« بعد مرور اسبوع ، الاحد »
مر اسبوع بدون احداث مهمه والاتصالات لا زالت مستمرة بين عتيق و وافي واليوم محكوميه سجين الجوف ، بعد سماع حكمه طلع واتصل على عتيق
عتيق : ارحب يابو سلطان
وافي : مرحبا يابو خلف
عتيق : ها وش الجديد
وافي : اليوم صدر حكم الي مردغته عندنا
عتيق : وش انحكم عليه
وافي : قصاص وينفذ بعد ثلاث ايام
عتيق : براسي خطه مسافة الطريق و جايكم
ماسمع رد وافي وقفل الخط بوجهه
توجه لمكتب الفريق اول ضاري ودخل من سمح له
عتيق : ضاري ابي انتداب للجوف اسبوعين ضروري
ضاري : عسى ماشر وش فيه
عتيق : مافي الا كل الخير ارسلن الان وبعلمك بكل شي
ضاري : تمام ربع ساعه وارجع لي
عتيق : تمام عن اذنك
وطلع توجه للبيت
« قصر ابو فهد »
طلع من المركز و توجه للقصر يبلغ ابوه انه رايح للجوف لأجل مهمه ضروريه
وصل القصر ودخل بالصاله عند ابوه
عتيق : صبحك الله بالخير يبه
ابو فهد : صبحك الله بالنور
عتيق : يبه بروح للجوف عندي شغل هناك
ابو فهد : غريبه يابوك ما اخبر لك شغل هناك
عتيق : اسمعن يبه ولا تقاطعن
وبدا يشرح له السالفه من الى
ابو فهد : تمام يابو خلف موفق وجب امك وانت راجع
رفع اصبعه لخشمه ونطق : على هالخشم
ابو فهد : عليه الشحم
واخذ اغراضه اللي يحتاج وطلع راجع للمركز ياخذ ورقة الانتداب واذن ممارسه العمل بالجوف
اخذها و حط اغراضه بالسياره و مسك خط الجوف
وصل بعد اربع ساعات تقريبا مسافه و مباشره توجه للمركز اللي بالجوف و اتصل على وافي يخبره بوصوله
عتيق : وافي
وافي : هلا
عتيق : وينك انا بالمركز عندكم
وافي : ممداك وصلت
عتيق : مو وقت اسألتك تعال الان و معك فاضل
وافي : زين زين ادخل لمكتبه تحصله موجود
عتيق : زين انتضرك
« حائل ، قصر ابو فهد »
رجعت من الجامعه وجلست تتغداء مع ابوها و اخوانها ، بعد الغداء فقدت عتيق وسألت عنه
غيم : يبه عتيق وينه ماجا يتغدا
ابو فهد : عتيق راح للجوف ضروري اسبوعين و يرجع
غيم بزعل : راح ولا ودعني حتى
ابو فهد : تعالي يا غيوم تعالي
توجهت له وحضنها لصدره ومسح على شعرها
ونطق : يبه غيم عتيق راح لمهمه يساعدهم بالجوف اسبوع او اسبوعين و يرجع و معه امك لا تخافين عليه يبه ادعي له ان الله يكون معه ويرجع لنا سالم غانم
حازم بمزح : سالم جدي و غانم ولد سلطان؟
ضحكوا جميعهم هذا ذبته
غيم رجعت نظرها لابوها : بابا بشتاق له
ابو فهد تشتاق لك العافيه
فزت لجوالها من جاها اشعار وشافت الاسم
[ سندي اخوي ] اللي هو اخوها عتيق
و فتحت الرسالة و بدات تقراها ب تمعن
[ السلام عليكم يا غيومتي
انا اسف والله اسف اني مشيت ولا ودعتك
طلع لي شغل ضروري بالجوف واضطريت امشي بوقته
ولا تخافين مي مداهمه ولا شي لا
مهمه بالمركز نفسه اسبوع اسبوعين وارجع باذن الله
استودعك ربي الذي لا تضيع ودائعه
كولي زين ولا تصيحين وتصيرين ام دميعه
ان نزلت دمعتك على شاني مشيت ازعل منك ترا
وترا برجع معي امي هالمره
يالله فمان الله يا عيون اخوها ]
انتهت من القراءة و ابتسمت لا شعوريا وردت عليه
[ وعليكم السلام
شدعوه تعتذر ذا شغلك ولازم تأديه بكامل وجه
حتى لو كانت مداهمه اعرف اخوي يمسكهم ويرجع
ابشر ولا تشيل همي انت اهم شي خلص شغلتك على اكمل وجه ولا تفكر فيني اشتغل وانت متطمن علي
والله يرجعكم لنا سالمين غانمين يارب
مع السلامه يا عيون اخته حفظك ربي ]
انتهت من كلامها وارسلتها له
أنت تقرأ
في مبسمك يضيع كياني وثقلي وأصير كأني طير بين اياديك
Acción.. لا استبيح النقل او الاقتباس .. .. التنزيل كل خميس .. الانستا : 1w_x88
