ذنبي اني احببتك
البارت الخامس
الكاتبة: نور
لاتنسون تعلقون بين الاسطر
جنى
اتصلت وسمعت صوت رجال
ـ الو منو انتَ
ـ اني الي لازم اكول منو انتِ
ـ محسن : وين امي بيه شي
ـ هااا لا لا شنو بيبي مزوجه وعدها ولد
ـ انتِ منو
ـ اني جنى
ـ بنت هدى صح
ـ تعرف امي
ـ ههههه بنيتي اني خالج محسن بيبيتج مسولفتلي عليج
ـ اهااا بس شلون تتواصل وياك مو محد يتواصل وياك
ـ مو مهم وليش اتصلتي
ـ هااا مو ردت اعرف بيبي ويه منو تحجي عبالي تخون جدو
ـ هههههههههه اخخخ متتتت ولجج انتِ شنوووو خيانه شنو ههههههههههههه
اسمعه يغص ويضحك
ـ شبيك والله
ـ فوكاها صريحه والله كالت الحجيه عليج طركاعه مو بت
ـ تمام تمام يعني مشوها سمعتي بيبي
ـ لا بنيتي يلا محتاجه شي
ـ لا سلامتك خالووو بببايييي
وسديت الاتصال اخخخ يابيبي طلعتي تتواصلين ويه خالي وتكولين مشتاقتله
رحت مرتاحه نمت بالغرفه بحضن امي
صار الصبح روتين عادي مرت الايام واشياء كلش عاديه مرات ابوك تلفون بيبي احجي ويه خالو كلش حبيبته مبين فرفوش ولطيف حيل جنت امسح بالصاله طب جدو
ـ جنى تعاي عندي موضوع وياج
طبكت حواجبي ورحت وراه طب للديوان كعدت يمه
ـ سمعي بنيتي حسن ابن خالج تقدملج واني وافقت وقرينه الفاتحه خوش
ـ تمام جدو الي شوفه انتَ
ـ هايهيه
طلعت اهز بيدي
ـ والله يالله ليكول هوا الي يزوج يتحكم بكيفه شلون الي يمر امشي وادردم
ـ هيووو شبيج تحجين ويه روحج تخبلتي
ـ هلووو طروقي انتَ سمعت شحجي
ـ طارق: اي والله وخطبوج واخيرا كوللللشششش
ـ ولك شبيك
ـ لان انتِ محد يريدج من وره لسانج بس اريد اعرف اشاف منج الزركه
ـ انجب ترى انتَ هم ازرك شوف وجهك مني تاخذك
ـ هههه ضحكتيني اذ ما اخطب وحده شگره وحلوه وخليه تحبني ما اطلع اسمي طارق
صفكت اديه وغميته
ـ ولجج تعاييي
يركض وراي واني اركض لزمني من شعري الجوه الحجاب
ـ اخخخخ
ـ هاي عليمن
ـ عليك عليك
ـ فوكاه تعترفين
جريت يده وعضيته
ـ اخخخ حيوانه
ضلينه نتعارك
ـ ولكم شبيكم
شفت بيبي ام جابر
ـ ولج شمسويه بالفرخ عوفي
ـ طارق :رحمه والديج بيبي سويتيني فرخ
ـ انجب حسك يغبر حاطه وتكتل بيك شكد فاهي
غمته وتمشي
اباوعله فاتح عيونه وحلكه مصدوم ندسته
ـ سده لا تطب بي ذبانه
ـ اليوم شبيكم كله تغم بيه
ـ لانك اغبر
رحت ومشيت مرت الشهر وصار سنه واني وحسن شويه قوت علاقتنا بس اكتشفت حسن طبعه صدك نفس خوالي صدك من كالت زينب متحكم كلش
حتى بعرس احمد ما خلاني اروح للزفه توسلت وتعاركت ماقبل جنه كاعدين نسولف بليل ونكرز حب شويه و اجه جدو جمعنا احنا كلنا
حجه
ـ الجد : بعد يومين يجون بيت ابني محسن لان تصالحت وياه واعتذر
كلنا انصدمنا
واكثر شي عمامي باوعت البيبياتي
شفتهن عادي الوضع كانو يدرن عاط عمي جابر
ـ حجيييي شنووو شكووو تصالحتت وياههه تذكر شلون عاندك واخذ الي يريده
