في أمان المكار

البارت الثاني عشر

#في_أمان_المكار

بقلمي: يـآسه.

#لا تنسون التعليق بين الفقرات+متابعة لحسابي لطفاً 🙈♥

يالبيه عشت ثنين ضحكي وحزني
مشتاگلك بس الجرح حارجني

✧✧✧✧✧✧

الهواء ضاق بصدري رجعت للخلف بخطوات ثقيلة وعاثرة گعدت بالگاع حضنت رجلي الصدري ودموعي تنزل جمر علىٰ خدي، أجة فقار يركض گعد گدامي مسح دموعي گومني ما أدري وين ماخذني شبه فاقدة ما أعرف شصاير، لحد ما شفت باب بيتنة دفعتة وصحت

ملاك: والله مااا أطب وددديني الأختيي

فقار: ما بيها شي لا تخافين اليوم لو باچر يمچ

ملاك: أخذنييي أررريد أشوفها أخذنيي حباب

فقار: لا حول الله، بس روحي خبري أمچ خاف تقلق عليچ

هزيت راسي ودخلت مسحت دموعي وبينت نفسي طبيعية حتى لا تعرف بالصار وتتمرض بالزايد، خبرتها رايحة وي عباس ويمكن أتأخر وافقت، رحت الغرفتنة أخذت كم ملابس الأزل خاف تحتاجهن طلعت أركض خفت خاف عافني بس شفتة موجود ومستند علىٰ سيارة شافني وأشرلي أصعد فتحلي الباب صعدت وهوَّ صعد

ضليت الطريق كلة أشهگ خفت تروح من أيدي هيَّ هم وأبقى وحيدة، شفت بالسيارة سبخة باوعت الفقار

ملاك: عادي أخذ هاي السبحة بس أسبح بيها وأرجعها

فقار: عادي بابة

أخذتها وضليت أسبح وأدعي، دموعي ما نشفن وفقار ضل يستغفر بهمس،وصلنا للمستشفى نزلت أركض قبلة دخلت ضليت أفتر ما أعرف وينها أجة فقار يركض لزم أيدي وأخذني ويا وصلنا شفت الأسمة مكار يصيح علىٰ الدكاترة

فقار: والي علي

عرفت أسمة والي علي من أستدار وشافة خزرة لأن شافني ويا بس من شاف حالتي فتحلي أيدي رحت حضنتة بچيت بصوت عالي

ملاك: أختي شبيها

والي علي: لا تخافين عزيزتي راح تكون بخير

ملاك: يعني العملية مو خطرة

والي علي: لا لا بابة مو خطرة منو گلچ

ملاك: الحمدلله عبالي راح أخسرها

والي علي: أسم الله لا تفاولين لا أختچ، فقار

فقار: نعم

والي علي: أحجزلها غرفة خل ترتاح بيها وخلي عيونك مراقبتها

فقار: صار، تعالي ملاك

ملاك: بس أريد أبقى هنا ما أريد أعوف أختي

والي علي: هسس تعبان ملاك بدون صوت روحي أرتاحي وأني منتظر العملية تخلص وأجيچ عود

ملاك: تمام