(Unicode)
ပန်းခြံနားက ကားပါကင်မှာ ကားနှစ်စီးကိုရှေ့ဆင့်နောက်ဆင့် ရပ်ထားကြပြီး သူတို့နှစ်ယောက်လုံးကတော့ ဂျီမင်းရဲ့ကားနောက်ခန်းမှာ အတူတူထိုင်နေကြတယ်...။ အချိန်တစ်ခုကြာတဲ့အထိ နှစ်ယောက်လုံးဘက်က တိတ်ဆိတ်နေပြီးတော့မှ ဂျီမင်းက စကားစလာခဲ့တယ်...။
"ဘာလို့ အဲ့စကားကိုပြောရတာလဲ...?? နောက်ထပ်လက်ထပ်ဖြစ်ရင်တောင် အဲ့လူက ငါမဟုတ်ဘူးလို့လေ"
"တောင်းပန်ပါတယ်... ကိုယ့်အထင် ကိုယ်တို့နှစ်ယောက်က ဘယ်လိုမှမဖြစ်နိုင်ဘူး... မလိုက်ဖက်ဘူးလေ"
"ဘာလို့လဲ...?? မင်း...မင်းလည်းငါ့ကို သဘောကျနေတာပဲမဟုတ်ဘူးလား...??"
ဂျီမင်းရဲ့မျက်ဝန်းမှာ နာကျင်ရိပ်တွေစွန်းထင်းနေလေတယ်...။ ထိုစကားကိုမေးလိုက်တဲ့အချိန်မှာလည်း သူအရမ်းကိုတုန်လှုပ်နေခဲ့တယ်...။ တကယ်လို့များယွန်းဂီက သူ့ကိုငြင်းလိုက်မယ်ဆိုရင် သူရှက်လွန်းလို့သေသွားမလားပဲ...။
"ဟုတ်တယ်... ကိုယ်မင်းကိုသဘောကျတယ်... ဒါပေမယ့် အဲ့ဒါက မဖြစ်သင့်ဘူးလေ... ကိုယ်လိုလူနဲ့ မင်းနဲ့တန်မှမတန်တာ"
"သဘောကျတယ်ဆို ရင်ဆိုင်ရမှာပေါ့... ပိုင်ဆိုင်ခွင့်ရဖို့ ကြိုးစားရမှာပေါ့... ဘာလို့နောက်ဆုတ်မှာလဲ...?? မင်းသတ္တိမရှိဘူးလား မင်ယွန်းဂီရဲ့.. အီး ဟီး"
သဘောကျမှန်းသိရပြန်တော့လည်း ငိုချင်မိတာပဲ...။ သူက သူ့ကိုယ်သူသိမ်ငယ်စွာနဲ့ ဂျီမင်းကိုငြင်းဖို့လုပ်နေတာပဲ...။ ဂျီမင်းက မျက်နှာကိုလက်နဲ့အုပ်ရင်း ငိုချလိုက်တော့မှပဲ သူက မရဲတရဲနဲ့ပင် ဂျီမင်းကိုပွေ့ဖက်ကာ ချော့မြူလေတယ်...။
"ကိုယ်က ခဲမှန်ဖူးတဲ့စာသူငယ်လိုပဲ အရင်လိုအဖြစ်မျိုး ထပ်ပြီးတော့ဖြစ်မှာကို ကြောက်မိတယ်ဂျီမင်း... ကိုယ်တို့အချင်းချင်း သဘောကျနေရင်တောင်မှ မိဘအသိုင်းအဝိုင်းတွေရှ်ိသေးတယ်... ထယ်ယောင်းရဲ့မိဘတွေကတောင် ကိုယ့်ကို ဆင်းရဲလို့သဘောမတူတာ... မင်းရဲ့မိဘတွေအတွက်ဆိုရင် ဆင်းရဲတာအပြင် အိမ်ထောင်ကွဲ ကလေးအဖေဖြစ်နေတယ်ဆိုတာကြောင့် ပိုပြီးတော့ဆိုးလာလိမ့်မယ် ဂျီမင်း"
DU LIEST GERADE
Unstoppable Marriage (Completed)
FanfictionA successful marriage requires falling in love many times, always with the same person. But if not, become unstoppable marriage.
