Akshita

Chapter 8

Shaadi ke hangover se main abhi tak bahar nahi aayi thi. Matlab seriously, woh Aditya—haan ab mujhe uska naam yaad hai—kaise smile karta hai, woh baatein kaise karta hai (okay, technically baatein toh nahi hui thi ab tak, but still). Aur uska mujhe girne se bachana! Matlab itna Bollywood moment mujhe life mein kabhi nahi laga tha..

Lekin jo cheez mujhe disturb kar rahi thi woh yeh thi ki hum shaadi ke baad baat hi nahi kar paaye. Matlab, ek banda jo mujhe itna decent laga, woh chup-chaap chale gaya. What even!

---

Ek hafte baad, ek aur shaadi ka invite ghar aa gaya. Mummy toh khush thi ki ab phir se naye kapde pehenne ka mauka milega. Main thoda thak gayi thi, lekin shaadi ka naam sunte hi meri andar wali detective jag gayi!! Kya pata phir waha pr Aditya bhi aaye?

Is Shaadi ke din main apni best light blue dress pehni, jis pe silver ka kaam tha. Bas ekdum fairy-tale vibes chahiye thi mujhe. Hair open, jhumke, minimal make-up, aur ek choti si bindi—main khud ko mirror mein dekhke thoda blush kar rahi thi. Ab bas mann mein yeh tha ki agar Aditya mile toh mujhe normal behave karna hai. Normal matlab Bollywood ka slow-mo nahi karna.

---

Shaadi ka venue bahut bada tha. Decoration itni colourful thi ki lag raha tha kisi Disney movie mein aa gaye hain. Maine ek corner mein samosas uthane ki planning kari hi thi tabhi ek familiar face meri nazar ke saamne aaya.

Yess, you guessed it right. Wahi banda—Aditya!

Woh dulhan ke family side ke logon ke saath baat kar raha tha.. Mujhe laga usse dekhte hi meri heartbeat thoda fast ho gayi. Woh blue kurta pehne ekdum casually khada tha, lekin itna smart lag raha tha ki main apni nazar hata hi nahi paayi.

Main decide kar chuki thi ki is baar toh baat karke hi rahungi. Lekin meri zubaan tabhi band ho gayi jab woh apne group se alag hokar directly meri taraf aane lg gaya.. Kyaaa! Mere paas aa raha hai kya?

---

Aditya mere paas aaya aur bola, "Hey, tum wahi ho na jo last shaadi mein girne wali thi?"
Main andar se toota hua sim card ban gayi thi. Bas ek awkward smile di aur bola, "Haan, woh... thanks us din bachane ke liye...

Aditya hassa, "Bachane ke liye nahi, galti se tumhe giraane ke liye maafi chahiye thi mujhe."
Main: Whaaat? Tumhari wajah se main gir rahi thi? Matlab tum hi villain ho mere Bollywood moment ke?

Usne zyada kuch nahi bola, bas hasa aur ek dum se bola, "Vaise, Aditya. Naam toh suna hi hoga?"

Mera dil officially uski smile dekhte hi gutter mein chala gaya tha. Uska naam sunke toh mujhe lag raha tha ki koi Bollywood ke hero ki entry hui ho. Main bas ek light laugh karte hue boli, "Akshita. Naam yaad rakhna, kyunki agle shaadi mein shayad main phir gir jaaun."

---

Hum dono phir food counter ki taraf chale gaye aur wahin baatein karne lage. Woh ekdum chilled-out banda laga—na zyada formal, na zyada serious. Main bas apne mazedar comments maarte gayi, aur woh bas haste raha.

Usne ek time pe mujhse poocha, "Tum itni funny ho, serious kab hoti ho?"
Main: "Woh toh tab hoti hoon jab kisi ko lesson dena ho."

Aur usne phir woh shaadi waali incident ke baare mein suna, ki maine kaise us ladki ke group ko sense samjhaya. Uska reaction dekhke mujhe laga ki shayad woh mujhse impressed ho gaya ho. Lekin main andar se ekdum normal act kar rahi thi, kyunki obviously... cool dikhna tha..!

---

Shaadi ke end mein woh phir se mujhe milne aaya.
Aditya: "Acha laga tumse milke, Akshita. Agli shaadi mein girne ka plan hai toh mujhe pehle invite de dena."
Main haske boli, "Haan".

Usne ek casual bye bola aur chala gaya. Aur mere mann mein idhar fireworks ho rahe the..I mean phatake fut rahe the.. Matlab yeh banda kuch alag hi tha. Ab ghar jaake Shreya ko call karna padega aur yeh sab sunana padega.

---