ذنبي اني احببتك
البارت السابع
الكاتبة: نور
لاتنسون تعلقون بين الاسطر
جنى
صار الموضوع بسرعه العقد والعرس بيوم العرس لبست فستان فوك الركبه ابو التعاليك فوكه شال مديله كان بنفسجي طوخ حطيت مكياج وشعري سويته كيرلي جانت اجواء العرس كلش حلو صحيح ركصت بس جنت حيل ضايجه ع زينب مبينه ما رايده هذا الزواج صعدت بغرفة زينب اعدل نفسي سمعت حسن يتعارك ويه شخص بغرفته رحت اشوف شكو شفت مريم بنت خالتي خديجه مدري شتحجي ويا وهو صاير اعصاب يتعارك وياها
حسن: امشيييي اطلعيييي برههههه
طلعت باوعتلي جانت تبجي نزلت تركض اباوعله يمسح بكصته
ـ حسن: ناس ما تستحي
ـ شبيك
باوعلي انصدم
ـ حسن: شسوين اهناا سمعتي الصار
ـ لا ليش شكو شبيه مريم تبجي
ـ ماكو شي حبيبتي
ـ اهااا تمام ردت اطلع
ـ تعايييي تعايييي وياشر باصبعه ع ملابسي هيج طالعه كدام النسوان
باوعت النفسي
ـ يااااا نسيت روحييي
ردت اطلع كمش يدي
ـ وين يحلو
ـ شبيك حسون
ـ صارت بيه حسون
حط يده منا ومنا واني صرت بنص والحايط بظهري
ـ شبيك حبيبي خليني اطلع لا يجي واحد
ـ جؤ جؤ شلون اخليج تطلعين وانتِ بهذا الجمال شعلتي ابو ابوي
ـ يااا حبيبي شبيك زادن حراممم
ـ انتِ خليتي بيه حرام وانوب تره اني خطيبج
ـ اييي بس بعدنا ما عاقدين
ـ اوففف عمي بعد ما اتحمل اريد اعرس
كمت اباوعله واضحك
ـ اروح فدوه لهل ضحكه
ـ كافي خجلتني
ـ جناوي اطيني بوسه
باوعتله
ـ حرامممم
اتقرب عليه وطبع بوسه بخدي قشعر جسمي كله
ـ يلا حبيبي اطلعي لا ارتكب بيج جريمه طلعت واني فرحانه نزلت اشوف مريم تخنزر بيه گلبت شعري بغرور شويه واجه سلام اخذ زنوبه للفندق حيل ضجت عليه رجعنا للبيت سبحت اجت يمي ديما
ـ ديما:هاا حبي شبيج
ـ مابيه شي بس خايفه على زنوبه
ـ حبيبتي لا تخافين والله سلام زين هادى وبارد اني اعرفه وما يحب يضرب مره وخصوصاً زينب بعدها صغيره
ـ مادري انتِ ادرى بخوج بس زينب شفتيه ما تريد هذا الزواج
ـ لا تفكرين جناوي صدك سمعت بيج خاطبج حسن صدك
ـ اي
ـ انتِ تحبي؟
ـ تريدين الصراحه اموت عليه مو بس احبه
ـ مو زعلين مني بس ما حبيته ابد
ـ لججج لا تحجين عليه
ـ اوك اوك
ـ وانتِ هم تحبين
ـ لا حبي لسه ما لكيت فارس احلامي
ـ هههه وشنو مواصفات فارس احلامج
ـ صعب ماكو منه بالكون
ـ خلي نشوف عود
ضلينا نضحك ونسولف بعدها نمنا نامت يمي بالغرفه
ــــــــــــــــــ
زينب
كعدت الصبح شفت الساعه ب8 اووو هاي لو يم اهلي جان صرت جنازه نايمه لهيج وقت باوعت السلام رايح بسابع نومه انتبهت الملامحه هوه حلو الصراحه نايم ع بطنه شفت ظهره بي وشم تنين اباوع وحده من اديه هم بيه وشم كتابات ما مفهومه بيا لغه نزلت من الجربايه غسلت وجهي وفرشت اسناني شعري سويته كبه بهمال طلع منه خصل ضليت كاعده ع الكرسي وافكر بموسى ادري حرام عليه افكر واني ع ذمة رجال بس والله مو بيدي احبه ما اكدر انساها ياترى درى بيه تزوجت ليش ما سالت اسراء لازم اساله واعرف درى لو لا ضاج عليه كاعده وافكر نسيت نفسي ضليت اذكر من بداية تعارفنا وسوالفنا كلها سمعت صوت حركه باوعت سلام يحك بعيونه
