في أمان المكار

البارت الأول

#في_أمان_المكار

بـ قلمي: يـآسه.

#لا تنسون التعليق بين الفقرات+متابعة لحسابي

"هذي الجميلةُ في مساء ظهورِها
جعلتْ عيونَ الناظرين تحارُ
الوقتُ ليلٌ غير أن ضياءها
أوحى لهمْ أن الزمان نهارُ"

✧✧✧✧✧

عائلة عادية كـ أي عائلة أخرى، الفرح والحزن والهم كُلشي يحوم حولها، حضن الأب والأم وحنانهم، أخوان يشاركوني بتفاصيل حياتي الصغيرة والكبيرة، أيام جميلة وأيام تعيسة...

مططت نفسي أتثاوبت ما أدري ليش من أنام واگعد هَم أنعس معقولة مَا چنت نايمة؟ مشكلة يعاني منها الجميع، نهضت من الفراش رحت للحمام سبحت وأرتديت ملابس الدوام، نزلت لگيتهم يتريگون صبحت عليهم ورحت بوست أبوية العشقق..

سالم: هلا بـ جميلتي، شلونچ باباتي

أزل: هلا بيك عيونيي بابا، بخيرر

سالم: ان شاء الله تبقين دوم بخير

دزيتلة بوسة بالهَواء ضحك أردفت امي وهيَّ تصب الچاي

دنيا: أي عيني أي أحنه ما ننباس بينة كخة لا تتقربون

أزل: أمي العشقق أمي الغالية فدوة للتغار تعالي انطيچ أحلاا بوسة

نَهضت أريد أروح يمها، حسيت شعري أنسحب من الخلف،صرخت متئلمة التفتت لگيتة أخوي اياد، تركني وراح حضن أمي من وره ويبوس بخدودها

اياد: ولي، روحي الأبوج ما محتاجين منچ بوسة، أمي الحاتة أحبچ موووت

دنيا: بعد رويحتي بس أنتَ علىٰ گلبي فدوة أروحلك، يمة الله يخليك.

ضحك ورجع يبوس بأديها وراسها رحت گعدت بمكاني أباوعلة صفح، ضجت كلش من تصرفة، باوعلي وضحك وغمزلي، ضحكت علىٰ حركاتة..

اياد: يلا روح اخوها لا تگلبين خلقتچ الجميلة، أكلي راح تتأخرين حتى من ترجعين أطلعجن انتِ وملوكة

أزل: حبيبي اصلاً اني شبعت رايحة، يلا ملاك تروحين وياي؟

ملاك: أي أروح وياچ أنتظري أجيب الجنطة وأجيچ

نهضت اخذت جنطتي وهيّ هم، ودزيتلهم بوسة بالهواء وطلعنة،نروح مشي للمدرسة لأن قريبة علينا طول الطريق ملاك تراجع للأمتحان هاي السنة هيَّ بـ بالرابع واني بـ السادس
أعدادي

دخلت للصف لاگتني رُسل ضلت تخوزر
بيه، ما أهتميت ألها أصلاً دائماً تسوي هالحركات، رحت گعدت بمقعدي.

دَخلت المُدرسة وتذكرت ما حالة الواجب، وهيَّ البارحة أكدت عليّ‌ أكثر من مره إنو أحل الواجب، هيَّ حبابة دائماً أدافعلي وتغطي عليَّ من ما أحل الواجب بس اني مستخفة، شرحت الموضوع الجديد وبدأت تفتش بالدفاتر..