نجمة الأسد

الفصل الثاني عشر

بيمشي ويجي في الصالون الي جه قدامو بيضربو برجلو عقلو مش معاه بيحلل كل كلمة قالتها امو  ويدور علي معاني ليها بيحاول يلاقي تفسير كويس ومريح بالنسبة لي لكن لا الكلام الي قالتو نجمة وعملتو وجعو وجعو اوي في قلبو بص لمريم الي كانت عينيها عليه عينيه حمرة هز صباعو جيهتها:مين قالها ان انا بقيت كويس ها؟؟ انا مخفتش وعمري ماهخف عشان كدا هي هتبقا حياتها كلها معايا... فهمتي...
مخلاهاش تجاوب خد المفاتيح وخرج بيجري متعصب ركب السيارة ومشي مخلي من وراه الدخان...
______________________________
نجمة بتمشي وتيجي عند البحر وتفكر في حياتها وحبها لاسد الي مجاش من وراه غير العذاب... قعدت مدة وبعد كدا ركبت سيارتها متوجهة لبيتهم... وصلت دخلت السيارة مكانها دخلت بتسمع للكلام وقفت قدام الباب... دخلت بخطي متثاقلة للصالون بتشوف باباها ومامتها مع راجل مديها بالضهر ريحة في انفها اه ريحتو نفس الريحة الي شمتها في المستشفي هتجننها...يمكن مقدرتش تخلص منها شافتها مامتها وقامت عندها :نجمة جيتي كنتي فين؟؟ اسد مديها بالضهر بيستناها تكدب وتقول انها كانت في الشغل وهو قالهم ان هي طلعت بدري من عندو بس تفكيرو مكنش مكانو:كنت عند البحر ياماما عشان الاستاذ اسد بقا كويس دلوقتي خلاص من بكرا هرجع الشغل في المستشفي... بيسمعها ويزير علي المفتاح في ايديه... خلاها لحد ماخلصت كلامها ولف عندها بابتسامة جانبية:لا ياانسة انتي هترجعي شغلك...
فضلت واقفة مصدومة من غير حركة بيعمل اي هنا ليه جه... ابوها فرحان ليه لا وهو معجب جدا بااسد وشخصيتو ودلوقتي هو قاعد قدامو من غير حواجز بصت علي امها الي كانت واقفة جنبها بتستناها تديها تفسير فهمتها واتكلمت: نجمة الاستاذ اسد بيقول ان امو تعبانة وهما ارتحولك انتي وعايزينك تفضلي معاها في البيت احسن ما تفضل كل مرة تروح للدكتور... بتبص عليه بمعني اي الي بيحصل دا... هي سابتها كويسه هو مش بيحبها ليه عايزها تبقا جنبو.. بصت علي باباها بيتكلم معاه فرحان... قعدت جنبه بتبص علي اسد :مالها طنط مريم؟؟ انا سبتها اكتر من كويسة...
اسد:حاطط رجل علي رجل وبيشرب قهوة... تعبت شوية دا الي حصل وعايزاكي جنبها... اه مش كدا وبس انتي هتباتي مدة
نجمة:اي؟؟ بصت لاهلها بمعني انتو وافقتو
الاب:نجمة دا الاستاذ اسد وكمان امو موجودة انا بصراحة موافقتش بس قدر يقنعني..
