روايـةعـشـق الـكـرار واجــرام

البارت العاشر

– داومت ثاني يوم.... أول درس ما أنطو ألنه دروس أجتي علينه ثاني درس معلمة أسمها ميس من أول يووم أنطتت ألنه 8 ورقات كتابة ومتشددة حيلل، خلص الدرس وأني خجلانة شلون راح اروح الأستاذ الكرار بعد السويته البارحة رحت أمشي ومتقيدة حيلل .
– هلاو أستاذ ، عيوني بعيونه من أحچي ويا مادري  حتى بنفسي بين كلمة والثانية أنزل عيني وأحجي ويا بس من يجاوبني ارفع عيني هوَ هم تبقى عيونة بعيوني وأضييع اروح بغير عالم مادري شلون اسيطر على نفسي وأجاوبه 
– هلاوو أجرام شلونچ .
– زينة .
– أستاذ هسة شنو ترجع لولا ؟؟؟
– لا ماگدر مو گتلچ عددكم هواية .
– أستاذ أرجع الله عليك  حتى لو بس أني تدرسني لتدرسهم  .
– ههه شلون ميصير  .
– لايصيرر.
– هههه ، خلص أخذتكم ايناس بعد أتقبلي
– شنو السبب بس أريد أعرف ماتريد ترجعع .
– باعي هوَ مو أحنه نختار الصفوف والله التربية هيَ تختار وست أيناس خلوها على السادس
– عادييي اي أستاذ أذا التربية بابه يرجعك .
– هوَ أرجع عادي بس عيب من ست أيناس مو بعد أخذتكم .
– واذا أستاذ تره منحبها أبدد.
– تحبوها والله وتنسوني .
– لاااا والله أستاذ ما ننساك بس هيَ اخذتنه بعد لزگت عليهم وأله امللها واخليها تعوفنه ههه .
– ولچ شلون تملليها هاي معلمتچ هههه .
– مو معلمتي من شوكت معلمتي انتَ معلمي حتى ما أعرفها هيَ لزگت بينه.
– هههه ، روحي خلصت الفرصة .
– اي ، رحت أمشي واباوع وراية وأضحك هوَ بعدَ بمكانه مبتسم ألي، خلصنا الدرسين ، وصارت فرصة طلعت أني وصديقتي دعاء [ دعاء تركت الخامس ورجعت داومت هاي السنة يعني دعاء خامس وأني سادس ] جاي نمشي وگالت .
– أجرام تروحين ويايه رايحة احچي ويه أستاذ الكرار ؟
– أي أروحح.
– يلا .
– أجـرام : رحنا ودعاء تحچي هيَ وأستاذ الكرار وآني ويا عين بعين ولا واحد من عدنه ينزل عينه ودعاء تحچي وما منتبهه علينا خلص موضوع دعاء وچان يگول بأبتسامة.
– احممم أجرام وأنتِ شنو عندچ؟؟
– أني !
– اي .
– لا أني هيچ بس وأگفة وياها .
– ممم .
– دعـاء : يلا أجرام .
– ها اي .
– دعـاء / أجـرام : شكراً أستاذ.
– العفوا .
– خلص الدوام چان يوم خميس ورجعت للبيت وبابه متخربط بالدوام  وأجه كلش حالته تعبانة وصاعد الضغط عنده بسبب عندة حصوة بالكلى راح للدكتور وچان يگوله لازم عملية لأنُ الحصوة كلشش چبيرة 7ملم وره أسبوع يوم خميس صار وقت عملية بابه وأجوي علينه ولد عمة بابه 2 وعمامي 2 الي بس بالمناسبات أنشوفهم ومرات لا كل 3سنوات مرات بالمشاكل بس وأبن عم بابه و ........ واحد من ابن عمة بابه أسمة ياسين كلش ما أحبة نضراته عليه موحلوة وسابقاً متقدملي وحاچي المامه [ بابه ومامه ولد عم ] وأني جنت طفلة عمري 13سنة هوَ ويمشي يتغزل ويذبلي حچي قبل لا يتقدملي بس عرفت بوقتها متقدملي گلبت الدنيا مامه ماگالتلي بس زوجة أبن عم أبوية صديقتي وگالت ألي اتقدملج ياسين ولج والله يحبچ مبين
– طبه مرض ولچ شيحب مني بگد بنته وبعدين زغيره شنو أتزوج اييع أني 13وهوَ 28 وموبس هيج لا ويتعاطى مخدرات وأشكال لاااا وأنوب من الأنبار يربي وأني شلووون أحبهمم عاااد الله ياخذهم .

