وابچي واندب حظي ثواني ودخلن ديما وريم يركضن شافن الغرفه انصدمن اجتني ريم تركض كومتني وحضنتي
ـ ريم :كافي يروحي اششش
واني ابچي واعيط انتهيت حرفين طلعتني ريم الغرفتة وكعدتني على الچربايه
راحت ديما جابت مي
ـ ديما: هاچ اشربي
شربت شويه وهدات وباوعتلهن
ـ ديما: شكوو شصاير
ـ ريم: ديما مو وكت هذا الحجي
ـ ديما: شنو مو وكته ريم ترى عياطهم ليون واصل وماما مقبلت ندخل ونزل سلام حاله مكلوب اول مره اشوفه هيچ ويده تنزف غير اعرف شكو
ـ ريم: ديما رجال ومرته اصير هيج بينهم
ـ ديما: ترى البارحه طيور حب
ـ بنات فدوه كافي
سكتن ويباوعلي راحت ديما اجت كعدة يمي ريم
ـ حبيبتي زينب اني ماعرف شصار بينكم بس كل رجال ومرته اصير بينهم مشاكل
ـ بس هاي مو مشكله عاديه
ـ كله مشاكل شوفي اني وايهاب هم اجت فترة مرات اصير بينه مشاكل بس من حبلت بيزن بعد متعاركنا
ـ تتوقعين راح يسامحني
ـ يعني افهم انتِ الغلطانه
ـ اثنينه هو مسمع مني
ـ باعي سلام من نزل كان عصبي والرجال من يصير عصبي عوفي يهده يلا تتفاهمون
ـ ماريد اتفاهم وياه هو خسرني بعد
ـ لا اكولين هيچ زنوبه والله من يهده يسمع منچ
