(Unicode)
ရိုက်ကူးရေးမှာ ခဏနားနေတဲ့အခိုက် ထယ်ယောင်းဖုန်းသုံးရင်းနဲ့ သူ့ဆီဝင်လာတဲ့ message တွေကို စစ်ကြည့်နေမိတယ်...။ မြောက်မြားစွာသောစာတွေထဲကနေ မထင်မှတ်ထားတဲ့သူဆီမှ စာတစ်စောင်ကိုမြင်လိုက်ရတော့ ထယ်ယောင်းဝမ်းသာသွားမိတယ်...။
"ဂျောင်ကု... ဂျောင်ကု ဒီကိုခဏလာပါဦး"
"လာပြီအစ်ကို... ဘာဖြစ်လို့လဲဟင်...??"
သူ့ကိုဝမ်းသာအားရခေါ်နေတဲ့ ထယ်ယောင်းကြောင့် ဂျောင်ကုပြေးသွားလိုက်တယ်...။ ထိုအခါထယ်ယောင်းက သူ့ဖုန်းကိုပြပြီးတော့ စိတ်လှုပ်ရှားနေတဲ့အသံနဲ့ ပြောလာတော့တယ်...။
"ယွန်းဂီက စာပို့လာတယ်... ဒီပိတ်ရက်မှာ ကလေးနဲ့ပေးတွေ့မယ်တဲ့... ငါတို့အတူတူ ညစာစားကြမယ်တဲ့လေ"
ထယ်ယောင်းပြောတာကိုနားထောင်ရင်း စာကိုဖတ်ကြည့်လိုက်တော့ မင်ယွန်းဂီဆိုသူထံမှ ခပ်တိုတို message တစ်စောင်ကို တွေ့လိုက်ရတယ်လေ...။ စာကိုဖတ်ကြည့်ကတည်းက ထိုသူက တိကျပြတ်သားတဲ့သူတစ်ယောက်ဆိုတာ သိသာပါတယ်...။ ထယ်ယောင်းကတော့ ထိုစာကိုဖတ်ပြီး ပျော်နေတော့တာပါပဲ...။
"အဲ့ဒါ ငါ့ကို schedule ညှိပေးဦးနော် ဂျောင်ကု... ပြီးတော့ မင်းပါ ငါနဲ့အတူတူလိုက်ခဲ့ပေးနော်... ဖြစ်တယ်မလားဟင်...??"
"ဖြစ်တာပေါ့... အစ်ကိုဖြစ်ချင်တာမှန်သမျှ ကျွန်တော်လုပ်ပေးပါ့မယ်"
ဂျောင်ကုက အရမ်းအားကိုးရတဲ့သူတစ်ယောက်မို့ ထယ်ယောင်းသူ့ကိုယုံကြည်စိတ်ချရတယ်...။ သူ့ရဲ့လျို့ဝှက်ချက်တွေကိုတောင် အစ်မဂျောင်ဟီးကိုပင် ပြောမပြဘဲထိန်းသိမ်းပေးထားတာက လေးစားစရာပင်...။
ဟိုတလောကတော့ အင်တာနက်ပေါ်က shipper တွေကြောင့် အစ်မဂျောင်ဟီးက အခြေအနေကိုဖုန်းဆက်မေးသေးတယ်...။ ထယ်ယောင်းနဲ့ကလည်း ပြောမနာဆိုမနာတွေမို့ သူ့မောင်နဲ့တကယ်တွဲနေတာဆိုရင် သူမဘက်ကလည်း သဘောတူပါတယ်တဲ့...။ ထယ်ယောင်းငြင်းတဲ့ကြားထဲက 'မတ်လေး' ဆိုပြီးတော့ ခေါ်သွားသေးတာ...။
တကယ်တမ်းတော့ ထယ်ယောင်းကိုယ်တိုင်က အင်တာနက်ပေါ်က သတင်းတွေကိုမဖြေရှင်းချင်ပါ...။ သူ့ကို ယောင်္ကျားလေးချင်းစိတ်ဝင်စားသူလို့ ထင်နေကြတာကလည်း မှန်နေတာပဲကို...။ ဂျောင်ကုနဲ့တွဲပြီး စကြတာကိုတော့ ကိုယ့်အတွက်နစ်နာတာလည်းမဟုတ်တော့ ဖြေရှင်းမနေတော့ပါ...။
YOU ARE READING
Unstoppable Marriage (Completed)
FanfictionA successful marriage requires falling in love many times, always with the same person. But if not, become unstoppable marriage.
