في أمان المكار

البارت الخامس

#في_أمان_المكار

بقلمي: يـآسه.

#لا تنسون التعليق بين الفقرات+متابعة لحسابي لطفاً 🙈♥

"لم أكُن حادَّة، هُم كانوا يقتربُونَ منْ جِهتي المَكسُورة."🥀
✧✧✧✧✧✧✧✧

وها قد صار شهرين ونص وأحنه غرگانين بالمهمة وهالمرة صارت أصعب من قبل و والي متشدد علينة حتى ما يقبل نتنفس خاف نغفل علىٰ شي أو ما ننتبه صار بينة جرب ينطينة أستراحة عشر دقايق حتى ماي ما نلحگ نشرب...

أعصابة تالفة وراسة يأذي والسهر كتلة نحچي ويا حتى يرتاح بس بكُل مرة يرفض وأحنة خايفين عليّ لأن أذا بقة هيچ يتخربط ما نگدر نسوي شي بدونة رغم أحنة نشتغل بس هوَّ أكثر من عدنة شغلة مكثف يبقة بالساعات يشتغل، وبليل لو ينام ساعة ويگعد يكمل لو ما ينام أصلاً...

ومثل كل يوم مچتمعين بمكتبة وأللي حاسوبة
گدامة وأللي أوراق، وأللي موبايلة ما يطيح من أيدة والأتصالات ما تنگطع من واحد الواحد وداخلين حرب "لو نطلع منتصرين لو مهزومين" وطبعاً ما نقبل نطلع أله الخيار الأول ويانة وهوَّ الأنتصار...

رفعنة راسنة علىٰ صوت والي علي متألم أللتفتنة الجهتة لگينا حاط أيدة علىٰ راسة ويفرك بقوة نهضت بسرعة وتقدمت نحوة خلف المكتب بموقع جلوسة، بعدت أيدة عن راسة لأن صار يضرب عليّ بقوة رجع راسة علىٰ الكرسي تلمست جبينة صاير ناار...

فقار: والي گوم خل نروح للمستشفة

أردف بتعب

والي علي: مابيَّ شي بس وجع راس هسة يروح

فقار: لا لا گوم ولك حرارتك مرتفعة مو وكت عنادك بالعباس!

والي علي: يا بشر ما تفتهم مابيَّ شي لا تقلق ولا تلح زايد روح كمل شغلك وخل أني هم أكمل

فقار: وداحي خيبر ما أكمل شغل أله تروح للمستشفة حتى نطمن يلا گوووم

والي علي: أستغفر الله

حسن: بس جيبو جهاز الضغط يمكن ضغطة هابط

راح ثائر جاب جهاز الضغط وقاسلة طلع نازل ما تعجبنة لأن أصلاً ما ماكل شي بس بنفس الوقت خفنة عليّ، رحت عصرتلة ليمون وشربة ورأفت راح جاب أكل بألف يا علي يله قبل ياكل شوية..

فقار: ها شلون صرت

والي علي: الحمدلله أحسن

ثائر: أنتَ ليش تحب أتعب نفسك تره الكُل يشتغل علىٰ الموضوع بس مو مثلك هامل نفسك لا أكلك مثل العالم ولا نومتك!

والي علي: السالفة وما بيها أني ما أحب أضيع وقت، أذا ضليت وراهم مراح نلگة أثر للعصابة ويمكن نبقى سنة نبحث علىٰ خيط يوصلنا ألهم