لـم ننتـه بعـد [ تكـملة ]

زيـف الهـوى ام لعـنة القصـاص _ الفصل 71_

بعدمـا وصلت نهــاد لعنـدو ، رجعت نزلت تقابلـت مع افـرا وعـايدة عند بـاب الصالون ، كانت خرجت هذا الاخيـرة من عند فـاروق ، انتبهت لنظـرات افـرا حست بالخجـل من الموقف ، فضلت تهـرب ...
روفـي : راح نشوف بابا ..

تعـداتهم للمكتب ، دقدقت ، سمعت اذن الدخـول ودخلت ، نطقت افـرا بنـبرة منكـسرة : كنت عـارفة راحت لعنـدو ، تخيلي ماحترمش حتى وجـودي !! على الاقل يتلاقـاها خارج القصر ويم مانشوفوش انـا ! علاش يتصرف معايا بالطريقة هذي !! حتى انـا انسـانة وعنـدي مشاعر !! لو كان الحب بيـدي اكيد كنت عصرت حبـو من قلبي ولا حملت الذل والعذاب هذا الكل ؟!

تخنقت وغلبـوها دمـوعها ، ومشات ناحية الاسانسور راجعة للأعلى ، لكـن وقفتهـا عايدة : روحي للحديقة احسن ماتصعدي للغرفـة وتحبسي نفسك ، انـا راح نتصرف ..
افـرا : اذا خـايفة نمشي ليـهم ماتخافيش !! واساسا هذيك غرفتي ! مش من حقها تفوت ليـها...
عـايدة : افـرا بنتي اسمعي مني .. وروحي للحديقـة ...

مسحت دمـوعها وخرجت ، وتنهـدت عـايدة ، فكـرت تطلع ليـهم ، لكن خرجت روفـي من المكتب في الاثنـاء هذي...
قطبت عـايدة حواجبهـا فيها ونطقت بهـدوء : صحيتي روفي !! هذي اخرتهـا ؟!
قربت ليـها روفـي بحرج : وانـا علاش يا ماما ؟! هو الي طلب نديهـالو !!
عـايدة : وانتي كان ضروري توافـقي!! ؟ مافكرتيش في زوجـتو؟!! ماتعرفيش ترفضي او تنصحيـه يرجع لعقـلو؟!
روفـي : ماحبيتش تصرفو والله ، بصح ايـاس نحشم منـو ومانقدرش نرفضلو اي طلب ..
نسفت عـايدة : اووف منكم !!
توجهـت عـايدة للاسانسور نطقت روفـي : رايحة ليهم ؟!
شافت فيـها : ونخليـهم !! حيرتووني انتي وخـوك ! واش هو الصح في رايك ؟!

قربت ليـها روفي وسحبتهـا تحكي بصوت منخفض : انـا المهم عندي يا مامااا ماتتسرعيش وتظلميها ، هي والله ماكانتش موافقة ، اقسمتلي انها جات فقط علجـال نزيـم ، الخطـأ من ولدك مش منها !!
عـايدة : عـااارفة يااروفي ! لكن لازم نحكي معاهم ! مستحيل نقبل هكذا تصرفات في قصـري وامـام عينيـا ، حتى افـرا كنّـتي..
روفـي : فهمـت ...

سحبت يدهـا منهـا ومشات للأسـانسور ، فكرت روفي تخبرهـا انهم في غرفتهـا ، لكن سكتت في اخر لحظـة ،  فضلت تعطيهم وقت اكثر يمكن ينزلـو بمفردهم قبلمـا تمشي ليهم امهـا و تتحرج نهـاد ..
توجهت للمطبخ وطلبت من البنـات يسمحولها هي تحضر القهـوة ليـها ولبـاباها...

____________________________

قطبت حواجبهـا فيه بغضب وهي تعـدل في ثيابهـا ...
زكريـا : تيليفونك وين ؟!
نهــاد بحـدة وعيونهـا على الاخر الي مقابلـها بابتسـامة ماكـرة : فسدلي...
زكريـا : خلي تيليفـونها عندك باش نتواصل معاك ..
نهــاد : اوك ولـد عمي [رفعلهـا اياس ابهامو بمعنى برافـو ] ماما تناديلي راح نقطع زكريـا ..

قطـب ايـاس حواجبـو فيـها بانزعاج ، قطعت عليـه و رمات التيليـفون عليه بغضب لولا انـو ابتعد للجنب كان ضرب فيـه ...
نهــاد بنبـرة بـاكية : خسيييس !! ماااتحشمش !!
قـرب ليـها ، دفعـاتو بغضـب : بعـد عليـا ماتلمسنيييش ؟! متخيل لو سمعـني واش يصير فيـا ؟!
ايــاس : عـارف ماراح يصـير ولا شيء [ كانت راح تجـاوبو وسبقهـا] ومستحييل كنت نخليـه يسمع ، هـدني روحك بلا انفعـال..