- فاق.
- جاستن فاق؟
- فاق!!
- استدعوا الممرضة بسرعة.
سمعت الكلام ده بس مش فاهم حاجة هو في ممرضات في الجنة!!
ولا انا مش ميت دلوقتي.
رؤيتي بدأت توضح شوفت بنت جاية ناحيتي ومعاها راجل ولابسين أبيض برده.
ايه المكان الي كله أبيض ده!!
الراجل ده ضرب في عيني نور عالي أعتقد أنه زي الكشاف وبعدها مسك معصمي وبص في ساعته.
أدركت ساعتها اني في المستشفي وإني مش ميت!!
بس إزاي انا فاكر اني كنت بموت خلاص وكانت ليز قدامي وسامع صوت عي.......
آه صح فين ليز...انا مش شايفها مع الي في الاوضة الي هما غالبا أمي وبابا وسكوت.
- ل...لي....ليز. *قلت وانا صوتي متقطع وضعيف مش عارف اطلع الكلمة مرة واحدة*
- حبيبي عايز حاجة نعملهالك...بيقول إيه يادكتور ؟
قالت ماما بصوت مختلط بالعياط.
- تقريبا بينده علي حد إسمه ليز *قال الدكتور وهو مازال بيفحصني وكمل* بس الحمدلله جاستن بقى كويس وكل حاجة بقت تمام *ابتسم*
ماما قربت مني وقبلت جبيني وبعدها مشي الدكتور بعد ما طلب من الممرضة أنها تجيب الأكل علي الاوضة.
- شد حيلك يابطل البليبيرز انت واحشهم أوي *قال سكوت*
ابتسمت وكان عندي فضول أعرف إزاي جيت هنا وليز راحت فين مع اني عارف ان أهلي ميعرفوش حاجة عنها هو سكوت بس.
- ماما إيه الي حصل؟! *قلت*
- انت مش فاكر ياعمري! طلع عليك لصوص في وسط الطريق وكانوا عايزين يقتلوك...قلتلك كذة مرة أمشي بالجاردز بتوعك بس انت دايما بتحب تخاطر *نبرتها غاضبة بس بعطف شوية*
- لصوص!! انتي متأكدة!؟ آمال مين الي جابني هنا؟
- بيقولوا بنت جت كانت سانداك وخدوك منها وبعدها اختفت ومش لاقينها من ساعتها.
- ايوة هي البنت دي لازم ألاقيها *كنت هقوم بس ماما مناعتني*
- لا لا انت لسة تعبان وبعدين اكيد البنت دي شافتك في وسط الطريق وخدتك عادي يعني أي حد كان هيعمل كدة.
- بس ياماما انتي مش فاهمة حاجة البنت دي تبقي.........
قطع كلامي دخول الممرضة بالأكل.
ماما خدت الأكل وجت قعدت جنبي عشان تأكلني.
- ماما انا بعرف أكل لوحدي والله *ذمجرت*
- ششش يالا كل *بتأكلني*
سكوت استأذن وخرج وبابا فتح التليفزيون وقعد علي الكنبة بعد ما اطمن عليا طبعا.
-ماما هو انا بقالي هنا اد إيه يومين اكيد صح!! *قلت وانا باكل*
أنت تقرأ
Everything Has Changed
Fanfictionالحياه مملة. خاصة عندما تكون طويلة جدآ. فهل سيأتي من يغير كل شئ للأفضل!! أم سيغيرها للأسوء!! *characters* Justin Bieber: as himself Leza: Barbara Palvin Eric : Tyler Posey