مرة چان عرس خالي الوسطاني وچنت لابسة فستان قصير أسود ونص ردان وشعري كلش طويل جوة من خصري چنت وأگفة يم الـDJ وهوَ دخل على أساس يسويها بقى وأگف بصفي حيل ويباوعلي بضياع من فوك ليجوة وگال قلبي الصغير ميتحمل كل هذا الجمال أجرامي ، جاوبته .
– يتحمل القنادر والمخدرات التشربها و ..* وأذا عدتها وجهك أشوهه خوش اني بگد بنتك أستحي عابت عفته ورحت بوسط الحفلة ومن هذا ألموقف كرهته كرهه.
_ وقت عملية بابه وگاعدين يضحكون على بابه لأنُ خايف ويبچي علينه خاف يصير بي شي بالعملية والكل گاعدة طلعو عمامي وهذا أبن عمة بابه وبقى بابه وأبن عمه عماد ، قريت وساعدت مامه بالبيت ومر الوقت وگاعدة يم بابه وچان الباب مال الأستقبال ينفتح وينسد ينفتح وينسد بهدوء تامم بابه گال شوفي شكو خاف هواء لزمت يدة الباب وفتحتة بهدوء وأني مخلية راسي بين الباب والحايط وأباوع شويه شويه وچان ما أحسس غير الباب أندفع بكل ماكو من قوة أو وياها صيحة هزتني رأساً خليت أيدي على أذني وغمضت وأصيح بكل صوتي لمدة 6 ثواني اني مستمرة اصيح وطلع يضحكك ياسين أبن عمة بابه عود يتشاقة ويايه گلبي طلع من مكانة بصعوبة أجر النفس أخذني بابه يمة يهدأ بيه هوَ وأبن عمة بابه گال.
– شبيك صدگ تحچي رادت تموت موهيج خبلتها انتَ مخبل ؟؟؟
– عماد : تره مو هيج البنية رادت تنجلط شوفها صار بيها
– يمعود كلشي مابيها هاي تتموع حيلل شبيچ مايعة ست أجرام؟
– باوعت عليه عيوني حمرر ، كلشي مابية تره يعني جفلتني موهيچ تشاقة .
– بابه يمسح بوجهي يلاا گومي بابه هذا مخبل.
– مخبل بس مو علية .
– ياسين : عليج وعلى الخلفوچ هم .
_ جاوبته أني وأمشي مو گلت مووووو علية بس الخلفوني يمك .
– ادريـس : أنجب ياسين راح أگوملك كافي عوفها ، وأنتِ لتضلين ألسانج طويل هيي .
– رحت للغرفة وحچيت المامة وآني گلبي بعدَ نبضة ممستقر گالت .
– ياا هذا شلون هيج يسوي يمة بنيتي گبر هذا مخبل .
– اي مامه شگد اكرهه.
وضلو گاعدين الحد ساعة 3ص وآني اسوي چاي ألهم وميشبعون مووتوني واتسخر العمامي وتعاي لازم هذا تفرشين اله شكل وأهتمام وهيج عبالك تقديس أسويلهم وهذا ياسين خله نفسه وأني هم أفرشيلي وياج جاوبته.
– تره يعني للكل جاي أفرش أنتظر .
– أدريـس : هوَ شنو گلچ لتضلين ألسانچ طويل لا أگوملچ يولي .
– أحچي بگلبي وضاغطة أسناني ولامة شفايفي  استغفرالله يربي ياأللهي صبرني على ياسين وبابه لا هسه أحرگهم قبل العملية ، جبت الفراش وخليته وگال بأستفزاز .
– عفية عفية جمراية يلا يلا كملي .
– بصوت ناصي أسمي نعاال مو جمراية ولا تدلع  استغفرالله .
– امداچ يالمعقدة .
– تره أعقد وجهك .
– خوش يالفاهية .
– وجاوبته وآني أمشي بعد ما خلصت ، خووووشااات ، رحت جهزت غراض بابه وملابسة مال العملية لأنُ يبقى  بالمستشفى 3 ايام وفرشت الـ علي وأيلين بالغرفة ومامه وبابه على الچرباية وأني يم كنتوري لازگة بي بعد شوية وأنام بنصه ،  منفرده دائماً ما أحب احد يشاركني بشي نام الكل حتى كلهم يطلعون الصبح وبس أني وأيلين وعلي بالبيت نبقى نمت وگعدة الصبح ....... يتبع البارت الحادي عشر