ذنبي أني احببتك
البارت السابع عشر
الكاتبة: نور
لاتنسون تعلقون بين الفقرات وصوتون
ــــــــ
زينب
كاعده بره بالحديقة و صافنه حظي معقوله صدك حامل حطيت يدي على بطني وحجيت
ـ يعني هسه اكو طفل هنا يسمعني ،
اذا صدك تسمعني اني اسفه لان اذا ولدة راح كون بدون اب
صفنت بسما وذكرت سلام
"ذكره"
جاي امشط شعري وسلام يشتغل بالحاسبه خلصت شعري حطيت مرطب لديه والوجه ورحت يم سلام
ـ هاا حبيبي
يحجي وعيونه بالحاسبه كمشت يده حضنته وحطيت راسي على جتفه
تفاجأ حركتي ابتسم وكمل شغل
ـ سلام
ـ عيونه وروحه السلام
خجلت من كلامه ضحك وكال
ـ ههههه مووو وكت خجل احجي احجي
ـ ءاااا شسمه هم تحب الاطفال
ـ ليش؟؟
ـ هيچ سؤال
ـ مادري لان ما ما تقرب من طفل من قبل
ـ امممم
سد الحاسبه وخرت راسي منه اندار عليه باوعت يباوعلي
ـ زوزو تريدين طفل؟
ـ هااا
ـ اذا تريدين طفل من هسه اكول شيلي الفكره من راسچ
نصدمت بكلامه
ـ ليش؟؟؟
ـ هواي اسباب
ـ اي غير اعرف
حك راسه وما يباوع عليه ويحجي
ـ اني ما حب الاطفال وما افكر بيهم ماريد
ـ سلام تحجي صدك
ـ لعد اجذب عليج
ـ بس اني احبهم
ـ اذا تريدين يصير عدنا طفل مو هسه
ـ لعد شوكت
ـ اكبري
ـ اي يمتى
ـ من عمرج يتجاوز 18
ـ وانتَ
ـ كتلج اني ما حبهم و لا اريد
كام ينام بالفراش وعافني حجيت
ـ واذا صار
جاوبتي ومدد بالجرابيه عدم اهميه
ـ ينزل
انصدمت بي معقوله
" الحاضر"
رجعت للواقع واني اذكر كلامه حسيت واحد وراي درت وجهي شفته علي ابتسمت كعد يمي بالكاع
ـ شبيج ضايجه
ـ مابيه شي
ـ چا ليش ما تغديتي ردت اصيحلج اسراء كالت اكول ماريد صدك
ـ اي ما اشتهي
ـ زنوبه حبيبتي شبيج
ـ اوففف ماعرف شكول
ـ احجي احنا مو منضم على بعض
ـ يمكن اني حامل
ـ هااا
ـ اي سويت تحليل منزلي وطلع ايجابي
اباوعله شك الحلك من الابتسامة
ـ صدك
ـ اي
ـ يعني راح اصير خال
