Shaam ke 7 baj rahe the, aur main apne room mein baithe Shadow Slayer ke saath game khel rahi thi. Uska gameplay dekhke toh mujhe lagta tha ki woh kisi pro-level tournament ka star hoga. Har move, har kill itna precise hota tha ki meri nazar screen se hat hi nahi rahi thi.
Aur phir, woh voice chat mein bolta hai:
"Nice move, Akshu."
Ek second ke liye meri saans ruk gayi. Akshu? Yeh mujhe kaise jaanta hai?
Main: "Uhh... tumhe kaise pata mera naam Akshita hai?"
Shadow Slayer (chuckle karte hue): "Kyunki tumhare username 'AkshutheArtist' se zyada obvious clue aur kya chahiye?"
Mujhe laga meri izzat toh ab gayi. Lekin phir uska tone itna calm aur friendly tha ki maine ignore kar diya.
Main: "Ohh... Haan! Achha, tumhe toh sab pata hai. Waise tumhara naam kya hai? Game mein Shadow Slayer se toh nahi bulana tumhe..
Shadow Slayer: "Naam? Abhi ke liye Shadow hi bula lo. Waise bhi mystery mein maza zyada hota hai!!
Mystery lover bhi hai yeh banda? Matlab ekdum dream guy vibes!
---
Game ke beech mein, hum dono random baatein karne lage. Main usse apne paintings aur poems ke baare mein batane lagi, aur woh dhyan se sun raha tha.
Shadow Slayer: "Tumhari baatein interesting lagti hain. Real life mein tum aur bhi interesting ho sakti ho.."
Main: "Aisa kuch nahi hai.., bas thodi artist-type insaan hoon. Tum kahan ke ho?"
Shadow Slayer: "Yeh toh tumhe tab pata chalega jab hum real life mein milenge."
Yeh banda har baat ko suspense mein kyu rakhta hai? Mujhe lagta hai yeh kahin mera dil dhadkane ki practice karwa raha ho.
---
Agla Din, College Mein Ek Nayi Entry:
Next day, college mein poore friends circle ko main Shadow Slayer ki kahani suna rahi thi. Shreya toh hasi ja rahi thi.
Shreya: "Tujhe Aisa kyu lagta hai yeh banda tumhare irl crush ke saath connected hai?"
Main: "Haan, pata nahi. Lekin agar hai toh... matlab... dream come true na?"
Shreya: "Bas kar, Akshita. Mujhe lagta hai Shadow Slayer tere dil ke maze le raha hai."
College ke beech mujhe ek aur cheez feel hui—woh innocent si Mansi, jo pehle kaafi awkward thi, ab khush aur confident lag rahi thi. Usne mujhe dekha aur thank you bol diya. Mujhe laga shayad mera ek chhota sa effort uske liye ek bada moment ban gaya.
---
Shaam Ka Surprize:
Ghar aayi toh phone pe ek notification tha. Shadow Slayer ka message:
"Kal shaam ko busy ho? Ek special match ke liye invite karu?"
Mujhe laga yeh banda aur kaise dil jit sakta hai? Maine turant reply diya:
"Busy toh nahi hoon, lekin agar haari toh blame tumhara hoga!"
Shadow Slayer: "Tumhare saath hoon toh tum kabhi nahi haarogi."
Bas, ab toh meri fangirl wali smile aur control nahi ho rahi thi.
---
YOU ARE READING
Akshita
FantasyToh main hoon Akshita... ek normal si ladki hu jo ki college jati h meri age h 17 or main Himachal main rehti hu, apne papa mummy or ha ek nalayak bhai bhi h mera.. mujhe jisko game khelna ,sapne dekhna, gaana suna, aur apni hi duniya mein kho jaana...
