روايـةعـشـق الـكـرار واجــرام

البارت الأول

بــقــلــمــي أنـــا الــكــاتــبــة أيــلــول✍🏻

في يوم من الأيام في سنة 2018
- أجـرام: گـعـدت الصبح بدلت ملابس النوم وطلعت حتى اتريگ لگيت اهلي كلهم گاعدين على الأكل
-ادريـس:بابا اليوم نرجع للعراق حضرو نفسكم الفجر نطلع للأوتگار حجزت .
- أجـرام :فرحت فرحة متنوصف وره ماخلصنا أكل ركضت للغرفه أگمز من الفرح راح أرجع للعراق بعد مرور سنتين واشوف العالم گلبت كلل الكنتور و الملابس صارت الغرفة عبارة عن ملابس وطلعت الجنط وخليت بيهم الملابس المهمه والأريدها اجتي اختي هم تجهز ملابسها .
- ايـليـن :ولچ أجرام هاي شكو الدنيا گالبتها بالملابس هههه.
- اجـرام :ولچ لمي ملابسچ يلاا ماما تگول مابقى وقت الفجر نطلع گالو .
- ايـليـن:لميهم وياچ حبابه Haeatoom .
- اجـرام :ولچ هوَ ملابسي متعاجزة المهم أنوب ملابسچ لاعينيTasker deerm kardees. واذا مابيچ حيل بقيهم بتركيا .
- ايـلـين :اويي عيني ماريد شگد نحسه مامه عود تلمهم عود أنتِ اختي وكذا .
- أجـرام : لاحياتي بهاي السوالف لا أعرفچ ولاتعرفيني يلا ولي خلي أكمل تره كلش متحمسه
- أيـليـن : جاوبتها واني امشي على أساس أني أعرفچ .
- أجـرام :ولچ تره أجيچ اموتج .
- أجـرام :بعد مرور 5ساعات جهزنه كلشي بقى بس الأكل ألي ناخذه ويانه بالطريق اجه بابه چان يشتري ملابس ويودع أصدقائه .
ادريـس :نـريـمـان ويـنـچ تعاي حضرتو نفسكم شنو سويتو
- أجـرام : بابه أني حضرت كلشي وساعدت مامه هم .
- نـريـمـان :اي كلشي كملنه بس بقى الأكلات الناخذها ويانه وينچ أجرام امشي اخذي الحم البو الحم خلي يثرمه روحي أنتِ وعلي أخوچ .
- أجـرام :اي مامه اخذت الحم وطلعنا أني وعلي اخويه
رحت لگيته معزل رجعت گتلها مامه معزل؟
- نـريـمـان : يا يلا نص ساعه وروحو .
- أجـرام : مامه خلي أودع صديقاتي حبابه .
- نـريـمـان :روحي وأخذي أخوچ وياچ وممنوع تتأخرين .
- أجـرام :ابد والله ما أتأخر بسررعه اجي .
رحت ودعتهم وأنطوني ذكرى كل شخص انطاني محبس وگلادة حضنوني ويبچون وأني أبچي عاد ودعتهم ورجعت لأنُ خاف مامه تعصب عليه
- اجـرام: اجيت مامه يلا أنطيني الحم خلي اودي اخذته وطلعت للمحل مفتح وأخيراً انطيته اله وثرمه بس طول شويه طلعنه أني وعلي أول ماطلعنه أجتي فجأة عاصفة قوية بعمري مشايفتها هزت تركيا كلها ومطرت مطرر وثلچ وحتى اكو جهال طارو وأني حاضنه علي بكل قوتي لأنُ صغير عمره 5 سنوات
وضاعت عدسات المناضر مالته وصار ميشوف كلشي طار حتى الأشجار مابقى شي عاد بنص العاصفة ابو البيم (صاحب السوبر ماركت) صاحنه ندخل يمهم طبيت الحد ماهدأ الوضع تشكرت منه وطلعنا ولازمة اخويه لأنُ ميشوف ودورت على العدسة مال المناضر مالگيتها رجعت أول ماطبينه چان بابه يريد يجي يدورنا .
