LITTLE ARCANE // Z S W W // Completed✅

-LITTLE ARCANE - 2 - Unicode

-LITTLE  ARCANE   - 2 -

-

-

-

" ရိပေါ် ...  လာစမ်း  မင်းဒါကို လာစားကြည့် "

နေ့လည်ဘက် နေပူနေတဲ့ဟာကို ခေါက်ဆွဲအစပ်သုပ်စားချင်တာမို့ ရိပေါ်ကိုယ်တိုင်လုပ်ပေးထားတာဖြစ်သည်။

ရိပေါ်မြည်းကြည့်တုန်းက ရေတစ်ဘူးလောက်ကုန်အောင်သောက်ခဲ့ရသေးသည်။

အရသာအနေတော်ပေမဲ့ စပ်တာတော့ အတော်စပ်သည်။

" ရှောင်းသခင်လေး စားမကောင်းလို့လားဗျ .."

" စားကြည့်.."

" ဟို.. ရိပေါ်.. "

" ..... "

စူးရဲနေတဲ့အကြည့်တွေကြောင့် ရိပေါ် သခင်လေး စားလက်စအား ယူစားလိုက်သည်။
စပ်လွန်း၍ ရိပေါ်မျက်နှာတစ်ခုလုံးနီရဲလာတော့သည်။

" သခင်.. သခင်လေး.. ကျွန်တော်မစားနိုင်... တော့ဘူး..." 

ပေါက်ကွဲမတက်နီရဲနေတဲ့မျက်နှာလေးကို ကြည့်ပြီး ရှောင်းကျန့် အကြီးအကျယ်သဘောကျနေမိသည်။

ဘာလို့အဲ့လောက် အမြင်ကပ်ဖို့ကောင်းနေရတာလဲ..

ယောင်္ကျားလေးဖြစ်ပြီး အစပ်တောင်မစားနိုင်ဘူးတဲ့...

ရေဘူးထိုးပေးလိုက်တော့ အတင်းယူသောက်လိုက်ပုံက အနှစ်နှစ်အလလ ရေငတ်တဲ့သူလို... 

နှုတ်ခမ်းဖူးဖူးလေးသည် ရေနဲ့ထိတွေ့ထားသည်မို့ စိုလဲ့နေကာ အစပ်ဒဏ်ကြောင့်ထင် ပို၍ နီထွေးကာရဲနေ၏။
မျက်ခမ်းစပ်များသည်လည်း မျက်ရည်များစို့ဝဲနေလျက်။

ထိုအချင်းအရာများသည် ရှောင်းကျန့်နှလုံးသားကို ပုရွတ်ဆိတ်လေးတွေကိုက်နေသလို တတိတိနဲ့...လှိုက်စားနေ၏ ။

ရှောင်းကျန့် အမြန်ပင် အကြည့်လွှဲမိလိုက်သည်။

" ထွက်သွားတော့..."

" ဟုတ်.. ဟုတ်ကဲ့ "

_

_______

ညနေစောင်းမို့ ညစာစားချိန်ပင် နီးကပ်နေပြီဖြစ်သည်။
မားရောပါးရော ညီမလေးပါ ပါတီသို့သွားသည်မို့ ရှောင်းကျန့်သာကျန်ခဲ့သည်။
တမင်နေခဲ့သည်အား လျစ်လျူရှူလိုက်သည်။