نجمة:بس انا مش موافقة ومش هروح وهرجع شغلي ودلوقتي انا اسفة حاسة ان انا تعبانة وهروح اوضتي... قامت مخنزرة في اسد الي اتعصب بسبب الجراءة والرد المباشر بتاعها
سعد:حط القهوة علي الطربيزة... انا اسف ياستاذ اسد مقدرش اغصب عليها حاجه
اسد:بس امي هتزعل خليني اتكلم معاها شوية علي انفراد يمكن اقدر اقنعها... فضلو ساكتين :متخافوش هتكلم معاها بس... ادا سعد اشارة لمراتو توريه الاوضة فضلت مترردة وهو واقف بيستناها ابتاسم ليها ومشيت وهو وراها وراتو اوضة نجمة ورجعت عند جوزها

خبط ودخل مدياااه بالضهر نايمة علي بطنها علي السرير ومطلعة رجليها لفوق حاطة التليفون قدامها  سايبة شعرها... فاتحة الفيس بوك بتتكلم مع صحابها وصحابها الي في الشغل... ملفتش مفكراه مامتها :مشي المغرور؟ عايزني ابات معاهم بكرا يقولك انام جمبه مبيتكسفش مفكر ان هو ملك الدنيا متكبر...
اسد:متكبر والله معاكي مفيش حاجه...وقفت وحاطة ايدها علي فمها دي المرة التانية الي بتغلط فيه وهو بيسمع حمارة... هزت راسها عشان تشرح وتعتذر لكن سبقها وهز صباعو كتحذير وعينيه حمرة:هتنزلي تحت وتقولي ان انتي وافقتي تشتغلي وهتمشي معايا النهاردة والا والله هعمل حاجه مش هتعجبك وهوريكي المتكبر المغرور قادر يعمل اي...
بصت لي بتحدي:لا مش هاجي معاك دا من حقي عايز تقفل المستشفي اقفلو لو مصعبش عليك حد لا الولاد الصغيرين ولا المدير... انا مش هاجي معاك
اسد:اتجه عندها بسرعة شدها من دراعها بكل جهدو...مبقتش عيني علي المستشفي لا عيني علي ابوكي زي ماقولتي انا قاتل ومفيش في قلبي رحمة  والله اقتلو واقول لامك وبعد كدا هخليكي تقضي ليلة معايا اي رايك...
اصفرت واترعبت... تابع كلامو:خمس دقايق وتكوني تحت...خرج ورزع الباب نزل تحت ولا علي بالو لقاهم قاعدين ابتاسم وقعد:قالت هتيجي بس كانت مترددة شوية... جاوبوه بابتسامة شوية ونزلت بتحاول تبان كويسة... ماما بابا انا هروح معاه عند طنط مريم انا بس كنت تعبانة ومتعصبة عشان كدا...
لمت هدومها وودعوهم وخرجو مشت جيهة السيارة بتاعتها ضحكت بخبث ومشيت بسرعة وهو ملهي مع باباها الي شدو بالكلام خلي بالك منها وابقا تعالي عندنا بيحاول يقفل الكلام عشان يروح عندها... بس هي كانت بعدت:انت الي عايز كدا الخطة هنفذها قدامك ونشوف هتعمل اي...
وشغلت الموسيقي بتغني وتسوق بسرعة...
ركب السيارة ومشي هو كمان بسرعة لكن مقدرش يوصل وصلت قبلو شافت مريم وقالتلها كل حاجه...
مريم:الخطة الاولة تمت بنجاح فاضل الخطة التانية انا اتصلت بابن صحبتي الي هيمثل معاكي ههههه... بيحب يعصب اي حد وبيموت في حاجه اسمها تحدي وافق علطول وهيجي علي العشا وابداءو تمثيلكم... ابتاسماتلها نجمة:لازم تعرفي ان انا مش بعمل كدا عشان اخلي اسد ليا انا بعمل كدا عشان انتقم ولو فعلا بيحبني عايزاه يتحرق زي مانا اتحرقت لما سمعت كلامو...
مريم هزت راسها بالايجاب عشان عارفة ان هي عندها حق وهو فعلا غلطان معاها وعارفة ان هي لما قبلت الخطة دي عشان تنتقم ودا قالتو ليوسف الي هيمثل معاهم... قاطع افكارها اسد الي داخل متعصب متجه عندها :اي حركات الاطفال دي سبتيني وجيتي
نجمة قامت من مكانها رفعت صباعها في وجهو:انت زدت فيها اوي عايزني اجي اقعد مع امك وجيت مش شغلك اجي ازاي ومع مين؟؟
رفع ايدو عشان يضربها وقفت امو قدامو:انت مالك معاها جايبها غصب عنها احنا اتكلمنا الصبح ابعد عنها
اسد:اععععع.... تعالي ورايا فوق دلوقتي عايزك..
