နီးစပ်ခွင့်ပြုပါ

(9)

Unicode

''ကျွီ!''

ကားရပ်သံကြောင့် ညိမ်းတစ်​ယောက်  အိမ်ရှေ့သို့ ထွက်လာခဲ့သည်။ညိမ်းဒီအိမ်ကိုရောက်နေတာ တစ်ပတ်ကြာပြီဖြစ်သည်။တစ်ပတ်အတွင်း ညိမ်းအတွက် ထပ်မံတိုးလိုက်သည့်အလုပ်က သူပြန်လာချိန်တိုင်းက ညိမ်းက အိမ်ရှေ့ထွက်ကြိုပေးရမည်ဟူ၍။

''မင်းပြန်ရောက်လာပြီလား''

''အင်း''

အသံပြုချက်နှင့်အတူ တစ်ဖက်ကိုသွားကာ ကားတံခါးသွားဖွင့်ပေးသည်။

နေဝင်ဆည်းဆာလိုလူကတောင် ကားတံခါးသွားဖွင့်ပေးရလောက်အောင်ထိ တစ်ဖက်လူက ဘယ်လောက်ကြီးကျယ်မြင့်မြတ်နေလို့လဲ။

ချောက်ခနဲအသံနဲ့အတူ ကားပေါ်ကနေဆင်းလာသည်က ခပ်ချောချောအမျိုးသမီးတစ်ဦး။ထိုအမျိုးသမီးသည် နေဝင်ဆည်းဆာနဲ့ဘယ်လိုပက်သက်ပါသလဲ။

ကာကီရောင်ပန့်အရှည်ကို အစိမ်းဖျော့ရောင်အင်္ကျီနဲ့တွဲဝတ်ထားသည်မှာ အရပ်ရှည်ရှည် ပိန်ပိန်သွယ်သွယ်ထိုအမျိုးသမီးနဲ့လိုက်ဖက်စွာပင်။ဝိုင်နီရောင် ​ဆံနွယ်တို့ကလည်းအသားဖြူဖြူနဲ့လိုက်ဖက်စွာ။မပြုံးမရယ်ပဲ ခပ်တည်တည်မျက်နှာထားက အရှိန်အဝါတစ်ခုကိုလည်း ရစေသည်။

အားလုံးကို ခြုံငုံ​ပြောရလျှင် ထိုအမျိုးသမီး၏အလှသည် အများတကာပြောပြောနေကျ အရမ်းလှပါတယ်ဆိုတဲ့ညိမ်းရဲ့အလှပင် ထိုအမျိုးသမီး၏အလှအောက် မှေးမှိန်သွားရသည်။

''မ ဒါကျွန်တော်ပြောတဲ့အိမ်အကူဆိုတဲ့တစ်ယောက် နာမည်က ညိမ်းဇေသော်တဲ့''

ထိုအမျိုးသမီးဟာ သူ့နာမည်ကြားတော့ တစ်ခဏမျှ အံ့သြသယောင်ပြသွားပေမဲ့ ချက်ချင်းပြန်တည်သွားသည်။

''နာမည်ကယောကျ်ားဆန်တယ်နော်''

''ထားလိုက်ပါမရာ လာ အိမ်ထဲဝင်ရအောင်''

နေဝင်ဆည်းဆာက သူ့ကိုမရှိတဲ့လူလိုသဘောထားပြီး ထိုအမျိုးသမီးရဲ့လက်ကို ဆွဲကာ အိမ်ထဲဝင်ချသွားလေသည်။

ထိုမြင်ကွင်းကိုကြည့်ပြီး ညိမ်ရင်းဘတ်တွေ အောင့်လာသလိုခံစားရသည်။ဘာကြောင့်အဲ့လိုဖြစ်သလဲတော့ ညိမ်းမသိပေမဲ့ ညိမ်းတကယ်ကိုဝမ်းနည်းပါသည်။