ـ صباح الخير
باوعلي شعره مخربط بهمال وعيونه حمر
ـ صباح النور شكد الوقت
باوعت للساعه ب9 ونص
ـ 9 ونص
ـ بعد وكت شوكت كعدتي
ـ ب8
ـ شعندج كاعده هيج وكت
ـ موو متعلمه
هز راسه ورجع تمدد ع الجربايه ع ظهره اباوع شو هذا رجع نام
يااا واني جوعانه استحي اكله
رحت وكفت يمه وهو مغمض
ـ شتردين
يااا هذا كاعد بس شو مغمض عيونه يربي استحي اكله
فتح عيونه باوعلي يهز براسه معناها شكو
ـ أ أ أ شسمه مممم
ـ شبيج راح ضلين هيج احجي
حجيت واني مدنكه
ـ جوعانه
عبالي راح يعيط بيه لان كعدته من نومه بس شو هز راسه إيجاب وراح يغسل طلع اخذ تيشرت وبنطرون طب للحمام طلع ينشف بشعره مبين سابح باوعلي وكال
ـ يله بدلي حتى نروح مطعم نتريك
هزيت راسي طبيت سبحت ولبست بلوز وبنطرون وفوكاه جبه لان استحي بلوزي قصير والبنطرون ظيك طلعت ظل يباوع عليه من فوك ليجوه هز راسه مثل القابل واكفه الف بشالي باوعتله يلعب مبايله اخذت عطر وحطيت انوب مرطب وجه وتنت خفيف مامبين اباوعله راح للجنطه اخذ عطر وترس روحه شميته كلش قوي وطيب عطره ليش ما انتبهت من قبل اخذنا جنطت الملابس قفل باب الغرفه شايل الجنطه بيد واليد الثانيه مده الي كمش يدي اطه المفتاح لليشتغل بالفندق وطلعنا سيارتا جانت عاليه سوده تخبل كعدت بالصدر اجه كعد
ـ سلام: راح نروح مطعم نتريك ونطلع لبيت جدي انسلم عليهم ويباركونه اذا سالوج ع البارحه شكولين
ـ اكلهم كلشي
وكف السياره واندار الجهتي يباوع
ـ لج انتِ غبيه
ـ ليش
ـ يربييي صبرككك
من عاط خفت منه الصراحه
ـ سلام: لجججج بابا كليلهم كلشيي تممم تماممم
هزيت راسي وكلت
ـ تمام
رجع ساق السياره وكفنا يم مطعم طلب مشاوي اني ما اكل هيج الصبح گوه اكلت انوب جاب جاي شربنا وطلعت وصلنا للبستان باوعت للبستان الثاني من عبرنا هذا بستان اهل موسى ضليت اباوع نزلنا باركونا اني وسلام راح سلام بالديوان واني كعدت بالصاله اجن كلهن النسوان كعدن
ـ ام جابر: ايييي بيبي بشري
ـ شبشر بيبي
ـ أم جابر : تبقين ثوله طول عمرج رجلج
تقربلج
عززززا هاي بيبي والله ماتستحي تحجي كدامهم عادي
ـ عيب بيبي شنو هذا الكلام
ـ أم جابر: ولججج انلصمي عود ازوجت طلعلها السان
ـ ام سلام: حجيه البنيه تستحي حبيبتي زنوبه تم كلشي
هزيت راسي بي كامن يهلهلن حجت مرت عمي جابر
ـ ام عز الدين: ايي وينه بياضج
ـ ام جابر: صدك لج وينه بياضج
سكتت ما حجيت ردت عمتي
ـ ام سلام: حجيه هذا الشي خاص بزوجه وسلام من النوع الي يحب ما يطلع شي يخصه ما اعتقد راح يخليكم تشوفو
ضلن يحجن اجت يمي جنى جرتني واخذتني للغرفه
ـ جنى : صدك تم كلشي
ـ تحجين صدك جنى والله ما اخلي يتقرب نسيتي وعدي
