ذنبي اني احببتك
الكاتبة: نور
ربما نخطا خطا صغير ولكن هذا الخطا سوف يدمر حياتنا
ـــــــــــــــــــــــــــــــــــــــــــــ
كاعده اباوع شلون يبجن وخايفات واسمع اصوات عمامي و ولد عمي بالمضيف يصيحون ويردون يكتلوها ويكولون عنها عار ولازم تنذبح ابوع الامها شلون تبجي واختها و اني كلشي ما افهم لاني طفله
شويه و صار هدوء بعدها دقائق وطلع عمي الجبير
باوع لنسوان وكال
ـ وين هاي العار خلي مصطفى يجيبها
صاحت امها
ـ لاااااا الللله عليكككك والله البنيه غلطت سامحوها بعد ماتعيد الغلط
وتبجي وتملخ بروحه راحت الجدو وتتوسل بي انُ يرحمها بس جدو باوعلها بعيون بارده وكال
ـ كله من وراج هاي تربيتج لو ما تربيتج ما سوت هذا الغلط ولازم تنذبح
كامن يعيطن النسوان ويبجن اباوع لابوها ساكت ومدنك مابيده شي كله بيد عمي الجبير وجدي
طلعت رقيه جان شكله يخوف گوه تمشي يسحل بيه مصطفى ابن عمي الوسطاني وهيا منتهيه كله دم باوعت الامها بعيون متوسله وتبجي وامها تريد تروح له ماتكدر لان اخوان رقيه كامشيه باوعت الجدو وكعدت يم رجله
ـ جدووو والله غلطتتت سامحني بعد ماعيده
دفرها جدو وكال العمي الجبير اخذه واغسل عاره ظل العياط يجي مدري منين اني كمت اباوع وابجي اخاف سديت اذاناتي فجاه انسحبت من ايدي
ـ شسويييننن اهنااا
ـ ع ل ي الكلمات گوه تطلع مني وابچي باوعلي ومسح وجه وكال
ـ كاف يعمري لاتبجين ماكو شي روحي العبي ويه الجهال
ـ ماريدد اخافف
ـ ليش تخافينن يعمري
ـ شراح يصير برقيه علي
تنهد تنهيده طويله
ـ عمامج المجرمين راح
راد يكمل وباوعلي
ـ حبيبتي زوزه كافي اسئلة بعدج طفله امشي نروح اشتريلج
ضحكت وكلت
ـ اييي اريد موطه وشعر بنات
ابتسملي
ـ يله امشيي
اخذني واشترالي ورجعنه للبيت ورحت للغرفه
اني اسمي زينب عمري 8 سنوات ولدة عند عائلة معقده كلش وحكمها التقاليد جدو هو الجبير و كله بيده مزوج اثنين نسوان الاولى بيبي الي خلفت ثلاث زلم الي هم عمامي اثنين اكبر من ابوي وانوب ابوي وثلاث بنات الي هنا عماتي عمامي اثنين اكبر من ابوي وعمه وحده اكبر واثنين اصغر طبعا كلهم ياخذون بنات عمهم ماعدنا شخص ياخذ غريبة وكلهم مخلفين اهواي ماينعدون
نجي المرت جدو طبعا مرة جدو ازوجه على حب حبها واخذه اصير بنت خاله عكس بيبي الي اصير بنت عمه المهم خلفت بس عم واحد وعمات اثنين
طبعا هذه عمي ما عايش ويانا راح ازوج وحده كرديه على حب وعايش باربيل لان جدو طرده اني ماشايفته ولا اعرفه بس عمامي يكولون جان منفتح كلش ومايقبل بالتقاليد وخصوصاً من حب عمتي الي هيه زوجته اتغير حيل وعارض جدو وازوجه وعافهم
هسه اجي اعرفكم عني ابوي وامي ولد عم جدو زوجهم عندي ثلاث اخوان اكبر مني احمد و حسن وعلي احمد وعلي ماخذين طبع عمامي متصلطين كلش بس علي الي هو اقرب شخص الي عمره 15 اني وياه كلش مقربين هو مدللني و تفكيرنا مشابه حتى ملامحنا شويه مشابه ملامحي عادي مثل اي ملامح بس هما يكولولي انتِ الوحيده الي طافره من احفاد جاسم اني بيضه بس مو كلش بياضي عادي لان احفاد جدو كله سمران وملامحي عيوني عاديه بس بيهن لون على عسلي وشفايفي بيهن كبر وحلكي بي كبر شويه مو كلش ويه شفايفي زايدني جمال وعندي غمازه وحده بس من ابچي تطلع ماعندي اخوات واني مو كلش اجتماعيه ما اتقرب من اي وحده من بنات عمي اني كلش خجوله ومن استحي وجهي يصير احمر