نجمة:لا انا جاية هنا عشان طنط مريم صح... هفضل معاها
مريم:ايوه صح جبتها عشان تقعد معايا امشي وسيبها معايا
اسد:بصراخ اكتر بيحاول يروح عندها... امشي قدامي قولتلك متعصبنيش...
مريم:اسد ابعد عنها
اسد:اعععع... ضرب الطربيزة الي جنبه خلا كل الي في القصر يترعبو بص عليها... هتتحاسبي علي كل دا
وطلع فوق خلاهم قعدو بيتنفسو زي مايكون كانو بيجرو
مدة طويلة وهما قاعدين بيسترجعو انفاسهم... بصو لبعضهم وانفجرو بالضحك..
مريم:هههههه....اوف يارب... انا اترعبت كان عامل زي الوحش
نجمة:ههههه...اه كنت خايفة يقتلني
فضلو قاعدين لحد مادخلت الخدامة:مريم هانم الاستاذ يوسف وصل
مريم:اه قوليلو يدخل... مشات الخدامة ومريم بصت لنجمة وغمزاتلها:دلوقتي نبداء الخطة... نجمة بتشوف فيها لفت وفتحت فمها علي الاخر راجل وسيم وعضلات وعندو ابتسامة بدوب اه اسد احلا منو بس هو حلو حلو جدا... لسه فاتحة فمها في المكان الي شافتو فيه الاول قدام الباب اما هو وصل عند مريم وسلم عليها... مافاقتش غير علي ايدو الي ممدودة ليها بصت عليه مبتاسمة:اسفة مخدتش بالي... لكن فاجأها لما باس ايدها مع نفس الابتسامة:عادي بتحصل... مصدومة من التصرفات بتاعتو شكلو حنين رومانسي... عكس الوحش الي فوق... قاطعات افكارها مريم :اتفضلو العشا جهز
يوسف عملها اشارة تمشي مشيت وهو وراها مريم قعدت مكانها وهو شد الكرسي لنجمة بنفس الابتسامة تصرف جديد بيصدمها... قعدت:شكرا
يوسف :دا واجب عليا انتي هتبقي حبيبتي صح ولا لا...
شافت فيه بتبتاسم:اه عندك حق
قعدو بيضحكو ويتكلمو نجمة ويوسف علطول اتفاهمو وارتاحو لبعضهم بيحكيلها علي حبيبتو وهي بتحكيلو علي اهلها وحياتها نساااو الوقت ومريم معاهم حتي هي مشاركاهم الكلام بيستانو اسد الي ناداتلو الخدامة كان بياخد شاور وهاهو نازل علي السلم بيسمع الضحك وصوت راجل معاهم اتعصب قبل مايشوف او يعرف حاجه... وصل عندهم شافو من بعيد اه دا يوسف بيعمل اي هنا هو مش متعود يجي... بيشوف فيه هو ونجمة منساجمين في الكلام والضحك... لا يانجمة عملتي اي انتي شعلتي النار نار صعب تطفي دلوقتي... مشي متعصب:سلام عليكم
قالها بصوت اتزعزع علي اثرو القصر كله ابتاسم يوسف عشان النتيجة الي كانو عايزينها بداءو يوصلولها... بص عليه:وعليكم السلام مدلو ايدو بس الاخر مسلمش عليه جر كرسي برجلو وقعد بينو وبين نجمة :اهلا بالاستاذ يوسف اي سبب الزيارة 
مريم:اسد يوسف من العيلة مش ضروري يكون فيه مناسبة عشان يجي
اسد:مسك كوباية مياه شربها كلها وحطها فوق السفرة وعملت صوت:اه اهلا.. وشاف في نجمة:تعرفيه؟؟
جاوبت:مكنتش اعرفو بس دلوقتي اه... ابتاسمات ليوسف وتابعت كلامها بيدخل القلب...
