((مـا ينقطع ظما الهوى إلا على ماك ولا يهون حره إلا ظلالك ))

٤

كما قال ابيه '' العقاب''وكانه يقول :
انا يمينه و شماله و ظله و منه انا مركاه و عكازه
انا سـّراج الـفهد اللي يأخذ اللؤلؤ من جوف البحر
وانا اللي لا صـكت بي ليالي سود صرت منها
انا سـّراج الليل و ان انبلج لي قمرها ما هو
الا سـّراج يضوي عتمه الليل انا العقاب ''
ناظره تركي ببغض عظييم له ،
ناظر بعيونه الحاده لو هي خناجر لاد'مت تركي من حدتها وفعلاً لم تبتعد عيونه عن تركي حتى تركي كسر نظراته برعب داخلي من حدته المُستقيمه له ولم تبتعد حركت ما بداخله ،
ارتفع صوت الدفوف بالعرضة النجدية و تمايلت السيف الا ان الجد وقفهم بعد دخلو اهل جراح وهو ينطق : وين سـّراج الـفهد
فز يمين جده و من مد سيفه فهم رغبه جدته و بدات ارتفاع السيوف بتمايل ما يزيد الا فخامه من توسطهم و نطق الجد :
العبو بالعوجا وسيوفاً صقايل
ف السمو وف العلو وف المعالي
لجل سـّراج تلعب شيوخ وقبايل
والجزيره من جنوب ومن شمالي''
ابتسهم من تباهي جده به سحب على جراح اللي المفروض يعلو باسم و اعتلى اسمه بعد جده من الكل ،
توسطت نظره على اللي شال السيف وهو يعتلي به بتمايل بخفه ،
ميزه كيف ما يميزه سرور الفيصل المجهول لا زال اليه ،
و ارتفع اصوات الجميع تردد اسمه مره اخره :
بالجدود وبالخدود وبالجدايل
ياعروستنا هنا سـّراج تعالي
نالك اللي بالفخر والطيب نايل
كل زين وكل صعب وكل عالي ''
نطق جده اللي جا يمينه و يعتلي بسيفه مع مهارة حفيده المحبوب لقلبه و يردد خلفه الجميع :
هذا سـّراج طايلن في كل طايل
يشبه لـ الـفهد طبعه والخصالي
وجده اللي بالفعول وبالجزايل
فارس اشبه بالعلم فوق الجبالي ''
تقدم سعد يجاوره و يعتلي سيفه بعلو سيفهم الا ان سيف السـّراج اللي حتى بينهم فارق بطوله و سيفه اخذ النصيب ،
نطق سرور اللي اعتلى بصوته وهو يحس لوهله بجوار نمار و سعود خطرت في البيتين اخت سعود بنت قلبه ولو يجي النصيب و يقدمها بيدهم وهي كان بتتقدم بيد سعود القلب :
جدها اللي في مطاليع الاوايل
من عناوين الكرم نال العوالي
وجدها الشاهين اللي بالدلايل
واضحن طيبه زمان اول وتالي ''
عض شفته سـّراج من مر طيف هدبها وهي نايمه عذب ملامحها وكانها قمر خمس عشر و انبلج نوره بنص صحراء يضوي درّب التائه بين كثبان رمالها
ثغرها اللي بعز نومها توسع بالطف و ابتسامه يحلف لو تبتسم كل يوم قدام كذا نسى اوله وتاليه ،
زفر ينزل سيفه يطلع يستنزف دخان يضيع تفكيره عنها اللي بنظره ليه هالتفكير اصلاً ،

.
.

الرياض -نجد السَّجِيَّة - قصر فارس آل فارس

قسم الاخر واللي تواجد فيه الحريم ،
دخلت بأزهى صوره و اللي سمت عليها جدتها سلمى وهي تحصنها الا ان وصلت لها ،
قبلت خد جدتها وهي تنطق بعذوبه مُغازلتها : كنت بغطي عليها بس انتِ غطيتي على الكل حتى حفيدت قلبك
ابتسم جدتها سلمى اللي مُلقبتها بي '' حفيده قلبي '' : ياجعل ايام سعد و الهنا يا امي
ابتسم : امين وياك يا امي و خفي عاد على جدي
قرصتها بخف مُمازحه : عيب يا بنتي عيب
قربت من جدتها و بنت عمها : قلك عيب يا جده لا مب عيب هاذا الصدق خفي على جدي
جت بتقرصرها و بعدت
ضحكت هَدَّب وهي تشوف جوالها يدق من سرور : بطلع هنا اكلم و ارجع من الازعاج تمام امي
ابتسمت لها الجده سلمى : تمام امي انتبهي لنفسك
ابتسمت وهي تغمز لجدتها : هالله هالله عاد بالهون على جدي يا عذبه و سلمى الروح
وطلعت ضاحك تتخيل رد جتها الخجوله و اللطيفه ،
ناظرت وكان لا زال الازعاج شافت بنت وهي تنطق : يا عسوله
لف عليها متاب : انا
هزت راسها : اي يا عيوني
قربت منها متاب وهي تسلم عليها : من اهل العريس
ابتسم لها هَدَّب : اي ولد عمي يعني انا بنت عمه
ابتسمت لها متاب : حياك يروحي امري
أبتسمت لها : ابي اطلع اكلم من وين اذا ما عليك امر
هز راسها متاب : ابد انتِ امري حلال عليك و ابد يروحي امشي طولي بعدها على بمينك باب زجاجي تطلعين الحديقة الخلفية خذي راحتك ولا احد يمك اصلاً الكل مشغول كان رجال او حريم
هز راسها وهي تبتسم : تسلمين يا بعد روحي يا عسوله
ابتسمت لها الا ان اختفت من امامها ولفت على الضيّاء : وايي يا ضوضا ما  شفتي الجمال و الحلاوه اخلي سعد ياخذها ولا لا سـّراج
ناظرتها الضيّاء : من ضوضا يا لبى ؟
ناظرتها وهي تعرف ان الضيّاء حب لـ اسمها بشكل : انا ضوضا ولا يهمك لكن ما شفتي البيبي بينك مورد ؟
فهمت الضيّاء عليها : لا دخلت المجلس وتو اجي قولي لقيت الاخضر الدرجه الحلوه او الاصح هي اللي حلتها و سبحان الله تنقط ذرابه و دلع و دلال لا قلت لك دلع لا يجي على بالك خلود لا خلود بنت عمتك تتصنع ولا تنبلع ذا الدلال يقول انا خلقت لها و لاجلها ذي الصدق تضبط لسعد حسافه عندي اخ واحد ولا سعد اخوك الملقوف كثيييره عليه استحي الحين قلت لك لسعد
ناظرتها و دفعتنا : حيوانه ترا سعد كيوت
ناظرتها : مرهه كيوت ما يخليك تقول كلمتين الا مقاطعك بس خليه يتزوجها و يتربى على يدها ليه لن هاذي اللي تقولي سولفي و سواليفك بقلبي مب بسمعي
عضت شفتها متاب : لا يعني العائلة بكج كامل اسم الله