« قصر ابو فهد »
جالسين جميعهم بالصالة بعد الغداء يسولفون
رفع جواله من وصله اتصال و حطه باذنه
ابو وافي : السلام عليكم
ابو فهد : و عليكم السلام هلا يابو وافي
ابو وافي : هلابك يابو فهد
ابو فهد : امرن يابو وافي وش بغيت
ابو وافي : مايامر عليك عدو الحقيقه يابو فهد هالخميس حنا جايينك ولا بغينا نجيك بدون ما نعطيك علم جايينك و نبي القرب منكم نبي بنتك لولدي وافي شاورها و خلها تستخير و ردو لنا بوقت ثاني واذ هي موافقه الخميس نجيكم
ابو فهد : حياكم الله ابد يومين و ارد لكم
ابو وافي : ياهلا مع السلامه
و انتهى الاتصال بين خلف و سلطان
حط جواله بجيبته و رفع نظره لهم جميع
و نطق : عتيق غيم ام فهد القحونن للغرفه
و وقف و طلع للغرفه قبل يسمع منهم شي
ام فهد : غريبه وش يبي ابوكم
غيم : والله مدري يمه
فهد : اخر شي قاله حياكم الله يومين وارد لكم
حازم : ياويلكم مسوين مصيبه انتم؟
عتيق فهم الموضوع من البدايه
و نطق : يمه و غيم امشو و تعرفون
ام فهد : عتيق يمه تعرف وش يبي ابوك ؟
عتيق : ماني متاكد كاني فهمت
غيم : طيب انا وش دخلني
نزل و دغدغها و شالها بين يديه و التفت لامه
و نطق : العوبا هذي معي انتي الحقينا
حازم : هيه انت تراها مهي بزر
عتيق : خف علينا يالرجل انت
غيم : انا بنت لخلف و عتيق انت وش تبي
نزلها عتيق على الارض و مسك يدها
و طلعوا للغرفه عند ابو فهد و ام فهد وراهم
فهد : تتوقع وش يبي بهم ابوي
حازم : يارجال اكيد مسوين مصيبه حنا مالنا دخل طلعنا منها مثل ما تطلع الشعره من العجينه
هبده فهد و نطق : ماعندك سالفه
_______________
دخلوا الغرفه عند ابو فهد
ابو فهد : تعالي يا غيم
توجهت لابوها و من وصلت حضنها
و نطق : يبه ياغيم ابو وافي خطبك لولده وافي و قال خلها تستخير و ابي اسمع الرد منها و وافي عرفناه من فتره قريبه و نعم الرجل استخيري يابنتي و عطيني ردك ولا تستعجلين واذ منتي مرتاحه قولي لي عادي
غيم : يبه انت ادرى بمصلحتي و قراري من قرارك
سحبها من حضن ابوه و حضنها
و نطق : غيم هذا زواج مهو لعبه القرار مهو لا بيدي ولا بيد ابوي القرار لك الحياه لك حنى اللي علينا نسال عن الرجل و حنى نعرفه مايحتاج نسأل عنه و شهادتنا به مجروحه الرجل ونعم و هو ناوي الزواج الحين و طلبك انتي استخيري يا غيم و عطينا ردك
غيم باحراج : اللي تشوفون عن اذنكم
طلعت لغرفتها و اتصلت على ساره
ام فهد : ما توقعت انهم يخطبونها لوافي
ابو فهد : خلي البنت تستخير وان كتب الله نصيب بينهم الله يتمم لهم على خير ان شاءالله
ام فهد : باقي انت اخطب اخته
ابو فهد : قلنا يمكن تو ولدهم طلع من الغيبوبة لكن هذاهو يبي يجي و يخطب و يكمل نص دينه
عتيق : يصير خير خلوه اول يجي
ام فهد : ليه ماتخلون ملكتكم بيوم واحد
ابو فهد : انا ولد ابوي تبين الناس تمشي و تحكي خطب لولده بمجلسه لا بالله نروح لهم و نطق الباب و نخطب مثل ما سوو هم اتصلوا و بعدها يجون
ام فهد : بقوم اشوف من يطق الباب
« غرفة غيم »
انتهت من ساره و قفلت الجوال و فرشت السجاده و لبست جلال الصلاة وصلت استخارة و حست براحه
وصلتها ساره بعد ما سمحت لها ام فهد بالدخول
ساره : خير وش فيك قلتي لي تعالي بسرعه
غيم : والله مدري وش اقول لك يا ساره
ساره : اخلصي لا توتريني تكلمي
غيم : اتصل على ابوي اليوم ابو انسام بنت خالتي و خطبن لولده وافي و صليت استخاره و احس اني مرتاحه و خايفه مدري ليه مابي اطلع من حايل
ساره : ياعيوني انتي الله يتمم لك على خير دامك ارتحتي قولي لعمي انك مرتاحه واذ على انك ما تبين تطلعين من حايل اشرطي انك تسكنين بحايل سهله
غيم : واذ ما وافق ؟
ساره : عاد بذي براحتك انتي
غيم : بستخير ثاني مره
ساره : يالله قدامي و علمينن وش تحسين
صلت استخاره ثاني مره و حست انها مرتاحه
غيم : ساره احس مرتاحه مدري ليه
ساره : الله يتمم لك ياروحي انزلي و قولي لعمي و اخوانك اكيد ينتضرون ردك يلا انزلي لهم و بشريهم بموافقتك
نزلت غيم و جلست جنب ابوها و نزلت نظرها للارض
بصوت يادوب ينسمع مع احراج و خجل
نطقت بخجل : يبه استخرت و احس مرتاحه
ام فهد بدت تزغرت باعلى صوت
ابو فهد : الله يتمم لك على خير يا بنتي
عتيق : الله يوفقكم و يبني بيتكم
حازم : اخس تبي تعرس النتفه
اخذ المخده عتيق و رماها عليه
وقفت و نطقت : عن اذنكم
و طلعت لغرفتها عند ساره
رفع جواله ابو فهد و اتصل على ابو وافي
ابو وافي : هلا يابو فهد
ابو فهد : هلابك حياكم الله بالوقت اللي تبون
ابو وافي : الله يحييك و يتمم لهم على خير
و قفل الاتصال بينهم
و نطق : الخبر لا يطلع الا اذ وقعو
أنت تقرأ
في مبسمك يضيع كياني وثقلي وأصير كأني طير بين اياديك
Action.. لا استبيح النقل او الاقتباس .. .. التنزيل كل خميس .. الانستا : 1w_x88