- ادريـس : ها بابه خوما صار بيكم شي .
- نـريـمـان : والله متت خوف عليكم .
- أجـرام : لا مامه بس الدنيا كلها عبالك أنگلبت ومتنه خوف أني وعلي وأبو البيم دخلنا بالبيم .
وأول ماطلعت دورت على العدسه ومالگيتها .
- نـريـمـان :ياا وهسه شلون أدريس أروح أدورها أني وياهم باالمكانات الي چانو يمشون بيها .
- أدريس : يابه شتلگين منها بعد إذا حتى الأشجار يگولون وگعت.
- نـريـمـان : لا بلكي ألگاها خلي ادورها واجي .
- اجـرام :طلعنه دروناها ومالگيناها ورجعنه .
- أدريس : مالگيتوها مو؟
- نـريـمـان : اي والله شلون قهر هسه .
- ادريـس : يلا هسه كملو ماضل وقت جهزو كلشي .
- نريـمـان : اي يلا .گمت وجهزت اكل أني وأجرام وخلينا بحافضات مال أكل.
- أجرام : يلا مامه راح أبدل واسوي شعري متت تعب ونعست.
- نـريـمـان : يلا روحي. وآني هم راح أتحضر .
- أجـرام : غسلت وجهي وسويت شعري وبدلت وأخذت الجنط وطلعت بالأستقبال گعدت اجتي صديقة مامه وزوجها يودعنها هيَ وبابه خلصو توديع وراحت صديقت مامه بقى زوجها اخذ النه تكسي ويه بابه .
- ابو طيبه : عيني أنتُ عدكم هوايه جنط ميصير كلهم بالتكسي وانتُ تصعدون لازم نخلي بالأوتگار واحد منكم يم الجنط .
- ادريـس : لعد شلون منو يبقى هسه .
- ابوطيبه : نگدر نخلي أجرام يمهم .
- لا شلون ؟
- خليها ميصير عليها شي والله .
- أدريس : يلا ماشي خلي اصيحها واجي .
- أجرام وينچ بابه تعاي .
- أجـرام : ها بابه ؟
- راح ناخذچ تبقين يم الجنط بالأوتگار وحدچ وبسرعه نرجعلج تبقين؟
- جاوبته بتردد اي أبقى
- يلا امشي .
- ابوطيبه : عمو ماكو شي لتخافين بسرعة نجيچ .
- لا عمو مخايفه
- اي عفيه.
- أجـرام رحت وياهم شويَ خايفه افكر اذا ضليت معقولة يخطفوني لا لا بس هنا أتراك ميخطفوني يربي أنوب هناك اكو عراقيين اخاف منهم وآني وحدي .
لا يلا أجرام انتِ قويه محد يگدرلچ عاد وصلنه
- ادريـس : يلا بابه اگعدي هنا لتتحركين بسرعة اجيچ بس اجيب أمچ وأجي .
- اي بابه لاتخاف عليه روح .
راحو وأني گاعدة ولازمه نفسي والشباب بس تباوع ليش أني وحدي ماهتمين أبد ولا أباوعلهم .
اجوي مامه وبابه .
- نـريـمـان : ها أجرام خوما خفتي.
- لا بلعكس ماخفت .
اخذنه الجنط ودخلنا ننتظر الباص يجي .
صارت الساعه 7 الصبح اجه الباص وصعد بابه الجنط وصاحو بأسمائنا وصعدنا ومشى بينا الباص للعراق
ويانا ناس عراقيين شگد گاعدين عبالك بالبيت ونتشارك بالأكلات ونسوان چبيرات بالعمر لطيفات حيل
بين فتره وفتره ننزل استراحه المطاعم ناكل ونصعد بعد مرور يومين وصلنا للعراق ....... البارت الثاني