« فجر يوم الاربعاء »
صحوا غيم و انسام و غيم توجهت تاخذ دش على السريع بينما انسام نزلت للصاله وحصلت خالتها ام فهد صاحيه بالصاله توها خلصت من صلاة الفجر
توجهت لها و حبت راسها و نزلت لمستواها
نطقت بابتسامه : صباح الخير ماما
ام فهد : صباح النور ياهلا ببنتي هلا
انسام شبكت اياديها ببعض
و نطقت : ماما عندي طلب ولا ترديني
ام فهد : تامرين امر سمي وش بغيتي
انسام : انا بسوي الفطور اليوم لا تقولين لا
ام فهد : لا يابنـ .. ، قطعت كلمتها من نطقت انسام
بوزت شفايفها و نطقت : مامي قلتي تامرين امر !!
ام فهد هزت راسها بتفهم : ابشري يابنتي ماطلبتي شي
تنهدت و نطقت من كل قلبها : صدق من قال ان ربي رح يجيب العوض مهما طال الزمن راحت امي لربنا الله يرحمها وماجابت لي اخت لكن ربي عوضني فيكم انتي امي و نور عيوني الحين و غيم مكانت اختي و اكثر الله لايحرمني منكم ولا يريني فيكم مكروه يارب
ام فهد : الله يحفظك يابنتي امين يارب روحي للمطبخ ابو فهد و العيال لا يجون من المسجد و انتي هنا
انسام : من عيوني ماما بسوي لكم احلى فطور
توجهت للمطبخ و بدات تسوي فطور
دخل ابو فهد و العيال راجعين من للمسجد
جميعهم : السلام عليكم
ام فهد : وعليكم السلام اجلسوا بالمشب لين يجيكم الفطور انسام صاحيه و ابيه تاخذ راحته دامه عندنا
حازم بضحكه : وش صارت عاد بيتنا بكيفنا به
ابو فهد مسكه مع رقبته و شد عليها
نطق : احترم نفسك ياولد
انسام بالمطبخ و سمعتهم و ضحكت بشويش
و نطقت بشويش : ليه تذكرت غانم فجأه مثله سبحان الله فلاوي و دايم يطقطق و يمزح وابوي يسطره
طلعوا ابو فهد و عياله للمشب و غيم تجهزت على شان تروح للجامعه و من انتهت نزلت للصاله
غيم : ماما ابوي و اخواني وينهم
ام فهد : بالمشب جالسين و بيفطرون به
غيم : و انسام وينها
ام فهد : بالمطبخ تسوي فطور
هزت راسها بتفهم و توجهت للمشب و سلمت على ابوها و اخوانها بعدها توجهت للمطبخ عند انسام
دخلت و شافت انسام على الفرن و معطيتها ظهرها
تقدمت بشويش و دخلت يدينها من ورا انسام و حاوطتها مع خصرها و ميلت راسها على كتف انسام
انسام خافت و شهقت بصوت خفيف و عرفتها
و نطقت : وجع خوفتيني يا زفت
غيم : صباح الخير يا عسوله يعطيك العافيه
انسام : صباح النور يا قلبي الله يعافيك
حررتها من حضنها و شمت ريحة الطبخ المنتشره
غيم : الريحه تشهي تسلم اناملك
انسام : بالعافيه عليك ربي يسلمك من كل شر
انسام جهزت الفطور على صحنين صحن لابو فهد و عياله و صحن لهم و عطته غيم توديه لهم و هي اخذت الصحن و راحو للمجلس يفطرون و بعد الفطور كل واحد راح لدوامه و غيم راحت من فهد لان عتيق مشغول ما يمديه يوديها ولا يرجعها اليوم
« الجوف ، قصر ال جراح »
تحديدا قصر حاتم بعد ما دخلوا العيال يتجهزون للمدارس جلسوا حاتم و ليلى بالصالة لحالهم
ام غيث : يابو غيث ماتدري ايه ابوك و اخوانك سافرو
ابو غيث عقد حواجبه و نطق : غريبه تسالين
ام غيث : سفرتهم فجأة ولا قالو لاحد
ابو غيث : اذ جو تعرفون ماله داعي الحين
ام غيث : طيب علمني يا حاتم عادي ترا
ابو غيث : ابوي وصاني ما اعلم احد
ام غيث : زين عن اذنك بقوم اشوف العيال
ابو غيث : اذنك معك لا تتاخرون
وقفت ليلى و توجهت لغرف العيال تجهزهم
بعد ما جهزتهم طلعوا مع حاتم للمدارس
أنت تقرأ
في مبسمك يضيع كياني وثقلي وأصير كأني طير بين اياديك
Action.. لا استبيح النقل او الاقتباس .. .. التنزيل كل خميس .. الانستا : 1w_x88