ـ كبر لج انسي لهذا الحيوان سمعت وره الغده راح تروحون
ـ وين نروح
ـ الاربيل
الصراحه انصدمت واذكرت هما عايشين اهنا باوعتله كامت تبجي واني هم ابجي حضنتني
ـ جنى: راح تعوفيني جلبه
ـ والله مو بيدي
طبت اسراء
ـ اسراء: يااا هاي شبيجن شكو تبجن
ـ راح اروح الاربيل شو اباوع اسراء هم كامت تبجي شويه ومسحنه دموعنا واذكرت
ـ صدك اكلج سرو
باوعتلي هيه وجنى
ـ احجي حبيبتي
ـ موسى درى بيه تزوجت
ـ جنى : ليش تسالين عليه
ـ هاا هيج بس ردت اعرف
ـ حبيبتي زنوبه جنى صدكت ما يصير تسالين عليه وانتِ ازوجتي وانتِ تخافين الله حرام تسالين اما بالنسبه لنسبه سوالج لا ما درى
ـ يعني ما سال منو عرس
ـ سال بس كلوله من حفيدات جاسم ما توقع انتِ
ـ اهاا تمام
ضلينا نحجي صار الغده تغدينا ودعناهم واتجه الاربيل شكد بجيت عليهم ومنهم البجه والضاج ومنهم لا اسراء اطتني رقمه كالت خلي زوجج يشتري مبايل وجنى اطت رقم امها علمود اخابرهم اتوجه الاربيل الطريق كلش طويل وصلنا الاربيل الصراحه جانت كلش حلوه وصلنا يم قصر مو بيت بمعنى الكلمه يجنن وشكبره واكفين اثنين حرس يم الباب فتحو وطبينا جانت الساحه كلش جبيره وبنص جان اكو نافوره تخبل اباوع ع جها اكو حديقه بيها مرجوحه وطبله وكراسي جان بيتهم عباره عن ابيض طبينا الصاله كلش جبيره مثل جان الدرج بنص الصاله جان اكو قنفات وبنصهن طبله زجاجيه شفافه اباوع منا ومنا مثل يم الدرج مثل الصالات الصغار بالنسبه للبيت بس بالنسبة النا صالات عاديه بيهن طول وبيهن بوب سالت ديما شنو ذني
ـ ديما شنو ذني
ـ باوعت حبيبتي ذني غرف هااا وبذيج الجه المطبخ اخذتني وياها جان مطبخهم هم ابيض وجبير الطباخ مثل المس وكاونتر جبير والثلاجه من ذني الاكبار وبنص المطبخ اكو ميز ويمه لربع كراسي عليه يصيرن دوار بس جان كلش حلو انوب اخذتني باعي هاي غرفت اهلي وذيج غرفت ايهاب ومرته وذيج غرفته يزن انوب راحت للجه الثانيه هاي غرفتين مال الضيوف من يجون اصدقاء العائله او اقرباء امي ذاك المضيف اخذتني للمضيف جان كلش حلو بي قنفات وطبلات زجاجيه من غير الواحات والتحفيات انوب رجعت اخذتني فوك اشرت الوحده من الغرف هاي غرفة سامر انوب اشرت الوحده هاي غرفتة سوسن وطببتني لغرفه هاي غرفتي جانت غرفتها كلش حلوه جانت اكو صاله فوك وهم بيه قنفات باعي احنا غرفنا كلهن بيهن حمامات بس هاي حمام خارج الغرفه انوب اخذتني بعدين اشرت هاي غرفتج انتِ وسلام
ـ ليش غرفت سلام ممرر وبعيده
ـ مادري بعد هو سلام يحب العزله هاا تكذرت تعاي انزلي نزلت وياها اخذتني الوحده من الصالات المفتوحات الايم الدرج جان اكو بعد مكان جبير وحلو بي ميز وكراسي كالت هاي طاولت الاكل باوعت ع باب
ـ شنو ذاك الباب
ـ ذاك الحديقه عدنا وره بيتنا ومزرعه جبيره بيه خيل
ـ عدكم خيل
ـ اي اخوتي يحبون يركبون
ـ وانتِ
ـ كلنا نعرف من جنا صغار تعلمنا
