في أمان المكار

البارت العاشر

#في_أمان_المكار

بقلمي: يـآسه.

#لا تنسون التعليق بين الفقرات+متابعة لحسابي لطفاً 🙈♥

يا گاع التِلمّني ويّاچ وأشتريّها
بثَمن رُوحي !

✧✧✧✧✧

بعد ما تركت والي علي بالمنطقة يتفحص الأوضاع رجعت للمركز أكمل كم شغلة لحد ما تمر الساعة وأرجعلة،صار الوقت سديت اللابتوب وأخذت سويچ السيارة هسة ردت أشغل وشفت والي نزل من سيارة ثانية يركض بأتجاه المركز نزلت من السيارة أركض وراه..

وصلت المكتبة ما لگيتة دورت عليّ ماكو بس لو أعرف منين جايب هالسرعة، رحت المكتب رئيس المحققين دگيت الباب سمحلي بالدخول، طبيت لگيت والي گاعد علىٰ الكرسي الصاير گدام مكتب الرئيس..

تقدمت گعدت گدام والي باوعلي وأردف بهدوء عكس أول ما أجة الخفيف

والي علي: ماكو مبروك فقار؟

فقار: علىٰ شنو سيدي؟

_لگيناهم

_گوووول والعبااس

قهقه بخفة وهز راسة بـ أي أردف الرئيس

الرئيس: أحسنتَ والي علي أثبتت جدارتك بهاي المُهمة بس بقى الأصعب

والي علي: وأني گدها سيدي أن شاء الله ما نرجع أله بالأخبار السارة

_جيد أختاريت منو يرافقك بالمهمة

_نعم سيدي أشوف فقار الأنسب أنو يرافقني بأكمال المُهمة

نهض والي علي يعدل بسترتة ونهض ويا الرئيس مدلة أيدة يصافحة، تصافحو وتصافح وياي طلع والي من المكتب وأني خلف، عبر مكتبة وطلع برة المركز وأني أتبعة صعد بالسيارة وأني وراه هم أول ما صعدت كفخني علىٰ راسي باوعتلة..

فقار: عمت عينك هاي ليش ضربتني!

والي علي: أحبكك ولك

_دخيلك يالعباس

_شكو!

_شبيك الحماس مفول يمك والأبتسامة ما شاء الله من الأذن للأذن ما عرفتك!

_شفتها شفتها

_منو منو ولك!

_ساحرة العينان

_أووو تتمعشگ من وراي

مسح وجهة المتعرق وعيونة تلمع لمع من الفرح، بعد يومين حضرنة بيت بنفس المنطقة العايشات بيها بنات عم حُسام وضبطنا أمورنة، راقبنا المكان طلعو أثنين ضخمين صعدو بسيارة مضللة وأحنة بعيد عنهم، مشو مشو مسافة طويلة لحد ما وگفت السيارة يم مكان أخيس من الچانو بي