#في_أمان_المكار
بقلمي: يـآسه.
#لا تنسون التعليق بين الفقرات+متابعة لحسابي لطفاً 🙈♥
_نَبتسم رغم جرح الماضي المُلتهب "💔
✧✧✧✧✧✧✧✧
_ولك هاي الكيكة خربانة بالعباس
_بروح موتاك لا تفشلنة حتى لو خربانة أكلها
_ولك فلينة والله هاك ضوگ أفتح حلگك
_دسكتت بس يخلص العرس أجيبلك غيرهة
_مو علمودك أحچي أني هسة تطلع گدام أهلها مو خوش وبخيل
_گول والكاظم
_وسبع الگنطرة
_گلتلك گول والكاظم يعني چذاب
والي علي: شبيكم يابة، وأنتَ رأفت شبيك مو عرسك ليش گالب خلقتك
رأفت: عمي خلصني من فقار والحسين زوعني العافية
والي علي: فقار شعندك ويا
فقار: خاب والحسن بس گلتلة الكيكة خربانة بس هوَّ عيار
رأفت:***
فقار: شفت شفت
خزرة والي، وهذاك سوة نفسة ما يشوفة أجة أبو البنية يحچي من ورة خشمة ما راضي بـ هذه الزواج بس أجو شيوخ وناس معروفة يلة وافق..
أبو سيف: أذا سمعت بيوم بنتي نازلة دمعة من عيونها والله ثم والله أخذها وما أرجعها ألك لو علىٰ گص رگبتي
فقار: زين إذا بنتك بچت علمود چبس شلون بهاي الحالة
حچيتها همس بيني وبين رأفت ندسني ومسح وجهة بالمنديل ورجع باوع الأبو البنية
رأفت: إذا صار هذه اليوم ومو نزلت دمعة من عيونها لا إذا سمعتها مقهورة شتريد تسوي سوي
فقار: أويلي يابة
هز راسة وراح، أللتفتلي رأفت وغم گصتة بدون لا ينتبه أحد
رأفت: أني هيچ يحچون وياي أنيي لك خربب
فقار: ومنو أنتَ
رأفت: أني الخليت حسرة بگلب عدواني
فقار: محد من الواكفين لابس نعال
رأفت: تروحلي فدوة
فقار: الأنوثة راح تفول يمك أمشي أمشي لا تلبس بدلة بمكان العروس
ضحك وراح يم مجموعة من عائلة أبو ما أعرفهم، صوت الأغاني عالي وأصدقاء رأفت ذابين لحم نازعين سترهم ويرگصون بيهن، راح رأفت يرگص وياهم وفجأة توقفت الأغنية، أخذولهم لحظات يرگصون بدون أغنية بعدهم ما مستوعبين يمكن ، صحتلهم بصوت عالي..
أنت تقرأ
في أمان المكار
غموض / إثارةأستثنائية غَير مكررة شَيطان وملاك في الوقت ذاته . فيها دفئ حنون وقَسوة مَفرطة. أجنحة برائتها لَيست مَن رَيش كما يَعتقد الجميع. أسفل كُل ريشة تخبئ مجموعة من الاشواك عَيناها بَريئة وَعقلها مَجرم