هزيت راسي ورحت صعدت والله قصر مو بيت شكبره غير يجننن ويدوخ رحت للغرفه جانت كلش جبيره واثاثه تركي جانت بيضه ونيلي جانت غرفه تركيه وبيه هم قنفات ع صفحه وكبالهن شاشه وقريب يمهن باب البلكونه باوعت السلام امدد ويلعب بتلفونه جان لابس بس برموده مبين توه طالع من الحمام من انتبه عليه حجه
ـ اتاخرتي وين كنتي
ـ جانت ديما تشوفني البيت ا الغرفه نفسه لو جديده
ـ لا من عقدنا سيد اتفقت ويه اشخاص وشتريته والحرس رتبوها وغراضي وملابسي مرتبتهن الخدامه
هزيت راسي رحت للجنط اريد اطلع ملابس حجه
ـ ما عجبتج الغرفه
ـ هاا
ـ اذا ما عاجبتج ابدله عادي
ـ لا بالعكس كلش حلوه هز راسه ورجع يلعب بالتلفون طبيت سبحت لبست تراك جان الجو بارد شته نشفت شعري ومشطته اباوع من المرايه ولا مهتم يلعب بالحاسبه مو جان يلعب بالتلفون رحت مددت ع الجربايه كمل طفه الضوء وشغل ضوء النوم جان احمر واجه ينام انتبهت صدره بي وشم جان صقر قبل ما انام هم اجه موسى بالي ضليت استغفر ربي لان حرام بس موبيدي نمت كعدت لكيته ماهوه يمكن طالع شفت الساعه ب10 عزززا هاييي شكد اني نايمه
غسلت وبدلت لبست دشداشة لان استحي منهم جانت موديله كلش حلو وفصاله ع شكل فستان جابوه الي بالتجهيزات اني واثقه هذا ذوق عمتي
نزلت صبحت عليهم
ـ صباح الخير
ـ ام ديما: صباح النور هلا يمه
ـ اسفه تاخرت بالنوم
ـ حبيبتي براحتج
ـ لعد وينهم
ـ سوسن وديما نائمات ما يكعدن لل12 وعمج والولد بالشغل وسامر نايم وريم توكل ابنها بالمطبخ وهدى طلعت للدوام ماله كومي يما اكلي
طبيت للمطبخ صبحت ع ريم لكيتها توكل ابنها
سويت لفه وجاي اجيت اكعد
ـ ريم :شبيج حب شنو هاي
ـ شنو
ـ ريوكج
ـ اني متعوده هيج
ـ شمتعوده كامت طلعت زيتون اسود وعسل وثرمت خيار وطماطه وصمون توست وانواع الاجبان
ـ شنو هاي ما اكدر اكل هذا كله
ـ يزن : اكلي عمه شبيت
ـ حبيبي غير هذا اهواي كوه اكلت اكلج ريم لعد شيشتغلون
ـ يااا ما تدرين باعي عمي عنده شركة نقل وتجاره وعنده فندق واربع مطاعم من غير الشقق والگيعان والبيوت العنده
فكيت حلگي
ـ منيله ذني
ـ باعي اهل عمتي ام ايهاب اغنياء كلش ابوها وعمامها اكباريه بكردستان يعني شلون النواب وهما من قبل عدهم مال اجدادهم من ازوجت عمج جدج بوكته طرده بس عمج ما سكت اخذ المطعم الجان جدج فاتحه بغداد لان هوا يشتغل بي وخوال عمج هم عدهم جان ورث سمعت امه الوحيده الاهله والورث من ماتو اهله سجلته كله العمج لان هوا الولد الوحيد عدها منو ازوج عمتي عمتي ابوها من زمان مسجل فندق باسمها اشويه شويه طور نفسه وكام يدخل بمشاريع وفاز بيهن بعدين الحمدلله صار عنده كل هذا
اني انصدمت من الكالته
ـ زين الولد شيشتغلون
ـ ايهاب مسؤول عن الشركه وسلام مسؤول عن المطاعم وعمي يراجع وراهم مرات بس هم يشتغل بالشركه وهدى تشتغل بالشركه والفندق مرات سلام مرات ايهاب يراجعون الفندق اما الشقق سامر مسؤول عليهن
