روايـةعـشـق الـكـرار واجــرام

البارت الخامس

داومتت ثاني يوم... دخلت چان بعدَ مداخل للصف أستاذ أحمد معلم الأسلامية ضايجه ومتعصبه وبس احد يحچي ويايه أنفجر دخل أستاذ أحمد .
- أسـتـاذ أحـمـد : قيامم
- ......
- جلوس .
- گعدنه وبدأ يحچي ويانه.
- منو محضر سولفولي تره أعرف منو محضر ومنوو مامحضر بسرعة يلا .
- كلنا محضرين أستاذ .
- أني أگللكم منو ممحضر .
- فرس النبي.
( طالب ميحضر دائماً وهذا اللقب مالته)
- يلا نبدي أقره السورة .....!
- نعم أستاذ ..................
- أجـرام : كلهم قرو السورة وصل السره أليه قريت وگعدت .
- أسـتـاذ أحـمـد : أجـرام اليوم شبيچ ؟
- مابيه شي أستاذ بس شويه تعبانه وراسي يوجعني .
- ها تروحين تغسلين؟
- لا .
- براحتچ.
- خلص الدرس وصار درس الثاني أنگليزي .
- دخل أستاذ الكرار ألكل وگف ألحد ماگال Sit down.
-گعدنه وطلعنا الواجب وبدو الطلاب يشاركون ٬ نص الصف شارك وجاوب وأني مارفعت أيدي ٬ بالأخير رفعت أيدي وسألني .
- أسـتـاذ الـكـرار ......؟
- جاوبته بملامح حادة ولامة شفايفي من أتعصب هيچ اسوي حركة .
- : good.
- گعدت قبل لا يگولها وحتى من گالها اباوع بغير جهة ٬ انطانة تحضير جديد وبده يحچي ويه الطلاب ويضحكون خلص الدوام بعد مرور أسبوع بكل درس ما أباوع حتى على الجهه ألي يفون منها ٬ 8 يوم علينا درس الثاني وهم كلها شاركت أني مو بسرعة أشارك خلص التحضير وأنطانه تحضير جديد وخلص بقى يحجي ويه الطلاب والطالبات ولكل يضحك وأني ولا يمي أنتبه عليه يحچي وياهم ويباوعلي وأني گلبي يريد ينفجر منه خلص الدوام ورجعت نفس روتين كل يوم طلعت الصبح أول درس علينا أستاذ أحمد معلم الرياضيات خلصو الدرسين ألأول والثاني طلعت فرصة والفلوس مال أختي يمي . توجهت للصف امشي سرريع بدون ما اشيل عيوني من الگاع دخلت للصف رفعت عيني رأساً أنضربت بصدر أستاذ الكرار ابتعدت منه ٬ بقى صافن بوجهي مبتسم وأبد ما أبتسمت بس گلبي يريد ينفجر ضحك نزلت عيني واباوع منا ومنا تتهرب عيوني ماريد اباوع عليه احچي بگلبي لاياربي ما أضحك أني قوية لاااا أجرام ممنوع تضحكين . رفعت عيني باقي مبتسم مجرد مارفعت عيني انفجرت ضحكك وهوه يضحك عليه .
- شعندچ هنا .
- هااا أني .
- وعلا لا أني٬ طبعاً أنتِ .
- أستاذ أجيت أجيب فلوس أختي لأنُ نستهم يمي .
- أختچ ؟؟؟
- أي .
- ليش وين أختچ؟
- هايه ثاني رحلة .
- أيلين ؟
- أي .
- هاااا.
- اي .
- طلع وأني شمرت الفلوس على أيلين وطلعت ٬ اضحك وأحجي بصوت مسموع ٬ ليش ليش ضحكتي بوجهه ياثولة ليش هوه مو خلاچ تبچين وفشلچ گدام الطلاب ٬ ليش تضحكين رفعت أيدي أغم بنفسي امداااچچ يا أجرام حسيت على نفسي هاي أني شبيه فرحانه لاااا بس لا لأنُ ضحك بوجهي وأذا قابل منو ضاحك بوجهي٬ خلصت الفرصة وثالث درس هوه علينه دخل وكالعادة وگفنا الحد ما گال Sit down. وگعدنا .
- يلا طلعو دفاتركم حتى تكتبون ويايه .
الكل طلع الدفاتر وگعدنا نكتب خلصنا كتابه وبده يحچي ويانه ويضحك وآني بدون ما أحس على نفسي أضحك وياهم واحچي عبالك من أنضربت بي وابتسم بوجهي نسيت كل ألي صار ٬ دگ الجرس فرصةوخلصنا كل الدروس٬ رجعت للبيت مزاج عالي وأضحك وغسلت ملابسي وساعدت مامه .
- نـريــمـان : ها اليوم تضحكين صرتي زينه مو ؟
- أي مامه چنت مريضة مو تدرين شلون أضحك يعني هههه . خلصت واجباتي ثاني يوم داومت چان يوم أستلام النتائج أول درس معلمة العربي ثاني درس معلم الرياضيات٬ خلصو الدرسين الأولى وطلعنه فرصة ٬ دگ الجرس ورجعنا للصف چان علينه أستاذ أحمد معلم الأسلامية هو نفسه مرشد الصف
- يلا كلكم أگعدو بهدوء خلي أسلمكم النتائج مالتكم .
- الكل گعدو بهدوء ويصيح بالأسماء واحد واحد الكل طبيعي گاعد أللا أني أدعي يااارب يارب وماخليت سورة وأية ماقريتها يمكن بهاي الربع ساعة ختمت القرأن وأتوسل ياارب وأدعي والبنات يضحكون عليه وأني ممهتمه مستمره الحد ماگال
- أستاذ أحـمد : أجـرام أدريس .
- نَعم أستاذ .......... يتبع البارت السادس