- في خطر ازاي يعني!!
- معرفش واحد اتصل بيا من موبيل إيريك وقالي ابقي في قصر الملوك بكرة!!
اكيد معني كدة أن عيلتي هناك ويمكن يكونوا في خطر..بسببي.
- بسببك؟!
قال وهو شبه مقفل عينه بمعني أنه عايز توضيح أكتر.
- ايوة بسببي ..لو ..لو مكنتش حبيت بشري مكوناش هنبقي في خطر ..من ساعة ما بقينا مع بعض والمشاكل بتنزل علينا زي المطر.
انا غلط وغلطي ده هيخلي اهلي يدفعوا هم الثمن مش انا ..لازم أصلح غلطي.
ريح ظهره علي الكرسي وبص قدامه للفراغ وتعابير وشه مفيهاش أي ملامح وشد قبضة أيده بغضب وعض علي شفته السفلية.
- وهتصلحي الغلط ده إزاي؟
بلع ريقه وبص الناحية التانية (ناحية النافذة الي جنبه).
وتقريبا عملت زيه عشان مش عايزة اشوف تعابير وشه لما أقوله.
- أننا ..ننهي العلاقة الي بينا دي.
سمعته بيضحك ضحكة خفيفة بإستهزاء فبصتله بتعجب.
- بتضحك علي إيه؟!
لف رأسه ناحيتي ببطء وبص في عيني.
- بضحك عشان كنت عارف أنك هتقولي كدة ..ماشي يا ليز عايزانا ننهي العلاقة يلا ننهيها.
قالها ببرود ..كأن في حاجة متغيرة في حديثنا!!
دايما كان بيقولي انه مينفعش يسبني وأنه بيحبني وأننا هنواجه الموضوع سوا.
إيه الي اتغير!!
انا اكيد مش بقوله كدة عشان أسمع الكلام ده منه انا فعلا بقوله كدة عشان لازم نبعد عن بعض عشان ميتأذيش بسببي أكتر من كدة.
قررت إني افتح باب العربية وأنزل منها بس حسيت بإيد مسكت معصمي فبصتله بضعف.
- لو نزلتي من العربية دلوقتي هعتبر إني مقبلتكيش ..همسحك من ذاكرتي و ..وقلبي كمان!!
عينه بدأت تلمع من الدموع الي علي وشك النزول ف اي لحظة.
ومنكرش أن دموعي نزلت فعلا..مش مصدقة أن دي نهايتنا فعلا.
اكيد ده حلم ..بس أنا مش بنام عشان أحلم!!
- وده المطلوب جاستن!!
ابتسمت إبتسامة كلها ضعف وألم وشديت معصمي من قبضة أيده وسحبت جسدي من عربيته.
قفلت باب العربية وبصتله كأنها آخر مرة هشوفه فيها.
انا عارفة أنه جاستن بيبر الي كل البنات هتموت وتبقي معاه يعني أكيد هينساني وهيشوف حياته من جديد.
ياريتني ما ظهرتله ..ياريتني فضلت أحبه من بعيد زي ما كنت.
بصيت قدامي ومشيت لحد ما اختفيت من قدامه.
بدأت اعيط مش عارفة هروح علي فين.
قررت إني أدخل الغابة ...جريت بأقصى سرعة عندي وإلي هي تقريبا زي سرعة الرصاصة.
فضلت أجرى وسطها واتجاوز الأشجار الي بتمر جنبي بسرعة بحاول أتخلص من كمية الغضب والألم الي جوايا لحد ما وقفت مرة واحدة قدام بيتي الي مظلم أوي مفيش نور خالص.
مشيت ببطء ناحية الباب لقيته شبه مفتوح ..دخلت جوا فتحت النور بس متفتحش.
مشيت شوية رجلي داست علي حاجة أصدرت صوت مزعج عرفت أنه ازاز مكسور.
طلعت موبيلي من جيبي عشان أنور لنفسي مش شايفة حاجة خالص في الضلمة دي.
أنت تقرأ
Everything Has Changed
Fiksi Penggemarالحياه مملة. خاصة عندما تكون طويلة جدآ. فهل سيأتي من يغير كل شئ للأفضل!! أم سيغيرها للأسوء!! *characters* Justin Bieber: as himself Leza: Barbara Palvin Eric : Tyler Posey
