((مـا ينقطع ظما الهوى إلا على ماك ولا يهون حره إلا ظلالك ))

١٢

نطق سعد : ماخذ الجوالات ولا خذيت لي بي ام
ناظره : انقلع ما ودي نتهاوش بنص المول
كشر سعد : بصير سعود بدون واو اشوف اختي كريمه
عقد حجاجه بستغراب : اصلاً انت بدون واو سعد
ناظره يدخل كوفي : مخرب بعد رح فر معهم جعلهم يفرون مخك
كش وهو يدخل معه الكوفي و ياخذ قهوه له و وللبنات و مشى بينما سعد صار يتسوق ،
دخل بوتيك ناظر الفساتين : دخلت غلط يا سعد يا جعل متاب و الضيّاء بالوجع
ابتسم : بس ذويقه صاحبه المحل
تنحنح يدخل : حجز باسم
سكت من ايه الجمال اللي امامه بشعره الكستنائي الطويل و الكيرلي ملامحه اللطيفه بعيونها اللي سكنها النعاس وخشمها الحد حواجبها المرسومه خدينها المُحمره خجل من كثر تامله عنقها المكشوف له ويتزين بعقد من القلوب ،
نطقت بخجل و حده من نظراته : لو سمحت اخوي
ارمش يستوعب حاله : فستان باسم متاب آل فارس و الضيّاء آل فارس
صارت تدور و عقدت حاجبها : مب آل فارس الفـهد و خالـد
زفر وهر عجز عن انه يزيح عيونه ولكن صد غصب عنه : صح متاب الفـهد و الضيّاء خالـد على بالي حاطين آل فارس
هزت راسها تتقدم تمده له : تفضل اتمنى ينال اعجابهم
عض شفاته وهر طالع : انتِ نلتي قلبي وقفت على الجرابيع متاب و الضيّاء
مشى لهم وهو يمد لهم و يجلس على الارض : خذت قلبي
ناطره سّـراج بحده : قم قامت قيامتك فشلتنا
طنشه يلف على متاب و الضيّاء : اخطبوها والله قلبي خذته مب طبيعي
ناظرت متاب : ويش اخطبوها ويش خذت قلبي قم فشلتنا
ناظر الضيّاء : بنت عمي حرم هادي تفهميني الفزعه ابي اللي بمحل التصميم حق فساتينكم اخذت قلبي
ضحكت الضيّاء تسحب متاب : تعالي نشوفها
لحقهم سعد ،
بينما روين و سّـراج و رفيف و رهف كملوا تسويق
نطق رهف : اخذت الدبل
هز راسه : ايوه
روين : من وين وكيف امداك ؟
ناظرها : اخذتها تشوفينها ما عليك
ابتسمت له ،
ضحك سّـراج من رجع سعد مكشر والبنات يضحكون
لفت رهف : شسالفه ؟
ضحكت متاب بشماته : رحنا لقينا موظفه مستلمه سالناها قالت ان ذي صاحبه البوتيك و طلعت راحت عليه
ناظرهم : والله ما راحت يا مريضين ورقمها عندكم
ناظرته رهف وهي تتشمت : ذا يردون معها كمان موظفات ما يتحول لها الرد الا بحالات يا المسكين
عض شفته وهو يلف على سّـراج : اخلص مواعد العيال
هز راسه سّـراج وهم يكملون،
طلعوا ولف على سعذ : بالله ويش شعورك وانت ما نلت رقمها
كشر وهو يلف على متاب : قلبي حبها لا تخلين اخوك يتشمت بي
ضحكت تداريه و تطمنه : ما عليك ترا زوجه اخوك بتفيدك و تصير سعود بدون واو