ـ اهاا حلو انتو عندكم خدامات
ـ اي حبي مره تشتغل عدنا مرات تجي جنتها ومرات اجيب بنتها
اباوع الريم لابسه تراك شتائي بس البدي فوك الركبه والبجامه واسعه بس كلش حلو وريم جسمه شويه متروس
ـ صباح الخير
اباوع سامر
ـ صباح النور
اجه كعد بسدي وكام ياكل وياي اجت ريم صبتله جاي انوب اني استحي اكل
ـ سامر: شلونج زوجة اخي العزيزه
مدنكه واحجي
ـ الحمدلله
حيل استحيت بسرعه كمت طلعت من الطبخ وكفت بالباب يمه شكد فشله سمعتهم يحجون
ـ سامر: هاي شبيه ليش كامت
ـ ريم : البنيه خجوله سامر شويه طبعك بطله مو ذب ميانه وياه بعدها تستحي
ـ شبيج اختي الكبرى الم تكوني هذا في البدايه لم تخجلي ابدً
ـ اي اني هذا طبعي وانتَ بطل حجي الفصحه لا اهفك بطاوه
ـ اني راح اروح احسلي من ما احصل كتله
ـ اخذ يزن وياك
كام سامر واخذ يزن وياها ويدردم
ـ ايهاب يخلف وسامر يبتلي
ـ راححح اجيككك
ـ رحتت رحتتت
وكام يركض
باوع من الباب امبين بينهم ميانه اهواي حبيت هيج ميانه شو احنا اخوها ما تحجي وياه هيج
رحت كعدت بالصاله يم عمتي واني استحي شويه وكعدن البنات يسولفن ويضحكن
واني استحي احجي رحت طبيت للمطبخ شفت مره مبينه اربعينيه وياها بنيه عشرينيه
ـ السلام عليكم
ـ وعليكم السلام
ـ المرأة: منو انتِ
ـ زوجة سلام
شو البنيه مدري شلون ضلت اتباوع وكملت شغله
ـ المرأة: ياهلا بيج اني ام حسين اشتغل اهنا وهاي بنتي سهاد
ـ أهلا بيج خاله رحت وكفت يمهن محتاجة شي اساعدج بشي
ـ لا يخاله تسلمين روحي اكعدي لا اصير مشكله
ـ لا خاله حبابه والله وليش اصير مشكله
ـ سهاد: خليه يوم
رحت اشتغل وياهن سمعت صوت بره ما اهتميت انوب صوت عمي والولد وسلام شويه ولمحت سلام يريد يصعد فوك قبل ما يصعد شافني جاي اغسل اماعين شو اباوع عاف الدرج واجه يركض وخينز اني كمت اخاف مسويه شي وكف باب المطبخ
ـ زينب تعاي
يضغط بسنونه من يحجي ويخنزر غسلت يدي ورحت
ـ هاا
كمش يدي وجرني طلعني من الطبخ وصعدني للغرفه
ـ سلام: شسوين بالمطبخ
ـ اساعد خاله
ـ لا وتحجين
سكتت
كمل
ـ بابا هو هذا شغله ممنوع تدخلين بشغله
ـ بس خطيه مره جبيه
اجه تقرب مني
ـ ارفعي راسج من احجي وياج
رفعت راسي
ـ زينب هي خدامه وهذا شغله ممنوع تدخلين ماريد زوجتي يكولون عليه تشتغل ويه الخدم وتكعد وياهم
تمام
هزيت راسي اباوع راح طلع تراك رياضي وطب للحمام الصراحه صدمني حيل ليش هيج متكبر ونحس مره جبيره يكول عليه خدامه كلنا بشر شنو هذا التكبر طلع شعره امببل ينشف بي اني جنت كاعده ع الجربايه نشف شعره ومشطه
ـ يلا امشي ننزل
كمش يدي ونزلنا جوه رحنا كعدنا ع الطاوله والبنيه وامها ينكلن بالاكل ويحطن كامو ياكلون واني استحي سلام شافني استحي ادنا يمي وشاورني
ـ ليش ما تاكلين
ـ دنكت وحجيت استحي
