في أمان المكار

البارت التاسع

#في_أمان_المكار

بقلمي: يـآسه.

#لا تنسون التعليق بين الفقرات+متابعة لحسابي لطفاً 🙈♥

إبتديتك صدفة وصدفتك صارت حياة. 🥀

✧✧✧✧✧

«ملاك»

راسي علىٰ المخدة وأشهگ بصوت عالي، كرهت حياتي كرهت إللي جاي أعيشة ومجبورة أعيشة علىٰ حساب أمي وأختي، أنحرمت من الحياة وأنحرمت من المدرسة ومستقبلي كل إللي دنعيشة بسبب روحة بابا ما چانت حياتنا صعبة مثل هسة

عصرت راسي بالمخدة وتركت عيوني تجري من القهر والحرمان، حسيت الهوه أنگطع گمت أجر النفس گوة نهضت من الفراش بسرعة لبست قمصلتي وطلعت من البيت وتركت أمي نايمة، وهاي أول مرة أطلع بعد ما مر شهر علىٰ وجودنا هنا..

الدنيا ليل والجو بارد بس روحي مشتعلة نار، خفت أمشي بعيد عن البيت ضليت كاعدة بالباب حضنت رجلي ورفعت راسي للسماء الصافية ما بيها بس النجوم محاوطات القمر، ضليت كاعدة فترة لا بأس بيها، سمعت صوت ركض يمي أخترعت نهضت بسرعة شفتة عباس زفرت نفس براحة، گلبي وكف من الخوف..

عباس أعرفة مرات أوصي يجيب شغلات من المحل، وكلش حباب ويدخل للگلب بسرعة وفوگ لطافتة وأخلاقة شخص قوي ورزن مو مثل الشباب إللي بعمرة گاضيها طيش بطيش

وصل يمي باوعلي رافع حاجبة

عباس: شسوين طالعة نص الليل بله صارلچ شي وأني ما موجود

ملاك: أختنگت وطلعت شوية شصار مثلاً هياتني گدامك بخير لا تقلق

_هالمرة ما صارلچ شي بس بالمرة الجاية لا تطلعين إله وأني موجود

_ تمام بعد ما أطلع 

_وين أختچ

_مادري

جحض عيونة بصدمة واردف بنتر

عباس: ويين وين طلعتت بهذه الليل

_ماعرف حتى ما سألتها وين راحت

_راح تخبلني هالبنية

_يعني وين راحت؟

_روحي أدخلي جوة وأني أنتظرها هنا نص ساعة إذا ما أجت اروح أدور عليها

_لا لا أبقى وياك

_خوش بس أگعدي لزگ يم الباب

هزيت راسي ورحت أنتچيت علىٰ الباب رجعت حضنت رجلي وأباوع للطريق بخوف، ضلوغي ثلجن من البرد وهيَّ ماكو وعباس ضل معكمش وجهة بغضب حتى أخاف أحچي ويا..

عباس: راح أروح أدور عليها طبي جوة

_أجيت

أللتفت علىٰ صوتها بخوف، وأني نهضت بفرح رحت حضنتها بس ما بادلتني الحضن حسيت بيها شي، وخرت عنها نضرت العباس يباوعلها طابك حواجبة منزعج شكلة يجنن..