بدأت أفتح عيني بهدوء حسيت بإيد ماسكة أيدي.
قمت بفزع خفت أكون كنت بحلم أو حاجة حصلت ل ليز.
بس قلبي اطمأن لما لاقيت نفسي نايم علي الكنبة الخاصة ب اوضة ليز وهي قاعدة علي طرفها وماسكة أيدي.
قمت عدلت نفسي،بقيت علي وضع الجلوس وسبت أيديها تلقائيا عشان اريح راسي بين أيديا الاتنين من كتر الصداع.
حسيت بإيديها الناعمة فوق قماش هدومي علي ضهري.
- انت كويس؟!
- همم.
- جاستن لازم تمشي هدومك لسة مبلولة وممكن يجيلك برد ( زكام)
- هو ايه الي حصل؟!
تجاهلت كلامها وسألتها من غير ما بصلها.
منكرش اني زعلان منها عشان مفكرتش حتي أنها تبصلي ووالدها كان هيقتلني.
حسيت ساعتها أنها خلاص مش عايزاني تانى ولا بقت تحبني.
- جاستن من فضلك لازم تمشي من هنا ومن غير أي أسئلة ارجوك.
قامت بس انا مسكت معصمها فبصتلي بضعف.
- كنت عايزك بس تبصيلي ساعتها...كل الي اتمنيته أن أشوف عنيكي ونظرتك القلقانة عليا الي بشوفها دايما في عينك..
بس ايه الي حصل... ولا حاجة :)
فضلت ساكتة وبصالي بصمت، سبت أيدي عن معصمها واتفجأت ب دمعة سقطت علي خدي لما حسيت أنها حتي معندهاش رد تدافع بيه!!
قولي أي حاجة...أي حاجة وانا هصدقك بس متسكوتيش كدة!!
حاسس أن قلبي فعلا مكسور هي بجد خلاص مبقتش تحبني..ايه الي حصلها!!
سمعتها بتتنهد وقعدت جنبي تاني بس المرة دي كانت قريبة مني أوي.
- مين قالك إني مبقتش بحبك!!
بصيتلها بتعجب!! هي ازاي عرفت ا.....
اجغ انا غبي نسيت أنها بتقرأ الأفكار.
- انت مش غبي..انت مغفل انك حبيت واحدة زي :)
- بطلي تقرأي أفكاري اولا!! *قلت بغضب*
ثانيا انا مش مغفل...انا حبيتك من قبل ما اعرف حقيقتك إيه وبعد ما عرفت كملت معاكي برده ومكنتش خايف منك بس انتي مقدرتيش ده والظاهر انك كنتي بتخدعيني!!
فضلت بصالي بصمت برده وقررت اني أحاول مفكرش ف حاجة عشان متقرأش أفكاري تاني.
بس طبعا مقدرتش فقررت اني أقوم أمشي.
قمت اتجهت ناحية الباب وهي مازالت مكانها علي الكنبة.
مجرد إني لمست مقبض الباب لاقيتها بسرعة بقت قدامي وسندت بضهرها علي الباب ووشها مقابل ل وشي والمسافة مابينا لا تذكر حتي.
- أعتقد أنك طلبتي مني اني أمشي.
قلت بقسوة وبحاول اتماسك قدامها ومظهرش ضعفي اكتر من كدة..إذا كانت مش عايزاني انا كماااااان مش ع........
- متكملهاش!!
يارببببي نفسي أوقف دماغي عن التفكيييير.
بصيت في عينيها بعمق.
أنت تقرأ
Everything Has Changed
Fanfictionالحياه مملة. خاصة عندما تكون طويلة جدآ. فهل سيأتي من يغير كل شئ للأفضل!! أم سيغيرها للأسوء!! *characters* Justin Bieber: as himself Leza: Barbara Palvin Eric : Tyler Posey
