(Unicode)
အောင်မြင်မှုတွေကိုရရှိလာတာနဲ့အမျှ ပျော်ရွှင်မှုတွေလည်း ပျောက်ဆုံးရမယ်ဆိုတာကို ထယ်ယောင်းအရင်က မတွေးခဲ့မိပါ...။
အနုပညာလောကကို စတင်ဝင်ရောက်လာကစတုန်းကတော့ ထယ်ယောင်းအရမ်းကိုပျော်ခဲ့တာပါ...။ သူဖြစ်ချင်တဲ့ဆန္ဒကိုး...။ အချိန်တွေကြာလာတာနဲ့အမျှ အပြစ်ပြောဖို့စောင့်ကြည့်နေကြတဲ့ မျက်ဝန်းတွေကြောင့် မပျော်ရွှင်ရတော့ပါ...။ နာမည်ပျက်မရှိအောင်နေထိုင်ဖို့အတွက် ကင်မရာတွေရှေ့မှာ ဟန်ဆောင်အပြုံးတွေကို ထုတ်သုံးနေရပြီလေ...။
အမှတ်တမဲ့ပြုလုပ်မိတဲ့ကိစ္စတိုင်းကလည်း အမှားဖြစ်နိုင်တာကြောင့်မို့ အစစအရာရာသတိထားနေရတယ်...။ ယုတ်စွအဆုံး နေထိုင်စားသောက်တာကအစ ကိုယ်နေချင်သလိုနေ ကိုယ်စားချင်သလိုစားတာမျိုး လုပ်လို့မရတော့ပါ...။ ဝိတ်တက်လာတာ၊ ပိန်သွားတာကအစ လိုက်ပြောနေကြတာမဟုတ်လား...။
ထယ်ယောင်းရဲ့မေမေကတော့ အနောက်ကနေ အများကြီးပံ့ပိုးပေးပါတယ်...။ အထူးသဖြင့် အတိတ်မှာ အိမ်ထောင်ကျပြီး ကလေးတစ်ယောက်မွေးဖူးတဲ့ကိစ္စက လုံးဝကိုပျောက်ကွယ်သွားခဲ့တာပါ...။
လူတိုင်းသိကြတဲ့ သရုပ်ဆောင် V ရဲ့နောက်ကြောင်းက ရိုးရှင်းလှပါတယ်...။ အမေက အနုပညာလောကမှ အနားယူထားတဲ့ နာမည်ကြီးမင်းသမီးတစ်ယောက်ဖြစ်ပြီး အဖေကတော့ မီလျံနာသူဌေးကြီးတစ်ယောက်ပေါ့...။ တစ်ဦးတည်းသောသားဖြစ်တဲ့ ကင်မ်ထယ်ယောင်း ခေါ် V ကတော့ LA မှာကျောင်းတက်နေရင်းနဲ့ အနုပညာအလုပ်တွေကို စတင်လုပ်ကိုင်ခဲ့သူပေါ့...။
ရုပ်ချောပြီးသရုပ်ဆောင်ကောင်းသလို သဘောကောင်းဖော်ရွေတဲ့ V က အနုပညာနယ်ပယ်မှာ ဘာနာမည်ပျက်မှရှိမနေပါ...။ ချစ်သူရည်းစားအကြောင်းမေးလာရင် ပညာရေးဘက်ကို အာရုံစိုက်နေသေးတာကြောင့် ထားဖို့စိတ်ကူးမရှိပါဘူးလို့ ပြန်ဖြေတဲ့ V ကို crush နေကြတဲ့ fan တွေကလည်း မနည်းမနောပေါ့...။
ထိုသို့ပြစ်ချက်မရှ်ိအောင်နေနေရတဲ့ ထယ်ယောင်းဟာ လက်တွေ့ဘဝမှာတော့ ကန့်သတ်ချက်များစွာနဲ့ ဘဝကို အထီးကျန်စွာဖြတ်သန်းနေရတယ်...။ ရိုက်ကူးရေးကိစ္စတွေကြောင့် ကိုရီးယားနဲ့ LA ကို အသွားအပြန်လုပ်ရတဲ့အခါတိုင်း တစ်ချိန်က ပတ်သတ်ဖူးသူတွေကို သတိရမိတာတော့အမှန်ပင်...။
KAMU SEDANG MEMBACA
Unstoppable Marriage (Completed)
Fiksi PenggemarA successful marriage requires falling in love many times, always with the same person. But if not, become unstoppable marriage.