ـ بابا لا تستحين كام يجيب ويحط كدامي سوالي لفات ويطيني اباوع محد يهتم الولد يسولفون بينهم والبنات بينهن كملنا كام سلام يغسل رحت وراه باوعلي
ـ ليش كمتي
ـ شبعت
ـ جذابه ما شبعتي بس لان كمت موو
سكت ماحجيت رحنا غسلنه وهوا صعد فوك صاحتلي
ديما اكعد يمها يمكن الوحيده تعودت عليه ديما
جاي نسولف ورادت البنيه اصعد جاي السلام حجت عمتي
ـ أم سلام: ماما زنوبه ودي جاي الزوجج
كمت اخذت منه الجاي ضلت تخنزر وتباوع ما اهتميت صعدت دكيت الباب كال تفضل طبيت
ظل يباوع اطيت الجاي ردت اطلع حجه
ـ ليش ادكين الباب
ـ موو خاف ما ترضه ادخل
ـ زينب ترى هاي هم غرفتج
هزيت راسي ردت اطلع حجه
ـ وين تردين
ـ انزل يم ديما وسوسن
ـ سدي الباب وتعاي ماكو نزله
ـ تمام رحت كعدت كباله يمه ع القنفه بس جان بينه مسافه كام راح للميز يم الجربايه جاب علاكه
ـ هاي الج
ـ شنو
ـ افتحي وشوفي
فتحت ولكيت مبايل حديث انصدمت
ـ هاي الي
ـ لا الابوج
ـ شي سوي بي بابا
ـ ولج انتِ غبيه ولج الج طبعاً يا ابوج
ـ مو انتَ كلت الابوج
ـ فدوه شلون غباء
اخذه مني فتحه
ـ باعي حطيت بي خط وهاي برامج نزلتلج مال تواصل تعاي اعلمج عليه
ـ اعرف استخدمه
باوعلي بستغراب
ـ شمعرفج
انتبهت الجفصتي
ـ هاا مو علي اخوي وامي مرات العب بتلفوناتهم
ـ هاا تمام
ـ تردين ارقام احطلج ياهم
ـ اي اكف لحظه رحت للجنط طلعت رقم عمتي هدى واسراء
ـ ذني
ـ ذني مالا تمن
ـ هاي عمه هدى علمود احجي ويه جنى وهاي اسراء مرت احمد اخوي
هز راسه وسجل الارقام دزلهن رسائل انو هاي اني زينب
ـ ضليت اكلب بالتلفون باوعت مابي انستا
ـ عادي انزل انستا
ـ شنو تعرفي انتِ
انتبهت الجفصتي الثانيه يربي اليوم شبيه راح افضح روحي عضيت شفتي باوعتله يباوع ينتظر اجاوب
ـ موو موو شسمه أ علي جان عنده ومرات اباوع بي
هز راسه مثل الما مصدك ونزله سؤالي حساب وسواه خاص
ـ ممنوع تقبلين صداقات بس التعرفيهم خوش
ـ تمام
رحت كعدت ع الجربايه واباوع انستا ربع ساعه وكام اجه تمدد يمي يريد ينام اني كمت رحت ع القنفه
مدري شجاني صار عندي فضول اروح اشوف حساب موسى ردت ادخل الحسابه بس شفت سلام كلت لازم نايم خاف يشوفني رحت يمه هو جان ذاب سترة تراكه باقي بس بالبجامه وكفت يمه ردت اشوف نايم جان صدك نايم رحت ركضت دخلت ع حسابه شفته ناشر ستوري دخلت ع الستوري شفت ناشر صورته هو وجماعته ذوله جماعته اعرفهم اثنين جان يسولفلي عليهم جان كاعد ع كرسي ويضحك بس اكو بعيونه انتبهت حزن وكامش النركيله دموعي من شفته لا ارادي نزلن حضنت المبايل الصدري وكمت ابجي واحجي ويه روحي
ـ شصار لو ما فرقونا لو هسه انتَ زوجي بمكان سلام
ـ شبيج
شفت سلام كاعد يباوعلي بستغراب وحواجبه معكوده .......
يتبع
توقعاتكم بالاحداث القادمه
تتوقعون هاي سهى ليش هيج تباوع الزينب
وسلام راح يعرف بزينب
لاتنسون تعلقون وتصوتون حتى انزل البارت
استغفر الله
الله واكبر
الحمدلله