ـ الجد : ييي صح بس غلط
عمامي يكمزون ويتعاركون لحد ما قنعهم جدو
مرت يومين واجو بيت عمي محسن وجانوا كله موجوده خوالي وخالاتي وكلها اجت زينب الصراحه انصدت بيه عيونه مرمه وجه شاحب وحزينه حيل واكو اثار ضرب بوجه الصراحه انصدمت شفت اسراء تشاور بيه وهيه تهز براسه
ـ والله اذ ما طلعت شو شبيه وكله من وره هاي الحيه
طلعنا ننتظرهم وكفت يم زينب واسراء اباوع السيارات سود عاليه و مضلله اول سياره نزل منه رجال مبين عمره بنص الثلاثين وراه نزل اعتقد عمي انوب نزلن نسوان ثنين كلنا فكينا حلوكنا ع جمالهن شكرات والبياض والعيون يخبلن وحده مبينه نهايت الثلاثين والثانيه مبينه بنص العشرين
وكفت السياره الثانيه نزل منه ولد اشكر هم والعيون زرگ وياه وحده امبينا عشرينيه هم حلوه بس امبينه متكبره
وراه وكفت السياره الثالثه والبنات كلها شهكن من نزل واحد
ـ لا لا مستحيل
يخبل بمعنى الكلمه سمار والعيون خضر وملامح حاده وجسم معضل وطويل كلش كلش عيونه حاده حيل انوب عنده اوشوم بيده لان مصرفن القميص وطالعات وشومه من يده وفاتح اول دكم اكو وشم بصدره وراه نزلن بنات وحده كامشه يد الثانيه والبس مالتهن وشعرهن عيني نصه طالع لوحده واكع الشال ع جتفه اباوع الولد كله فاكه حلوكهم
ـ اسراء: لا والله خالي محسن شمخلف مايكلي يخبلون
ـ اي والله
كلنا نحجي البنات اباوع بس زينب تباوع بالفراغ اجن النسوان سلمنا عليهن دخلنا كلنا بالديوان كعدو وحجه جدو
ـ الجد: شلونكم يابه
ـ محسن : والله الحمدلله حجي
ـ اياد : محسن شنو متعرفنا عليهم
ـ محسن اي صحيح هاي مرتي نوال
من كال مرتي شهكن النسوان لان مبينه صغيره
وكامن يشاورن هيه امبينا عرفت حجن عليه گلبت عيونه وما اهتمت
كمل خالي
ـ محسن: وهذا ابني الجبير وذراعي اليمنى ايهاب
وهاي مرته ريم وابنهم يزن
ـ ام جابر: شني مرت ابنك هم كرديه
ـ محسن: ابوه كردي وامه من بغداد
كلبت عيونه بيبي ام محسن مبين ماعجبه
ـ مسحن : وهذا ابني سلام وهاي بنتي هدى
ابتسمت نفس اسم امي
رجع كمل
ـ وهاي بنتي ديما واخوه التوم سامر
باوعنا كلنا بتفاجه ما يشابهون هيه بيضه كلش وعيونه سود وشعر اسود وهوا اشگر وعيونه زرك
ـ جابر: شلون توم ما يشابهون
ـ ايهاب : عمي توام غير متماثله
هز راسه بتفاهم عمي
ـ محسن وهاي اخر العنقود سوسن بنيتي
انوب بلش جدو يعرف علينا من وصل الي ابتسمت لخالي وهو هم بادلني الابتسامه وصل الزينب اباوع كلهم ضلو يباعون كامت سلمت شفت البنات ثنين ضلن يشاورن ويباعن عليه اباوع لهذا الولد سلام رفع راسه اول مره ينتبه الشي وهيه زينب طبك حواجبه من شافه يمكن من اثار الضرب او الاراهق ما الومهم
جرته اسراء وطلعتها بره
كامن نسوان خوالي ويه النسوان طببنهن للصاله
كلت لازم اعرف شبيه زينب رحت لحكتهن
