وانهى الاتصال والتفت لأمير : ها وش يبي منك
وافي : عز الله انه شال هم بصدري باتصاله يبي يجي بكرا هو واهله يبيني انا واخواني وابوي بموضوع
امير : وانت من الاساس ليه خايف منه تراه اتصال
وافي : اقول اسكت انت وكلامك الي مابه فايده
« حائل ، قصر ابو فهد »
أنهى اتصاله من وافي ونطق : تجهزو بكرا نمشي
ام فهد : الله يحفظك يمه ويطول بعمرك عز الله انك فرحتني بشوفه عيال خيتي باقي اشوف احفادي
عتيق : لا يمه انا بدري زوجي فهد اول وانا بعده
ابو فهد : شرايك انت معه مره وحده
عتيق : لا يبه توني على الزواج خله بعدين
دخلو و ام فهد و غيم جهزو الشناط
وفهد رفع اجازه كامل الاسبوع
وحازم و غيم طلبو من راكان ينزل لهم اجازه رسميه من المستشفى ثلاث ايام ولا ردهم
« الجوف ، قصر ابو وافي »
وصل سلطان القصر بعد اتصال وافي له
ابو وافي : عسى خير ياولدي
وافي : خير ان شاء الله بكرا او بعده جايينا ضيوف وطالبيننا انا وانت واخواني بكلام لحالنا
ابو وافي : حياهم الله العين اوسع من الدار
وافي : لكن تراه طلبني قال بدون عشاء وتكاليف نقول اللي عندنا ونمشي وسكت ولا قلت له شي اذ جا نعشيه ماله داعي نعزم عزيمه كبيره
ابو وافي : خله يجي ووقتها خير ان ما تعشاء من عشانا ماني من عيال ابو حمد الجراح
« حائل »
بعد اتصاله من وافي طلع من القصر و توجه لبيت **** المسجون على حسب الاحداثيات اللي معه
وصل للموقع وعرف البيت من الشكل الموصوف له من المسجون ونزل من السيارة وطق الباب
جاء ولده من ورا الباب : من عند الباب
عتيق : انا من الجمعيه اوزع للمحتاجين
فتح له الولد الباب : تفضل
عتيق يبي يتاكد : ابوك موجود
الولد : لا مهو موجود بالسجد
عتيق تاكد انه البيت المقصود ودخل
عتيق : طيب دلن على المجلس و ناد امك
دخل المجلس وبعد دقايق وصلت الام
الام : الله يجزاك بالخير ويكتبها بميزان حسناتك
عتيق : جزاك الله خير ياخاله
سكت شوي ونطق : غريبه وين راعي البيت
الام : الحقيقة يا اخوي راعي البيت مسجون من اربع ايام وحنى مالنا الا الله ثم هالتبرعات ولا راعي البيت طايح بالخراب ولاهو يم البيت
عتيق : طيب اسمعيني ولا تقاطعيني الحقيقة انا من الشرطه وزوجك هو اللي دلني علي بيتكم اللي مايخافون الله مهددينه اذ علم عنهم يذبحونكم وانا عطيته وعد اني اامنكم منهم وجايكم اليوم ابي اخذكم معي واسكنكم بمكان غير هذا واكلكم وشربكم يجيكم الى مكانكم خليني اوفي بوعدي لزوجك واطلعو معي وبس هذا اللي عندي
الام : الله يجزاك الخير ياولدي ابشر ماني برادتك دامك وعده اجهز اغراضنا وتعال لي
عتيق : يكفيكم لبعد صلاه العشاء ؟
الام : يكفينا يا خيي
عتيق : لعاد بعد الصلاه امركم استاذنكم
وطلع من البيت رايح للاستراحة
« الجوف ، بعد المغرب »
دخل ابو وافي قصره وتوجه لانسام جالسه بالصاله
ابو وافي : يبه انسام
انسام : سم يابوي
ابو وافي : بكرا العصر جاييني ضيوف خلي القهوه والشاي من بعد الصلاة جاهزين
انسام : ابشر يبه ، معهم حريم ولا بس رجال
ابو وافي : ايه يابنتي معه مرته وعياله
هزت راسها بتمام
أنت تقرأ
في مبسمك يضيع كياني وثقلي وأصير كأني طير بين اياديك
Action.. لا استبيح النقل او الاقتباس .. .. التنزيل كل خميس .. الانستا : 1w_x88
