සුළඟ නුඹ ( Sinhala BL )

ƈԋαρƚҽɾ 51

" හසරැල්ට මම කියල තියෙනවද දන්නෙ නෑ.. ගීත්මගෙයි මගෙයි affair එකට අවුරුදු හතකට වැඩී "

වාහනේ ඇතුලෙ තිබුන නිහඬතාවය මුලින්ම බින්ඳෙ රමිත්..

" අයියා මට කියල තියෙනව "

" ජීවිතේ හරි පුදුමයි හසරැල්.. ඉස්සර චූටි බාප්පා මැරි කරන්නෙ නෑ කිව්වම මම නිතරම හිතල තියෙනව ඇයි එයාට අලුතෙන් ජීවිතේ පටන් අරගෙන අලුතෙන් ආදරේ කරන්න බැරි උනේ කියල.. මං ඒක අහපු හැම වතාවෙම එයාගෙ උත්තරේ උනේ හෙන දුක හිතෙන හිනාවක් එක්ක දිගම දිග හුස්මක් විතරයි.. මං කවදාවත් හිතුවෙ නෑ මගේ ජීවිතෙත් චූටි බාප්පගෙ වගේම වෙයි කියල.... ගීත්මව හම්බෙනකොට මම පලවෙනිම එෆෙයා එක බ්‍රේකප් වෙලා සෑහෙන ඩවුන් වෙලා හිටියෙ... දෙවනි පාරටත් ආයෙම රිද්දගන්න මං බය උනා.. හැබැයි ගීත්ම කියන්නෙ ඔය බයවල් සේරම පැත්තකට විසික් කරල ආදරේ කරන්න හිතෙන විදියෙ මනුස්සයෙක්.. අපි දෙන්නා වෙන් වෙනකොට අර හැමෝම කියනව වගේ මාව අමතක කරන්න , ඔයාට හොඳ කෙනෙක් හම්බෙයි වගේ කතන්දර එයා කිව්වෙ නෑ. මට එහෙම කරන්න බැරි විත්තිය මටත් වඩා හොඳට එයා දැනන් ඉන්න ඇති.. චූටි බාප්පව මට හරියටම තේරෙන්නෙ දැන්.. ! "

" අයියා මේ සිද්ධ වෙච්ච දේවල් ගැන පසුතැවෙනවද ? මං අහන්නෙ- "

" කවදාවත් නෑ.. "

හසරැල්ගෙ ප්‍රශ්නෙ ඉවර වෙන්නත් කලින්ම රමිත් උත්තර දුන්නෙ කලාතුරකින් ඒ මූණෙ ඇඳෙන හිනාවක් එක්කම..

" මගෙ පැත්තෙන් බලද්දි ඕනෙම කෙනෙක්ට එහෙම හිතෙන්නත් පුලුවන්.. එයාට මාව අතඇරල දාල අලුතෙන් හැමදේම පටන් ගන්න පුලුවන් උනානම් ඇයි මට බැරි ? පවුලෙ එකම ළමයා උනාම දෙමව්පියො ඒ ලමයගෙන් බලාපොරොත්තු වෙන දේවල් ටිකක් තියෙනව හසරැල්.. ඒකත් ටිකක් සල්ලිකාර පවුලක එකම ලමයා උනාම අර බලපෑම ඕනවටත් වඩා වැඩී.. සමහරවිට මමත් මේ පැත්තෙන් ඉඳං එයාව තවත් ප්‍රෙශර් කරානම් එයාට මේ සේරම තවත් අමාරු වෙන්න තිබුණා.. මම එයාට යන්න දුන්නා නෙමෙයි.. යන්න දෙන්න සිද්ධ උනා.. අවුරුදු හතක් කියන්නෙ සෑහෙනම දිග කාලයක්... මෙහෙම හිනාවෙලා හිටියට මේක හරි අමාරුයි.. චූටි බාප්පා ගැන මට පුදුමත් හිතෙනව... මෙච්චර කාලයක් කොහොමද හිටියෙ කියල.. "