ذنبي أني احببتك
البارت التاسع عشر
الكاتبة: نور
لاتنسون تعلقون وتصوتون بين الفقرات
جنى
فتحت عيوني شفت ضوء ابيض عرفت نفسي بالمستشفى باوعت حولي شفت فهد والحجيه يسولفون والحجيه فرحانه وفهد هم حجيت
ـ اه
انتبهوا عليه اجاني فهد يركض و يتفحص
ـ شبيج حبيبي يوجعج شي
ـ راسي شويه يوجعني
ـ الحجيه: ماكو شي يمه بس لان الوكعه على راسه
ـ لا اكولين خياط هم
ـ الحجيه: ههههه لا يمه شني السالفة
ـ ليش مو وكعت من فوك
ـ فهد: لا مو من فوك وكعتي على الكاع
ـ هااا
ـ اي . يلا علمود نطلع
ـ لعد شبيه
ـ الحجيه: عندج فقر دم يمه وانتِ منا حامل طبعاً دوخين
ـ هااا شنو حامل؟
ـ فهد: اي حبيبتي حامل بشهر الثالث
ـ شنوووو؟؟؟
ـ الحجيه: چا شكد غبيه بشهر الثالث ما تدري بروحه يعني انتِ ما حسيتي دوره ما تجي
حيل استحيت من كلامه دنكت ساكته عاط فهد
ـ يمه شني هذا الكلام
ـ چا يمه مجذبه كل حبله ما تجي الدوره
ـ يمهههه
ـ ههههه ما يرضى ينجاب طاري مرته يلا امشونه
كمت وفهد عدل شالي وحجابي ولزم يدي طلعنا من المستشفى وفهد راح للصيدلة يجيب علاج
اجه صعد
ـ فهد: راح اجيب كرفس سوو بالخلاط زين خلي تشربه لفقر الدم
ـ الحجيه: اي يمه صدك زين
ـ ايععع والله ما اشربه
ـ فهد: چا شلون عندج فقر الدم حاد علمود اطيبين مو زين وانتِ حامل
ـ الحجيه: عوفه يمه اني اشربه والله اذا ما تشرب بالعصه على ضهره اخليه تشرب
ـ شني هي كوه
ـ الحجيه: غير انتِ حبله وعلمود الفرخ خاف يصير بي شي
ـ يعني انتو علمود الطفل مو بحالي
ـ فهد: لاحبيبتي شني السالفة غير انتِ الاساس
ـ الحجيه: اي كوم حبه بعد كدام تتغزل بيه ما تستحي
ـ فهد: ههههه تغارين حجيه
ـ الحجيه: عشتووو اني غارر
عوجت حلكه من حجت فهد باوعلي من المرايا وغمز وياشر بعيونه عليه واني اضحك وحطيت يدي على حلكي شويه وصلنا للبيت نزلنا الحجيه بشرتهم اني حامل صعدت فوك ذبيت الشال والعبايه ورحت للحمام ذبيت مي على جسمي لان خاف بيه ريحة مستشفى طلعت من الحمام وفهد واكف يم ميز المرايه ويقرا بالعلاج من شافني ابتسم وجه حضني وحط راسه بركبتي
ـ افيشششش ريحة الجنه
ـ اممم هي شنو ريحة الجنه
رفع راسه يباوع عليه وعيونه ذبلانه
ـ انتِ كلج ريحة الجنه
ـ هههه وانتَ شام ريحة الجنه
ـ اسمج جنى وانتِ جنه
ـ اممممم
رفع يده يحط شعري وره اذني
