(Unicode)
ကလေးထပ်တွေ့ဖို့သတ်မှတ်ထားတဲ့ရက်မှာ ထယ်ယောင်းနဲ့ယွန်းဂီ ထပ်ဆုံဖြစ်ကြပြန်တယ်...။ ယွန်းဂီရဲ့ဘေးမှာ ဂျီမင်းပါလာသလို ထယ်ယောင်းရဲ့ဘေးမှာလည်း ဂျောင်ကုရှိနေပြန်တယ်...။
"ဂီယောင်းလေး... သားသားကိုဘာလို့ ဦးဦးနဲ့ခဏခဏပေးတွေ့နေရတာလဲဆိုတာ သိရဲ့လား...??"
ယွန်းဂီက စကားစလာတဲ့အခါမှာ ထယ်ယောင်းစိတ်လှုပ်ရှားသွားတယ်...။ ဒါက ကလေးကိုဖွင့်ပြောတော့မယ်လို့ ဆုံးဖြတ်လိုက်ပြီပေါ့လေ...။
"ဦးဦးက ပါပါးနဲ့ဒယ်ဒီရဲ့ သူငယ်ချင်းမို့လို့လေ... ဟုတ်တယ်မလား...??"
ဂီယောင်းလေးက အသွက်လေးမို့ ထယ်ယောင်းရင်ခွင်ထဲကနေ ပြန်မော့ကြည့်ရင်းနဲ့ပြောလာလေတယ်...။ ထိုအခါယွန်းဂီက အသာပြုံးလိုက်တယ်...။ ထယ်ယောင်းကိုအရင်က စိတ်ဆိုးခဲ့ပေမယ့် အခုတော့ သူရောကိုယ်ရော ဘဝတစ်ခုစီမှာအေးအေးချမ်းချမ်း ဖြစ်နေကြပြီလေ...။ အဲ့ဒါကြောင့် ကလေးနဲ့လည်းတွေ့ခွင့်ပေးလိုက်သလို ကလေးကိုလည်း အမှန်အတိုင်းပြောပြဖို့ ဆုံးဖြတ်လိုက်တာပင်...။
"ထယ်ယောင်းက မင်းရဲ့ပါပါးအရင်းပဲ... မင်းကိုလူ့လောကထဲရောက်အောင် မွေးလာပေးခဲ့တဲ့ မင်းရဲ့အဖေအရင်းပဲ ဂီယောင်း"
ယွန်းဂီရဲ့စကားအဆုံးမှာ ဂီယောင်းလေးက တအံ့တဩနဲ့ သူ့ကိုပွေ့ချီပေးထားတဲ့ ထယ်ယောင်းကိုမော့ကြည့်လေတယ်...။ ထယ်ယောင်းကို စတွေ့ကတည်းက စိမ်းသက်မနေတာကြောင့် သူ့အဖေရင်းလို့သိသွားချိန်မှာလည်း အံ့ဩသွားတာကလွဲပြီး သဘောမကျတာမျိုးတော့မရှိပါ...။
"ဂီယောင်းလေး...ပါပါးက တောင်းပန်ပါတယ်နော်... မင်းကိုထားခဲ့ပြီး ထွက်သွားရတဲ့အတွက်ပေါ့... ဒါပေမယ့် ပါပါးက အမြဲတမ်းတော့သတိရနေတာပါ... ပါပါးရဲ့အိတ်ထဲမှာဆို အမြဲတမ်းဂီယောင်းလေးရဲ့ ဓာတ်ပုံရှိတယ်"
ထယ်ယောင်းအဲ့လိုပြောလိုက်တာနဲ့ အလိုက်သိတဲ့ဂျောင်ကုက ထယ်ယောင်းရဲ့ပိုက်ဆံအိတ်ကို ဖွင့်ပြလာခဲ့တယ်...။ အထဲမှာတော့ တကယ်ပဲ ဂီယောင်းငယ်ငယ်တုန်းက ဓာတ်ပုံလေးရှိနေတယ်လေ...။
YOU ARE READING
Unstoppable Marriage (Completed)
FanfictionA successful marriage requires falling in love many times, always with the same person. But if not, become unstoppable marriage.
