((مـا ينقطع ظما الهوى إلا على ماك ولا يهون حره إلا ظلالك ))

٥

الرياض -نجد السَّجِيَّة - قصر الجد فارس آل فارس

عقد حجاجه الجد ولا من عادته احد يروح و عنده ضيف : افاا يا العقاب و الضيوف
ابتسم لجده : والله ان لهم الصدر رحب و العين اوسع من المجلس اللي لو ما وسعهم
ابتسم جده و هز راسه : درب السلامه بس هالله هالله حاول تخلص سريع شغلتك
هز راسه ومن وصل خلى الضيوف يدخلون و راح للمطبخ من الباب الخلفي و اخذ الاغراض و طلع ، يركب سيارته وهو يطلع وقف عند اقرب سوبرماركت اخذ كم هائل من المويا البارد ولف على كل عمال متواجدين قدامه وهو يبدا يوزع صدقه عن والده المرحوم ، و ايضاً مر كل مسجد امام ينزل كم كرتون مويا ، خلص وهو يرجع لدرب بيت الجد نزل على بدايه ترتيب الغداء اللي اخره شوي الجد لجل حفيده و فعلاً هو ما تاخر قرب من جده يقبل راسه و يقلط الرجل ثم جلسوا بين سواليفهم ،
بعد دقائق وهو اصلاً ما يداني اي اكل فيه دهون لن معدته تقلب عليه بسرعه ، اكتفى و انحرج يقوم ولكن انقذه جواله اللي دق استأذن وهو يقوم يغسل يده فتح الجوال وكان مدير المشفى
زفر وهو يرد : ارحب بو علي
ابتسم الطرف الاخر : البقى يا بن فـهد بس عندك عمليه بعد ثلاث ايام و الصدق داق عليك تقبلها فصل توام جاين من دولتهم لك تحديداً
زفر وهو ينطق : والله يا بو علي شي حطه بيدنا ان نكمله بعونه لكن اشوف وضعهم بس اجي الملف جاهز من فحوصات الا مال نهايه
نطق ابو علي المدير : ابشر والله يقويك على الخير
ابتسم وهو يغلق المكالمة ويدخل وهو يتنحنح : يا ولد طريق
نطق بنت من الطرف الاخر : مُر مُر متغطين
شد على اسنانه وهو ينطق بهدوء : لو سمحتوا ابعدوا بدخل المطبخ بعدها بصعد
نطقت احد البنات اللي متواجدين و تحس البنات مسخوها : يا ولد العم عطهم ظهرك نمر للمجلس بعدها دربك خضر وين ما بقيت
زفر وهو يطلع من المكان بكبرها حتى اتاه نفس الصوت : ولد العم ادخل خلاص
وفعلاً دخل المطبخ اخذ علبه مويا و طلع الدرجه ثلاث بخطوه ، دخل غرفته اخذ حبوب المعدة وكمان يحس ان القيلون جالس يتفاعل و كل شي لا يتفاعل قيلونه لن عصبي بشده ولكن بكون له خبرته يقدر يسيطر و يبتعد عن الدهون اللي هي بعد الضغوط الحياتيه ،

الرياض -نجد السَّجِيَّة - قصر الجد فارس آل فارس

زفر يمد جسده و يدق على اخوه
سعد نطق : هلا وين يا ولد جدي يسال
زفر بعمق اكثثثر : سعد انا بغرفتي بنام والله مب اني اهين الضيوف لكن ما اقدر اكلت معكم دهون و معدتي قامت
نطق سعد اللي يعرف ان مب دايم المعده تقوم على الشخص حتى القيلون يهلك صاحبه : متاكد معدتك
ابتسم يطمن اخوه وهو يخفي القيلون لن شي عادي مب مرض خبيث لكن يأثر بناحبه الطبيه : ابد بس معدتي
ابتسم سعد : ابشر اجل يلا نوم العوافي
اغلق منه وهو يقوم يسحب له شورت و تيشرت تانك و ينسدح تذكر جوني اللي امس كان يراقبه وهو كان يراقب بيت وهّـَاج ،وهو ما يدري ويش ورا جوني
زفر وهو يدفن وجهه بنوم في مخدته : الله ياخذك يا جوني يا العاله حتى تموت ،
،