Akshita

Chapter 11

Shaam ke 8 baj chuke the. Main apne room mein baithe Shadow Slayer ke saath game khel rahi thi, ekdum immersed. Mera mood full on game mode mein tha, jab achanak mere bhai, Abhinav, room mein ghus aaya.

Abhinav: "Arre oye, Akshu, mere chips kahan rakhi hai? Mujhe abhi chahiye!"
Main (game se nazar hataye bina): "Mujhe kya pata? Fridge check kar."
Abhinav: "Fridge mein chips kaun rakhta hai, genius? Chal na de de, warna main mummy ko bol dunga ki tu yeh 'chat wala game' khel rahi hai."

Mujhe pata tha yeh banda drama karega. Maine gussa control karte hue table ki taraf chips ka packet feka.
Main: "Le! Ab shaanti se jaa."
Abhinav (hassi daba ke): "Thanks, you loser!"

---

Ek Aur Attack, Mummy Style:

Abhi game mein ek critical moment chal raha tha, Shadow Slayer ke sath ek tough level par pahuch gaye the, tabhi mummy ki awaaz aayi:
"Akshu! Kitchen mein bartan pade hain. Chal ja ke dhoke aa!"

Main (zid karte hue): "Maa, abhi busy hoon! Baad mein kar lungi."
Mummy (ekdum strict tone mein): "Busy ka matlab? Game ke liye ghar ka kaam nahi karegi? Chal abhi ke abhi kar!"

Shadow Slayer ka message aaya:
"Cover me, I’ll attack."
Lekin mujhe laga ab toh main game mein Shadow Slayer ka 'cover' nahi kar paungi.

---

Mummy Ki Jeet, Akshita Ki Haar:

Main gusse se phone side mein rakhi aur kitchen ki taraf chal padi. Wahan jaake bartan dhote hue soch rahi thi, kyun har baar hero banti hoon? Maa ko bartan ke superheroes ki zarurat kyun hai?

Kaam khatam karke thake hue wapas room mein aayi. Phone uthaya, toh dekha... Shadow Slayer offline chala gaya tha.
Main: "Uff! Kya timing hai. Yeh life kabhi fair nahi ho sakti."

---

Fantasy Ke Rang

Main thake hue bed par giri, aur apni aankhein band kar li. Lekin mera dimag usi pe atka tha.
Woh ladka kitna cool hai. Game mein toh ekdum pro hai, aur baatein... uff! Lagta hai woh kisi fantasy novel ka hero hai.

Achanak se mujhe apna I
Irl crush yaad aaya, woh shaadi waala ladka. Dono ka connection dhoondhne ki koshish karte-karte, meri imagination start ho gayi.

Mere dimag mein ek full-blown fantasy chal rahi thi:
Ek sundar si jagah, main aur Shadow Slayer, dono ek adventure pe hain. Woh meri taraf dekhta hai, smile karta hai, aur bolta hai, "Tum jaise companions ka sapna har kisi ka hota hai."

Main apne aap se hasti, kabhi giggle karte hue pillow ke andar muh daba leti.
Main: "Uff, Akshita Singh, tere sapne kabhi shant nahi hote."

---

Kya Shadow Slayer ka mystery kabhi khulega? Akshita ki real life aur fantasy ke beech ka gap aur kitna bada hoga? Aur kya ye irl crush aur Shadow Slayer ke beech koi connection hai? Stay tuned for aur comedy, romance, aur drama!