Akshita

Chapter 18

College ka lecture bohot boring lag raha tha..aur jab Shreya ne propose kiya ki class bunk karke kahi chalte hain, toh Akshita ek second bhi waste kare bina maan gayi. Unhone chhota sa group plan banake Akshita ne decide kiya tha ki bas, aaj class bunk karke thoda maze karegi. Shreya aur kuch aur classmates ke saath usne ek plan banaya to go out and explore nearby Mall Road, Manali. Classes ki tension se thoda break lena zaroori tha na!

Sab ne milkar ek perfect excuse diya aur sidhe Mall Road nikal gaye. Jaise hi waha pahunchi, ladkiyan toh alag-alag shops aur stalls dekhne lag gayi, sab ladkiyan to apni shopping mood mein thi. Lekin Akshita aur Shreya ka focus alag tha. Dono food stalls ke taraf chale gaye,

Akshita aur Shreya alag ho gayi baaki group se, kyunki dono ke dil mein bas khane ka plan tha.

Food stalls ki taraf dekhte hue Shreya ne bola, "Akshu, vo golgappe ka stall dekh! Chal na wahan chalte hain mere to muh main paani aa raha h."

Dono golgappe ka maza le rahi thi tabhi Akshita ki nazar ek chhoti si bheed ke beech ek jaana-pehchaana chehra dekh rahi thi. Usne ek second ke liye apni aankhein zor se band ki aur dobara dekha. "Ye to... Aditya?"

Aditya, apne signature casual attire aur charming smile ke saath, wahan khada kisi se phone main baat kr raha tha.
Use dekhte hi Akshita ekdum freeze ho gayi.

"Oho, Akshita! Tujhe kya ho gaya?
Itni serious kyu lag rahi hai?" Shreya ne tease karte hue kaha.
Akshita ke aankhein to ek ladke par tik gayi thi jo thoda door khada tha, apne phone pe kisi se baat karte hue.

Oho! "Kahin yeh wahi ladka toh nahi jispe tujhe crush hai?" Shreya ne mischievous smile ke saath kaha.

Akshita ne turant Shreya ko elbow maara, "Shhh! Chup reh shreyaa!"

usne Shreya ko lightly push kiya, par ab tak Aditya ne bhi Akshita ko dekh liya tha. Dono ki aankhein mil gayi, aur Aditya thoda shock hua but phir smile karte hue uski taraf aaya, fir ek smile ke saath pass aakar bola, "Hey! Tum yahan kaise? Aur yaha kya kar rahi ho?"
Aditya ne casually poocha, but uski smile se lag raha tha ki woh khush tha usse mil kar.

Akshita ke kuch bolne se pehle hi Shreya ne tease karte hue bol diya,
"Arre waah bhai! Tum dono ek dusre ko jaante ho?"

Haan... woh... hum ek baar pehle mil chuke hain kahi...,
Akshita ne ghabrakar Shreya ko kaha fir chup hone ka ishara kiya

aur Aditya se awkwardly kaha, "Uh... Haan, actually main yahan apni friends ke saath aayi thi...Classes aaj... umm... off thi toh socha market ghoom loon or kuch kha le..." Akshita ka jhooth ekdam obvious tha, lekin Aditya ne kuch bola nahi.

Aditya ne relaxed smile ke saath kaha, "Oh, achha! Main toh waise bas apne papa ka ek kaam dekhne aaya tha. Vaise mere papa ka ek restaurant yahin paas mein hai. Agar tum donon free ho and don't mind, toh wahan chalo mere sath. Tumhare liye special treat meri taraf se."

Akshita ne pehle mana karne ki koshish ki, "Nahi nahi.. it's okay, actually hume aur bhi kaafi kuch dekhna tha yaha..." Lekin Aditya ne insist karte hue bola, "Arrey, ek baar chalo to.. Tumhe pasand aayega shyad!"

Finally, Shreya ke bhi push karne par Akshita bhi maan gayi, aur Aditya unhe apne papa ke restaurant le gaya.

Restaurant ekdum fancy aur elegant tha. Akshita andar aate hi thoda awkward feel karne lagi. Tables perfectly set thi, aur decor ekdum classy tha.

Aditya ne casually kaha, "Baitho, relax karo. Main kuch special order karta hoon."

Akshita ne hesitate karte hue kaha, "Woh... actually mere paas aaj itne paise nahi hain.. Main yahan kaise..."

Aditya ne muskurate hue uski baat kaat di, "Arey, maine kaha na treat meri taraf se samjho, Miss Akshita."

Akshita ne nervous laugh ke saath kaha, "Par..."

"Par-var kuch nahi. Just enjoy," Aditya ne confidently kaha.

Shreya ne chup nahi baithna tha, toh voh boli, "Akshu, lagta hai tumhara future boyfriend bohot generous hai!"

Akshita ne Shreya ko gusse se dekha aur bola, "Shreyaa! Shut up!"

Baithte hi Aditya unse baatein karne laga, aur dheere dheere Akshita apne awkwardness ko bhool gayi.
Jab khaana aaya, toh sabse pehle Shreya ne Aditya ke papa ka restaurant ko compliment krte hue kaha, "Yaar, Aditya, tumhare papa ka restaurant toh ekdum five-star lagta hai..mast h"

Aditya ne casually bola, "Thanks! Vaise Akshita, tumhe kya pasand aaya yaha?"

Akshita ne awkwardly smile karte hue kaha, "Sab bohot achha hai.."

Unhone wahan thoda time spend kiya aur jab wapas jaane ka waqt aaya, toh Aditya ne casually bola, "Vaise Akshita, agli baar kab mil rahe ho?"

Akshita ne sharmaate hue kaha, "Dekhte hain... pata nahi."

Shreya ne fir tease karte hue boli, "oh Haan haan, zaroor milegi. Right, Akshu?"

Aditya ne fir haste hue dono ko bye bola aur chala gaya, lekin Akshita ka chehra tab ekdum laal ho gaya tha.

Shreya ne usse kaha, "Yeh toh pakka tumhara boyfriend banne wala hai!"

Akshita ne sir pe haath rakhte hue kaha, "Shreya, tu chup nahi reh sakti kya?!"

Aur is tarah kaafi eventful din ke baad, dono wapas college ke gate ke paas pahuche. Akshita ke dil mein Aditya ka aur ek special memory add ho chuka tha.