(Unicode)
ပက်ခ်အိမ်တော်ကို ယွန်းဂီရောက်သွားတော့ မျက်မှန်းတန်းမိနေတဲ့ ခြံစောင့်ကြီးက တံခါးဖွင့်ပေးပါတယ်...။ စိတ်လောနေပေမယ့်လည်း ယွန်းဂီရဲ့ခြေလှမ်းတို့က အိမ်ထဲဝင်ဖို့အတွက် လေးလံနေခဲ့တယ်...။
ထယ်ယောင်းနဲ့တုန်းကလည်း အရဲစွန့်ကာလိုက်သွားခဲ့ပြီးမှ မတူမတန်သလိုအပြောခံခဲ့ရတာလေ...။ အခုရော ဘယ်လိုအခြေအနေတွေ ဖြစ်လာမလဲဆိုတာ စိုးထိတ်နေမိတယ်...။ သေချာတာကတော့ ဂျီမင်းကို ယွန်းဂီအဆုံးရှုံးမခံနိုင်တာကြောင့် အစွမ်းကုန်ကာကွယ်မယ်ဆိုတာပါပဲ...။
"ရောက်လာပြီလား ယွန်းဂီ...??"
"ဂျီမင်းရော မမ...??"
"ဒယ်ဒီက အခန်းထဲမှာပိတ်ထားတယ်... သော့ကလည်း ဒယ်ဒီ့ဆီမှာပဲ... မမလည်း ဘာလုပ်ရမှန်းမသိတော့ပါဘူးကွယ်... ဂျီမင်းကိုအရမ်းသနားတာပဲ"
ယွန်းဂီလည်း သက်ပြင်းတစ်ချက်ချလိုက်မိတယ်...။ ဒီလိုအခြေအနေက တစ်နေ့မဟုတ်တစ်နေ့ ကြုံလာမယ်ဆိုတာ သူတွေးထားပြီးသားပါ...။ ခုတော့လည်း ရင်ဆိုင်ဖြေရှင်းရုံပဲပေါ့...။
"ကျွန်တော် မစ္စတာပက်ခ်နဲ့ စကားပြောချင်တယ်မမ"
"အင်း... မမ သွားခေါ်ပေးမယ်နော်"
ဂျီဆူးကလည်း ယွန်းဂီနဲ့သူမရဲ့အဖေကို စကားပြောကြည့်ခိုင်းဖို့သာ ဆုံးဖြတ်လိုက်တော့တယ်...။ ကာယကံရှင်ဖြစ်တဲ့ယွန်းဂီက ဂျီမင်းကိုရဖို့အတွက်က သူ့မိဘတွေဆီမှာ တောင်းရမှာပဲလေ...။
ဂျီဆူးလည်း သူ့အဖေရှိနေတဲ့ ခြံအနောက်ဘက်က ဥယျာဉ်လေးထဲကို ဝင်သွားလိုက်တော့တယ်...။ ဒယ်ဒီက စိတ်ရှုပ်တဲ့အချိန်တွေဆိုရင် ထိုဥယျာဉ်လေးထဲမှာထိုင်ရင်း လက်ဖက်ရည်သောက်တတ်တယ်...။ အဲ့ဒါက သူ့ရဲ့စိတ်ကိုအပန်းပြေစေတယ်တဲ့လေ...။
"ဒယ်ဒီ... ဧည့်ခန်းထဲမှာ ယွန်းဂီစောင့်နေတယ်"
"ဘာ...!!! သူက ဘာလာလုပ်တာလဲ... မတွေ့ချင်ဘူး ပြန်လွှတ်လိုက်"
မစ္စတာပက်ခ်မှာ သောက်နေတဲ့လက်ဖက်ရည်ရဲ့ အရသာတောင် ဘယ်ဆီရောက်သွားမှန်းမသိတော့ပေ...။ သူ့သားနဲ့သူ ပြဿနာဖြစ်ရတဲ့အကြောင်းရင်းက မင်ယွန်းဂီမို့လို့ သူ့ကိုမတွေ့ချင်ဘူးလေ...။
YOU ARE READING
Unstoppable Marriage (Completed)
FanfictionA successful marriage requires falling in love many times, always with the same person. But if not, become unstoppable marriage.
