(Unicode)
ထယ်ယောင်းဆီမှာ ကိုယ်ဝန်ရှိနေတဲ့သတင်းက မီဒီယာမှာတော်တော်လေး နာမည်ကြီးနေခဲ့တယ်...။ ယောင်္ကျားလေးတစ်ယောက်အနေနဲ့ ကိုယ်ဝန်ရတာက တော်တော်လေးထူးဆန်းတဲ့ကိစ္စကိုး...။
ဒါပေမယ့်လည်း မကောင်းမြင်တဲ့သူကတော့ရှားပါတယ်...။ ထယ်ယောင်းကိုယ်ဝန်ရတာက ဘုရားပေးတဲ့ဆုလာဘ်လို့ပင် သူတို့က ပြောနေကြတာလေ...။ ဂုဏ်ပြုစကားပြောကြတဲ့သူတွေကလည်း မနည်းမနောပါပဲ...။
အားလုံးထဲမှာအပျော်ဆုံးကတော့ ဂျောင်ကုဖြစ်ပြီး ကိုယ်ဝန်ရှိတာကိုသိတာနဲ့ ထယ်ယောင်းရဲ့ schedule တွေကို သိသိသာသာလျှော့ချပစ်ခဲ့တာပင်...။ အကုန်ရပ်နားလိုက်ဖို့ကျတော့လည်း ထယ်ယောင်းက အနုပညာဝါသနာပါသူမို့ ကိုယ်ဝန်ဆောင်နေတဲ့အချိန်မှာရော ကလေးမွေးပြီးတဲ့အချိန်မှာရော အနုပညာဆက်လုပ်ချင်ပါတယ်လို့ ကတိတောင်းထားတာကြောင့်ပင်...။
ဂျောင်ကုနီးပါးပျော်နေသူ နောက်တစ်ယောက်ကတော့ ဂီယောင်းလေးပါပဲ...။ သူ့မှာ အငယ်လေးရှိသွားပြီဆိုပြီး ပျော်နေတော့တာပေါ့...။ တစ်နေ့တစ်နေ့လည်း ကလေးအကြောင်းမပါရင်မပြီးအောင် စကားတွေပြောနေတတ်တယ်...။
"ဒယ်ဒီ... ဂီယောင်းလေး နွေရာသီကျောင်းပိတ်ရက် ပါပါးနဲ့သွားနေလို့ရမလားဟင်...?? ပါပါးဗိုက်ထဲက ကလေးလေးကိုလည်း စောင့်ရှောက်ပေးချင်လို့လေ"
ခုလည်း ယွန်းဂီအနားမှာကပ်ကာ တတွတ်တွတ်ပူဆာနေပြန်တယ်...။ ထယ်ယောင်းမှာကိုယ်ဝန်ရှ်ိနေတာကို သိပြီးကတည်းက ဂီယောင်းလေးက ထယ်ယောင်းဆီခဏခဏသွားချင်နေတော့တာပင်...။ အရင်က တစ်လတစ်ခါလောက်သာ တစ်ညအိပ်ပို့ပေးရပေမယ့် ခုနောက်ပိုင်းတော့ အပတ်တိုင်းပို့ပေးနေရတယ်...။ ခုလည်း ကျောင်းပိတ်ရက်၃လလုံး သွားနေမလို့တဲ့လေ...။
"ဂီယောင်းလေး ဟိုမှာပျင်းနေမှာ... မင်းရဲ့ပါပါးက အလုပ်တွေရှိနေသေးတာလေ... အိမ်မှာဆို ပါပါးဂျီမင်းက အမြဲရှိနေတော့ အတူတူဆော့လို့ရတာကို"
ကလေးတွေကျောင်းပိတ်ရင် ဂျီမင်းလည်းအနားရတာဖြစ်ပြီး အဲ့လိုရက်တွေဆို ဂီယောင်းလေးနဲ့ ပိုအဖော်ပြုပေးဖြစ်တယ်လေ...။ ပြီးတော့ဂျီမင်းက သူသွားလေရာကိုလည်း ဂီယောင်းလေးကို ခေါ်သွားတတ်သူပင်...။
YOU ARE READING
Unstoppable Marriage (Completed)
FanfictionA successful marriage requires falling in love many times, always with the same person. But if not, become unstoppable marriage.
