(Unicode)
ပိတ်ရက်ဆိုတာနဲ့ထုံးစံအတိုင်း အမေက ဂျီမင်းကိုခေါ်ပြီး အိမ်မှာအတူတူချက်ပြုတ်စားသောက်ဖို့ ပြင်ဆင်တော့တာပဲ...။ ဂျီမင်းက လူကြီးတွေနဲ့တည့်အောင်ပေါင်းတတ်သူမို့ အမေနဲ့အဆင်ပြေနေတာက ယွန်းဂီအတွက်တော့ ဝမ်းသာစရာပါ...။ အမေက ဖာသိဖာသာနေတတ်တဲ့ သူမရဲ့သားသမီးတွေထက်ပင် ဂျီမင်းကို ပိုချစ်နေသေးတယ်လေ...။
"ဂျီမင်းလေး... ပိတ်ရက်မှာအေးဆေးနားရမှာကို ခေါ်လိုက်ရလို့အားနာပါတယ်ကွယ်"
"မဟုတ်တာ... ကျွန်တော်က ဒီကိုလာရတာကို အရမ်းပျော်တာအန်တီရဲ့... ဖြစ်နိုင်ရင် ဒီမှာပဲနေလိုက်ချင်တော့တာ အဟီး"
"ဟယ်...အဲ့လိုဆိုရင်တော့ အဆင်ပြေသားပဲ... ဂျီမင်းလေး လာနေချင်လို့ကတော့ အချိန်မရွေးပဲနော်"
အမေက သူမနဲ့အတူတူ ဟင်းကူချက်ပေးတဲ့ဂျီမင်းကို တော်တော်လေးခင်တွယ်နေလေတယ်...။ အိမ်မှာဆို မိန်းကလေးဆိုလို့ ဆိုဟွန်းတစ်ယောက်ပဲရှိပေမယ့် သူမကလည်း အိမ်မှုကိစ္စဝါသနာမပါတဲ့အပြင် ခုဆိုရင်တက္ကသိုလ်တက်နေပြီမို့ စာလုပ်စရာတွေရှိတယ်ဆိုပြီး ခိုင်းလို့ကိုမရဘူးလေ...။
"အန်တီ... ကျွန်တော့်ကို ဂဏန်းငံပြာရည်ချက်နည်း သင်ပေးမယ်ဆို"
"သင်ပေးမှာပေါ့... ဂျီမင်းလေးက ဂဏန်းငံပြာရည်ချက်ကို ကြိုက်တယ်ပေါ့လေ... ယွန်းဂီကလည်း တအားကြိုက်တာ"
"ကျွန်တော်ကတော့ အရမ်းကြီးမကြိုက်ပေမယ့်... တတ်ထားတော့ ကောင်းတာပေါ့... ဟုတ်တယ်မလားဟင်...??"
ငယ်ရာကနေကြီးလာတဲ့သူမို့ သူမက ဂျီမင်းရဲ့သဘောထားကို ရိပ်စားမိနေပါပြီ...။ ဒီကလေးက ဒီအိမ်ကိုလာရတာကို အရမ်းပျော်တဲ့အပြင် ယွန်းဂီကြိုက်တတ်တဲ့ဟင်းတွေကိုလည်း သင်ယူချင်နေတာလေ...။ ဒါတင်ဘယ်ကဦးမလဲ... ဂီယောင်းလေးရဲ့ပါပါးကလည်း ဖြစ်ချင်နေသေးတာမလား...။
"ယွန်းဂီကို အဲ့လောက်တောင်သဘောကျတာလား...??"
"ဟာ အန်တီကလည်း... သူများတွေကြားကုန်ပါဦးမယ်"
"ဘယ်သူမှမရှိပါဘူး... သူတို့အားလုံးက မီးဖိုခန်းထဲကို ထမင်းစားချိန်ကလွဲပြီး ဝင်ချင်ကြတာမဟုတ်ဘူး... ပြောပါဦး... ဘယ်တုန်းကစပြီး သဘောကျသွားတာလဲ"
KAMU SEDANG MEMBACA
Unstoppable Marriage (Completed)
Fiksi PenggemarA successful marriage requires falling in love many times, always with the same person. But if not, become unstoppable marriage.
