Akshita

Chapter 5

Woh ladka—uske jaane ke baad main bas wahin khadi thi, plate haath mein aur dimaag mein fireworks. Yehi hota hai "kismat connection"? Ab yeh scene filmy lag raha hai ya mere dimag ka dahi ho gaya hai?

Par mere sapno ke bubble mein hole tab hua, jab meri padosi ki Savita aunty peeche se aayi aur mujhe hila dala, "Beta, yahaan khaana khane aaye ho ya sapne dekhne?"

"Uh...haan, aunty! Bas... plate bhar rahi thi," maine awkwardly bola aur jaldi se tikka apni plate mein daal liya. Lekin mera dimaag abhi bhi us filmy moment par atka hua tha.

Shaadi mein har jagah dhoom mach rahi thi. Bacche idhar udhar bhaag rahe the, auntiyaan apni gossip mein busy thi, aur dulhan ki taraf se ek cute si performance chal rahi thi. Par mera dhyan ek hi insaan pe tha—woh ladka..jo ki pta nhi kidhar chala gya tha.

Shaadi Mein Dance ka Tadka

Main thodi der ke liye apne cousins ke group mein ghus gayi. Sab log dance floor pe already DJ wale babu ke saath bhasad macha rahe the.

"Mujhe toh nahi karna dance," maine fake resistance dikhaya.

"Arre Akshu, drama mat kar! Aa ja dance karne," meri cousin Kavya mujhe kheenchti hui dance floor tak le gayi.

Aur bas, ek baar jo shuru hui, toh main apne inner Govinda ko unleash kar baithi. Gaane baj rahe the—"Gallan Goodiyan," "London Thumakda"—aur main ek dum kamar pakad thumke marte hue dance floor pr apne aap gano ki beats pr naachne lagi, Gaano ki Beats sun kr mere per humesha apne aap hi naachne lgte the.

Tabhi maine aankhon ke kone se dekha, woh ladka ek kone mein khada tha, hath main ek glass juice leke, aur shyad mujhe hi dekh raha tha... Mere dimaag ka CPU ekdum garam ho gaya. Woh dekh raha hai? Seriously? Mujhe?

Aur jaise hi usne aankhein mujhse milayi, maine apna face idhar-udhar ghooma liya, jaise mujhe uske hone ka pata hi nahi tha. Par andar se mera dil chilla raha tha, Kya woh mujhe pasand karta hai? Kya woh impressed hua dance se?

Food Stall Ka Hungama

Dance ke baad bhook lagi toh wapas food stall ki taraf gayi. Plate mein chawal,daal,naan,kadhai paneer, chatni papad aur gulab jamun sab bhar liya. Tabhi peeche se awaaz aayi...

"Excuse me, kya yeh rumaal aapka hai?"

Main palti toh dekha, woh ladka! Uske haath mein mera black rumaal tha.., aur woh mujhe dekh kar ek halki si smile kar raha tha.

"Haan... Ye mera hi h..," maine haste hue bola, lekin andar se ekdum nervous thi. Apna Rumaal le kar main wapas apni plate sambhalne lagi.

Par tabhi mera dupatta table pe latak gaya, aur plate girne hi wali thi ki—yes, again—woh ladka mujhe sambhal leta hai!!

"Careful, lagta hai aapka aur girne ka deep connection hai," usne dheere se haste hue mazaak karte hue bola.

Mujhe hansi toh aayi, par maine apne expression normal rakhe. "Haan, shayad," maine softly kaha, aur mujhe lag raha tha ki ab main usse kuch puchu ya chup rahu..?

Lekin phir se woh ek chhoti si smile deke chal diya. Ab toh mera patience level khatam ho raha tha. Uska naam kya hai? Yeh h kaun? Maine jaise hi apna hath utha kr use aawaj dekr bulane ka socha- ki Par tabhi Savita aunty ne mujhe dulhan ke gift leke aane ke kaam mein laga diya.

Maine jaldi se apna khana khatam kiya or apne thoughts ko side mein rakhti hui bas gift table tak gayi, par mera dimaag abhi bhi ek hi baat pe atka tha—Woh ladka h kaun? Kya main use fir kabhi mil paungi?

___________________________________________

Kya Akshita us ladke ka naam pata kar payegi? Ya phir uski awkwardness ke chakkar mein kuch aur comedy hone wali hai? Let's find out!