ذنبي اني احببتك
البارت الثامن
الكاتبة: نور
لاتنسون تعلقون بين الاسطر
جنى
بعد روحت زينب حيل ضجت المهم مرت اربع ايام وزينب رايحه قررنا نروح انزور الامام علي (ع) الصراحه حيل فرحت احب الزيارات اجرنا سياره جبيره علمود تكفي كيفت عبالي حسن يروح ويانه رحت للبستان حتى اشوفه قبل يوم من روحتنا شفته كاعد يم نخله و يخابر رحت وكفت كباله شافني ابتسم سد المبايل
ـ حسن: شلونه حبيبتي
ـ تمام وانتَ
ـ بشوفتج صرت زين تعاي اكعدي يمي
رحت كعدت يمه وحطيت راسي على جتفه
ـ متحمسه الباجر راح تروح ويانه انتَ
ـ لا روحي عندي شغل
وخرت راسي و باوعت عليه بصدمه
ـ ليش
ـ والله طلع عندي شغل
ـ بس اني اريد انزور اني وياك سوه ندعي الله وأهل البيت يجمعونه
ـ حبيبتي شسوي غير مره ان شاء الله
ـ تمام يلا اني رايحه
ـ كومي اني اوصلج ومن هسه اكول مكياج ماكو ولبس مستور
ـ يدلل حبيبي
وصلني لبيت جدي رحت تعشينا وحضرت ملابس الباجر ونمت كعدنا بالصلاة بدلنا و لبسنا صعدت بالسياره اباعلهم كلها كامت تصعد اشتقت لزنوبه ناقصتنا الطريق انسولف ونضحك ونشاقه واكيد اني وطارق بس نتعارك انوب طلعنا الحب وكمنا نكرز اني اشمر عليه وهو يشمر عليه
ـ كافي طارق ترستني حب
ـ ههههه انتِ هم بطلتي
ـ ننننن ولي يلا
وأخيراً وصلنا نزلنا وكل عاده يوصون لا نضيع رحت للتفتيش طبيت المقام راحه نفسيه ضربني العطر مال زياره شكد طيب طبيت زرت جان ازدحام ومدافع وأخيراً لحت الشباك وزرت ودعية طلعت اباوع و لا وحده من عماتي واهلي
ـ لا يالله وين راحو
رحت ادور بكل مكان انوب المكان جبير وتيهت حتى باب الخروج ما اندله رحت كعدت على صفحه واباوع للنسوان دموعي نزلوا لا ارادي
ـ دخيلك ياعلي وين راحو
ـ شبيج يمه
باوعت مره جبيره وجه نوراني نزلت دموعي وكتله
ـ خاله تيهت اهلي ما اندل وينهم
ـ يمه كومي لا تضلين كاعده اني وياج ندورهم
الصراحه فرحت كامت وياي المره وكمشت يدي
ـ تعاي اطيني يدج حتى ما اضعين
ـ ابتسمت يااا خاله شنو السالفه
ـ امشي يمه امشي هسه نلكاهم وين يرحون