اسد:اه حلو...
شاف في الخدامة:مستنين اي العشا متحطش ليه
الخدم عارفين ان هو متعصب اه مش عارفين السبب بس عينيه حمر وبيرعبو:حاضر هو جاهز... كله راح بيجري يحطو العشا بداءو ياكلو ومبيتكلموش عارفين لو زادو كلمة هيقلب عليهم السفرة بلي فيها..

جيت عشان تتعشي صح؟؟ احنا خلصنا اتفضل اوصلك للباب... دا الي قالو اسد للضيف الي ابتاسم وجاوبو بكل هدوء:خلصنا العشا بس السهرة لسه طويله... رجعلو اسد نفس الابتسامة لكن بطريقة شريرة :ومع مين السهرة... انا مش فاضي وامي دا وقت نومها خليها مرة تانية...
يوسف :هههه... اصلا في نجمة والسهرة معاها هتكون احلي..
اسد اسد بقا سبع عينيه حمرو اكتر وصدرو بيطلع وينزل قام من الكرسي بيحاول يتمالك نفسو مش عايز يبين ضعفو قدامهم:نجمة هنا بتعمل شغلها مش تسهر مع الي يسوا والي ميسواش...
يوسف بص لمريم الي غمزتلو عشان ينسحب عشان باين ان اسد اتعصب علي الاخر وهيعمل تصرف ميعجبهومش... قام من مكانو:اممم لو كان كدا ماشي... بص لنجمة اتشرفت بمعرفتك لما متكونيش شغالة نتقابل اوكي
نجمة:قامت من مكانها مداتلو ايدها... انا كمان اتشرفت بمعرفتك.. انشاءالله نتقابل يلا هوصلك للباب...
سلم علي مريم اما اسد واقف بيتفرج في الي بيحصل وزادت معاه نجمة عايزة توصلو لكن اترعبت لما سمعت صوت اسد زي الرعد:نججججممة
فضلت واقفة مكانها وهو جالها بخطوات سريعة شدها من دراعها بتشوف فيه خايفة :امشي انا الي هوصلو
مزادتش معاه كلمة وهو لف عند يوسف عملو اشارة عشان يتفضل بيتمشو لحد ما بعدو عن نظرهم شدو من القميص :اخر مرة اشوفك قربت نحيتها والا اقسملك بالله موتك هيكون علي ايدي...
يوسف ساكت بيبص علي ايدو الي علي القميص مبتاسم بسخرية اما اسد ف زير عليه وخبطو مع الحيطة :انت سمعتني
يوسف :بنفس الابتسامة....اعتبرو تهديد ولا تحذير؟؟؟
اسد:اعتبرو زي ماانت عايز ميهمنيش... المهم تبعد عنها... وسابو
يوسف:بتحبها ولا بينكم حاجه؟؟
اسد:مش شغلك
يوسف:لا شغلي لازم اعرف...
اسد:بيفكر مش عايز حد يعرف دلوقتي... مبحبهاش بس هي دلوقتي علي مسؤوليتي سمعتني..؟؟
يوسف:ههههه... متخافش انا مش هضحك عليها... ضربلو علي ضهرو وخلاه واقف ركب السيارة بتاعتو ولما كان هيمشي بصلو من الشباك لسه واقف مكانو:قول لنجمة ان الرقم بتاعها عندي وهبقا اتصل بيها... ومشي مخلي وراه دخان بتاع السيارة ودخان اقوي بتاع اسد... ضرب ايدو مع الحيط جابت دم ودخل متعصب بيدور عليها ناوي علي قتلها...
يتبع...
توقاعتكم واراءكم🌟