Akshita train mein apna phone nikaal kar Aditya ka number note kar rahi thi. Usne apne dil mein thoda sa excitement mehsoos kiya, "Kya Aditya ko apna number dena sahi tha?" Uske mann mein kai sawal the, lekin phir woh apni soch ko side mein rakhkar number save kar rahi thi.
Jab train Assam pohonch gayi, Akshita ne ek achi si muskaan ke saath Aditya se kaha, "Bye, Aditya. Tumse milke accha laga." Aditya ne bhi muskurate hue kaha, "Mujhe bhi, Akshita. Khayal rakhna." Aur dono apne-apne raaste par chal diye.
---
Akshita Ke Mama Ke Ghar
Akshita ne apni maa ke saath apne mama ke ghar ka rukh kiya. Ghar ka mahaul thoda udaas tha, kyunki mama ki tabiyat kaafi kharab thi. Akshita apne mama ke paas gayi aur unse unke haal-chaal poochhe.
"Mama, ab aap kaise ho?" Akshita ne pyaar se poochha. Unhone thoda muskurate hue jawab diya, "Beta, thodi thakan hai, par tumhare aane se thoda accha feel kar raha hoon."
Akshita ne apne mama se kaha, "Mama, aap apna dhyaan rakhna. Main thodi der ke liye cousins ke saath khelti hoon."
Mama ki tabiyat dekh kar Akshita ka mann thoda udaas tha, lekin phir usne apni chhoti cousins, Khushi aur Tanvir ke saath waqt guzarna shuru kiya. Khushi, jo sirf 4 saal ki thi, aur Tanvir, jo 6 saal ka tha, dono Akshita ke saath bohot masti karte the.
Khushi ne apne khilone Akshita par feka, aur Tanvir ne bhi Akshita ko tang karna shuru kar diya. Akshita ko gussa aa gaya tha, lekin woh samajh gayi ki dono bohot chhote hain. To usne unko thoda lecture diya,"...." "Tum dono ko thoda tameez se khelna chahiye. Samjhe?"
Phir Akshita ne apni maa se kaha, "Maa, main thoda bahar ja rahi hoon, thoda fresh air lene." Akshita akeli hi fir ghar ke bahar nikal gayi, aur gao ke sundar nazare ko dekhne lagi.
Jab Akshita bahar ka nazara dekh rahi thi, tabhi uski nazar kuch gali ke badmaash chote ladkon par gayi, jo ek chhoti si ladki ko tang kar rahe the. Woh ladki rona shuru kar rahi thi, aur woh ladke uska mazaak uda rahe the. Akshita ka dil gusse se bhar gaya, aur usne socha, "Main yeh nahi dekh sakti. Yeh us ladki ko kyun rula rahe hain?"
Akshita bina kisi dare ke un ladkon ke paas gayi, aur unhe ek zabardast jawab diya, "Tum log kisne haq se is chhoti ladki ko pareshan kar rahe ho? Tumhe sharm nahi aati?"
Ladke thoda surprised hue, lekin unhone Akshita ko gussa dekhkar wahan se bhaagna behtar samjha. Akshita ne unhe unke hisaab se bhaagakar galiya di, aur fir ladki ko apni taraf bulaya. "Kya tum theek ho?" Akshita ne pyaar se poochha.
Ladki ne muskurate hue kaha, "Haan, didi, main theek hoon. Shukriya aapka." Akshita ne ladki ke chehre par muskaan dekhi, aur usne usse pucha, "Tumhara naam kya hai?"
Ladki ne sharmate hue kaha, "Mera naam Munni hai."
Akshita ko yeh sun kar thoda samajh mein aaya. "Munni? Kya tumhare saath yeh ladke iss liye pareshan kar rahe the, kyunki tumhara naam Munni hai?" Akshita ne poocha.
Munni ne thoda sharmate hue jawab diya, "Haan didi... voh gande se ladken ne mujhe kaha tha ki 'Munni madam hui darling mere liye."
Akshita ka chehra thoda serious ho gaya, "Yeh bilkul galat hai, Munni. Tum apne aap ko kabhi bhi neecha mat samajhna. Tumhari khud ki izzat bohot zaroori hai."
Munni ne apne aansu pochhe aur Akshita ko shukriya kaha. "Aap bahut acchi hain, didi," Munni ne kaha. Akshita ne usse pyaar se hug kiya aur kaha, "Tum chhoti ho, lekin tumhara jigar bada hai. Tum hamesha apne aap ko pyar karna."
Akshita ne Munni ko uske ghar tak chhoda, aur fir apne ghar waapas aayi. Uska dil thoda sa khush tha ki usne kisi ki madad ki, lekin usse yeh bhi realize hua ki duniya mein bahut saare aise log hote hain jo doosron ko neecha dikhane ki koshish karte hain. Lekin woh apne man se unko thoda sabak sikha kar khud ko bhi behtar feel kar rahi thi.
---
Kya lagta h Agla Mod kya Hoga is kahani main? Akshita ka din kaafi hectic aur emotional tha. Usne na sirf apne mama ka khayal rakha, balki ek chhoti ladki Munni ko bhi apni madad di.. Ab Agle din ke liye kya hoga? Kya firse Aditya se milna hoga ya koi aur twist aayega aage?
Aage Jene ke liye padhte rahe "Akshita"!! Or ha like kr ke jana🥰🥰
YOU ARE READING
Akshita
خيال (فانتازيا)Toh main hoon Akshita... ek normal si ladki jo ki college jati h meri age h 17 or main Himachal main rehti hu, apne papa mummy or ha ek nalayak bhai bhi h mera.. mujhe jisko sapne dekhna, gaana suna, aur apni hi duniya mein kho jaana bohot pasand ha...