ناظرها بعقده حجاجه : شسالفه سعود بدون واو
نطق روين : ان قلك مثل اخوها سعود بس بدون واو لن هو سعد فهمت
هز راسه : حلو يا سعود بدون واو
لف سعد : ما علينا من سالفت الواو الحين ابي اعرف كيف تنقذني حرمك
ابتسم على كلمة حرمك ،
نطقت متاب : ذي صديقه طفولتها و اخت حتى تصير من طوله علاقتهم من كانوا جيران و درسوا مع بعض
فز بفرح ينط عندها : احلفي بالله
ضحكت : والله
فتح الشباك : لقيتها لقيتها بخطبها
سحبه سّـراج : وجعع فضحتنا يقولون ولد فـهد آل فارس يصايح من سياره
ضحك وهو يجلس و رجع لف لخوه يضمه : لقيتها اشكر اختي سعود بدون واو
دفعه عنه : و وجع اسوق
ضحك بعمق وهو من وقف السياره نزل يصارخ عند جدته : لقيتها لقيتها يا امي و جدتي لقيتها
انخرش الكل منه ،
ودخل خلف الباقي ،
نطق سّـراج : يا مثبت العقل حبيبي انا كنت اطب من فوق جدران و ارقى شباك ولا سويت سواتك
نطقت دانة تناظر سّـراج : وشبه يا يمه
ابتسم لها : الله يسلمك ولدك شافه وحده و استخف يبيها ولحظه يوم شافها رجع يخلي البنات يشوفونها ولا لقوها بس عرفون انها صاحبه البوتيك بعدها انهار ورجعت قالت له متاب انها رفيقه حرمي و انجن يبيها
ناظرت الجده فيه : الساعه المباركة والله نسال عنها و نشوفها و ابشر
ناظرهم : انتم شدخلكم تسالون و تشوفون انا بتزوجها مب انتم
ناظروه بصدمه صدم عيشتهم من رده ،
رمت عليه امه علبه المنديل : لا بارك الله في شرك يا مستخف بلا عقل الله يحكمنا بعقولنا
ضحك سّـراج يطلع و تبعه البنات و لحق سعد متاب وهو ينطق : يا اختي امانه علميها طمني قلبي
دفعته تقفل الباب بوجه ، زفر ينزل مع الدرج يصارخ : يا امي ابيها يا امي
نطقت الجده : ارفع علومك
نفى براسه يجلس عند جدته و يضع راسه بحضنها : يا جده ابيها دخلت قلبي ما ادخل
ناظرته تمسح على شعره : والله يا عرق جدك طبع فيك اعوذ بالله ما اخف منه الان انت بزمانه ولا اخف منك الا هو
ضحك : جدولتي على جدي بس ما علينا اخطبوها لي
ضحكت الجده : بكره خلاص اثقل شويتين بكره اكيد بتجي لملكة اختها و توقف معها نشوفها و نعرف اسمها و بنت مين و ان قالها الله وهي من نصيبه بتنجمع معها
قبل يد جدته وهو يضعها على قلبه : شوفي بالله قلبي كيف يدق من شافها
عقدت الجده حجاجها : اسم الله عليك بيطلع من صدرك هاذا وهي مره يوليدي
عض شفته : لو اشوفها عمر ما امل منها وكانها الدقه الاولى لقلبي بكل مره
مسحت الجده على قلبه و شعره ، ابتسم وهو مستمتع يسولف معهم ،
في الاعلى ضحكت متاب وهي تغير لبسها لبجامة تريحها قّبلت بنتها النايمه ، فتحت جوالها تدق
ثواني أتاها صوت : هلا امري يا قلبي
ابتسمت وهي ارسلت لها من قبل : هلا بحرم اخوي الكيوت ما يامر عليك ظالم
ابتسمت بخجل : ولا عليك
نطقت : بسالك عن صديقتك صاحبه البوتيك سعود بدون واو شافها و انهبل علينا
ضحكت : امانه كيف ؟
ضحكت : اهخخ يا هَدَّب لو شايفته تموتي جلس بنص المول يقول ابيها اخطبوها هاذا وهو داخل وشافها مره ولا يوم شاف الموظفه الثانيه انجلط تعابيره مصورته الضيّاء مـ،ـوت حرفياً
ضحكت : يا عزتي لخوي والله ما عليه ما تهون عليه تيجان
ابتسمت من لطف الاسم : اسمها تيجان
ابتسمت : ايوه كيوت زيها
نطقت : اجل بنت مين ولازم بكره جدتي و امي تشوفها
ابتسمت : جايه ويشوفونها وبنت حمد آل فايز
نطقت متاب : حلو اجل بكره نشوفها و نخطبها له لا يموت انا مصدومه من قال شدخلكم تسلون عنها و تشوفونها انا بتزوجها ولا انتم
ضحكت بعمق عليها : والله انهبل من تيجان مب سهله رفيقتي
اندق الباب ودخل نطقت متاب : جاي على صوت حرمك
ضحك بخفه : وين شاحن الاب حقي
ناظرته : صح نسيت ما رجعته شفه على الطاوله يمينك ، وصح تشتغل ولا ويش ؟
نفى براسه ياخذ الشاحن : لا اتابع لي
هز راسها : تبي شي تتونس عليه وانت تتابع
نفى براسه وهو ينزل يداعب بنتها و يضايقها بنومها : لا يكفي خربتها ذي اليومين معكم برجع انسان صحي
ابتسمت له وهي تضرب من صحت بنتها : والله تسهر معها انت يا معتوه
ضحك : عريس تسهريني افاا
ناظرته : اخت عريس بتسهرني
هز كتوفه ياخذ بنتها : مالي دخل بنتك بعدين باخذها معي شويات و ارجعها بطلع مع اخوك المستخف
ضحك وهي تنطق : عرفت البنت
ضحك : ودي قلتي ما عرفت عشان اطقطق عليه وجهه لوحده انصرع من ما لقاها وقت رحتم
ضحكت : والله ما تخطيت صدمته للحين ما ادري كيف مسكت ضحتي قدام الموظفه
ضحك وهو يرفع يد بنتها و يلوح لها بمعنى " باي "
رجعت وهي تنطق : لسى معي ، اعتذر
ابتسمت لها : شدعوه يا قلبو ، ما عليه اخذتي فستانك
هزت راسها : ايوه وانتِ
زفرت : عندي تيجان العظيمة قالت كلها عندي ولا يهمك واليوم وصلت لي ثلاثه اخترت واحد و واحد قالت يمين تاخذينه لن هادي يناسب اي شي لو جلسه بيت و انتِ بتكشخين الصراحه اغرتني و اخذته
ضحكت : يا حليلها كيوت و ابداع بوتيكها
.
.