Itni boring si zindagi mein ek dum se kuch badal jaaye, toh lagta hai na jaise sapne mein hoon? Par meri life mein toh woh sapne bhi na kam funny hote hain.
Subah hui, aur routine wahi tha. "Akshu, utho college ke liye derr ho rahi hai!" Mummy ki awaaz meri morning alarm jaisi hai, lekin bina snooze option ke!!
"Arrey Mummy, 5 minute aur na!" Maine blanket khud par kheench liya or takiya kaan ke samne kr liya.
"5 minute ka 5 ghante ban jaayenge agar main chali gai to." Mummy kaafi experience wali gamer lagti hain jo meri tricks samajh gayi thi.
Finally, ghoorte ghoorte uthi, ready hui, thodi chai or biscuit khaye aur college ke liye nikal gayi apne typical white salwar-suit or laal chunni mein.
Auto mein baithte hi BTS ka playlist shuru kr liya earphones lga kr, aur meri imagination ka blast mode on ho gaya.
"Jungkook aur main ek romantic bridge ke upar khade hain... voh guitar bajaa raha, aur main ga rahi hoon lala... aur hum dono ke upar baloons ud rahe hain..."
"Suniye madam ji, utariye yahan par!" Auto wale bhaiya ki awaaz ne mera sapna crash kar diya.
"Arre bhaiya, ekdum se mat darao na!" Maine auto se utar kar apne bag ko sambhala aur college ke gate ki taraf chali gai
Aaj ka college schedule wahi tha—boring lectures, ek assignment jo mujhe kal raat tak yaad hi nahi tha ki aj dena h, aur lunch break mein Shreya ke sath mazaak.
"Akshu, tumhara us crush ka kya scene chal raha hai?" Shreya ne momos ka ek piece uthate hue pucha.
"Mera toh wahi hai, fictional guys ki duniya," maine mooh banate hue kaha. "Real life mein koi Jungkook kaha milta hai, yaar!"
"Lagta hai tumhare standards zyada high hain, Akshu. Reality check lo thoda bbg!" Shreya apne momos khatam karte hue mujhe taana maar rahi thi.
Lunch break ke baad, or meri bus ek class hi thi..or mujhe Mummy ke liye shaam ko momos le jaana the, toh socha abhi se le leti hoon.
Aur wahi... Jab main momos pack krwa rahi thi to maine raaste me dusre paar dekha ki...
Ek auntie road ke us paar khadi thi, confused lag rahi thi. Traffic itna zyada tha ki woh cross nahi kar pa rahi thi.. Tabhi maine ek awaaz suni..
"Auntie, main help kar du jaane ke liye."
Maine dekha. Ek tall, clean-shaven handsome sa ladka, black T-shirt aur blue jeans pehne hue, unki madad kar raha tha. Uske chehre par ek soft si smile thi, jo kisi bhi girl ke dil ka accelerator daba de..
Mujhe pata nahi kya hua, par meri aankhein bas ussi pe jam gayi. Momos ke stall se mujhe dikha ki usne auntie ko safely cross karwa diya, aur phir woh... chala gaya.
"Arre yaar, kahan gaya?" Main apni jagah se hil bhi nahi rahi thi. Ek dum statue mode.
"Oh Didi, apka order ready hai," momo wale bhaiya ne bola, aur tab meri trance tooti.
Apne momos lete lete ek hi baat soch rahi thi..aakhir Kaun tha voh handsome sa ladka? Kya main usse phir kabhi mil paungi?
--------------------------------------------------------------
Uhum to kya lagta h aaplogo ko kya akshita us ladke se fir kabhi mil payegi? Kya akshita ko pehli nazar ka pehle pyare hogya tha? Um to kon tha ye handsome sa ladka Jane ke liye padhte rahe "Akshita".
YOU ARE READING
Akshita
FantasyToh main hoon Akshita... ek normal si ladki hu jo ki college jati h meri age h 17 or main Himachal main rehti hu, apne papa mummy or ha ek nalayak bhai bhi h mera.. mujhe jisko game khelna ,sapne dekhna, gaana suna, aur apni hi duniya mein kho jaana...
